Atos 9:4 - Deus Itaumbyry

⁴ Mârâ iatygugue toenzepa kehoem myani Saulo âseanedyly. Tâseaneduo myani Saulo onro onwa ihuguely. Tâjitanru idamâmy. — Saulo! Saulo! Âdaituoka ienagazedyly? — kely.

Atos 9:4 ပူးပေါင်းရင်းမြစ်များ

Mateus 25:40

Warâ ise auguely eyanmo: — “Ynynonro modoram pyni, paru, âtâ xykyhomo warâ muduwânmo. Ynynonro modo ewânumo ume, kadeia oday awylymo ume warâ, iomazeânze mydâwânmo. Ukono emyenro modo koendâ memâmo. Kaikânro modo, tâwâneim modo warâ koendâ mâendylymo-ro watay, urâlâ mâenkylymo” keze urâ yagonro modoram. Xirâ mâuntudyzemo kuru wato.

Lucas 10:41

Aituo myani Jesus eyam aguely: — Iozepa kulâ awârâ amyguely, Marta. Toenzepa kuru âtâ oday iwanogue mâtynanâdyly.

João 18:6

“Mâkâ mâwinlymolâ urâ” Jesus keduo, âjihujiguylymo, onro onwa ihuguewâdylymo.

João 20:16

— Maria! — kely Jesus eyam. Tâzedy wâgâ tygâseduo, Jesus lelâlâ awyly nhutuly, aguely: — Rabôni! — kely. (Hebraiku-em, “Ywymâry” keze awârâ aguely.)

João 21:15

Xina âwinduapygueduo, Jesus Simão Pedro nhapâiguely: — Simão, João Betsaida donro imery, toenzepa lelâlâ ywynedâ âmâ âdydo imeom takaze kehoem? — kely. Aituo Pedro in-hoguly: — Tutuzelâ âmâ, toenzepa âize wawyly — kely. — Arâ atayma ywâgâ aguekâne iwelo yeinwânni modoram. Tâguy ovelha imery nheto ara egâmo — kely Jesus.

Atos 5:10

Aguepygueduolâ kehoem myani iguely. Pedro enadoram kehoem myani ihuguely. Salokuzenomo modo saindylymo myani. Egawândylymo. Âwântybyem, pekodo igueypyem lelâlâ awyly nhedylymo. Aituo myani eguepybyry nhadylymo iso eatadoanlâ.

Atos 9:5

— Ânguyka âmâ, aguenri? — kely myani Saulo. — Jesus urâ, toenzepa mâenagazeguyly.

Romanos 11:22

Koendâ xirâ auguely inwantaguedaungâ. Koendonro Deus tâinwânni modo agâ, tâinwântânry modo olâ tânagazenehonze. Awylygue koendonro, kânagazeni alelâ Deus awyly. Agâmo koendâ olâ mâkâ, mâkâ einwânsezelâ âmaemo watay; imâem lelâlâ ise mâkâ agâmo koendâ awyly. Mâinwânsezebyra âmaemo watay olâ mâinwâmpyra matomobyry wâgâ inagazenehonzemo lâpylâ, se iwatary satâyby ara lâpylâ ise âmaemo.

1 Coríntios 12:12

Tokalelâ kodo, agui olâ isejiguy Arâ lâpylâ kurâ Cristo eynynonro modo; Cristo agâ tokalelâ Deus kâendyly, âikâ, âikâ warâ aguidyly umelâ.

1 Coríntios 4:7

Deus itaumbyry egatuim kâdunâguedaundâ, agonromo takaze kehoem tynrenseim mâkeba âmaemo. Idânârâ inomerymo, tâlâ matomo warâ Deuslâ âyanmo xuduim; tâwâlâ inkâba awârâ modo tâlâ mawylymo. Deuslâ xuduim, ize ato amânhetomoem. “Koendonro agânhedyly, koendonro wawylygue” myguelymo-ro watay, Deus keba inomerymo xuduin-ro waunlo ara amyguelymo. Ânguy sawoem itoem nuduwâpyra.

Efésios 5:30

Kâentâ mâkâ, xurâ kydawylygue, sodo emyenro kydawylygue.