Atos 9:34 - Deus Itaumbyry

³⁴ Eyam IU ise idâypyem myani Pedro aguely: — Iweâ lelâlâ ise Jesus Cristo kua âedyly, Enéias. Aukâ. XYDYK ikâ. Iguetudo nhonkâ mâxiguehoem — kely. Pedro aguely umelâ kehoem myani Enéias ixinary kua idyly. Inepa myani saudyly, koendâ adakobâdyly warâ.

Atos 9:34 ပူးပေါင်းရင်းမြစ်များ

Mateus 8:3

Jesus tâmarygue MÂʼ nhedyly. Eyam aguely: — Kua âedyse urâ. Tâwânepa âmâ iweâma. Kua âetai — kely. Ilâenlâ kehoem kua idyly. Iwâgâ pinuri peba idyly, itugoenzely warâ.

Mateus 9:6

Merâ koendâ adakobâdyly mâentuomo, xutuze âmaemo, kurâ domodo inakanhe aito xygakeze ton-honre wawyly urâ Uguondo Kaynâpa Âetyby — kely Jesus. Aituo adakobâdânryam aguely: — Aukâ. Iguetudobyry sanâkâ; adakobâgâ; idâ itynra — kely.

João 2:11

Târâ Canádâ, Galiléia eynynâ, saguhoem kuru adyesenry anhedylylâ ani Jesus Deus eon-honru tienehon-hoem. Xina Jesus eynynonro modo Jesus anhetyby tientuo, einwânmâ.

Atos 16:18

Iweâpa ani arâ aguezeseze awyly. Aituo ani Paulo iewiâpadyly, âwynsaundoam MYK idyly, mâkâ iodano kadopâram aguely warâ: — Jesus Cristo eon-honrugue xirâ âyam auguely. “Awâkâ âwynsaundo odaypa ikâ. Idâ” uguely — kely. Agueduo inepa kehoem mâkâ odaypa egasely.

Atos 3:12

Târâ toenzepa kurâdo âtâdyguyly tientuo myani Pedro aguely eyanmo: — Nhaum, koendâ ydataungâ, kydamu Israel iweom. Tâseguâdâzeba itaungâ. Xina arâ kâzesedaundâ. Ton-honrugue inkâba enra xina merâ adakobâdânrybyry kua nhedyly. Xina koendonroem awylygue inkâba merâ adakobâdyly.

Atos 3:16

Merâ uguondo âdaunlopyry awyly koendâ tutuzelâ âmaemo. Jesus eon-honrugue olâ enra kua idyly. Koendâ adakobâdyly metaimolâ. Inumo angataylâ enra Jesus eon-honrugue kua idyly, Jesus adyese awyly xina nheinwândylygue.

Atos 3:6

Warâ olâ myani Pedro aguely: — Tydinherugunepa urâ. Dinheru takaze kehoem koendonro olâ ise âyam kâunduly. Jesus Cristo Nazaré donro eon-honrugue âyam auguely: “Aukâ. Adakobâgâ warâ” — kely.

Atos 4:10

Egatuze urâ, mâuntuhomoem, idânârâ judeu domodo nhutuhoem lâpylâ warâ. Uguondo kua idyly keankâ, Jesus Cristo Nazaré donro eon-honrugue, mâkâ kruz wâgâ mâyâympymo, Deus kurâem nhetondyby eon-honruguelâ.

Atos 9:33

Uguondo Enéias kehobe myani târâ. Ixigalamadyby myani mâkâ. Oito anos myani mâkâ egueky.

Atos 9:35

Toenzepa Lida donro modo, Sarom donro modo warâ Enéias ese idâwânmomy. XYDYK warâ sautybyem awyly ese, adakobâdyly ese warâ myani idâlymo. Idâypyem myani Pymâ Jesus nheinwândylymo. Inakanhe adâidyly inmolymo, Jesus tyeinwântomoem.