Atos 8:29 - Deus Itaumbyry

²⁹ Aituo myani Deus Ispiritury aguely Filiperam: — Ainkâ mârâ karosaram iwaguepa. Mâkâ uguondo iota — kely.

Atos 8:29 ပူးပေါင်းရင်းမြစ်များ

Atos 10:19

Mârâ tientyby wâgâ kulâ myani Pedro âpaunzezedyly. Aituo myani Deus Ispiritury eyam aguely: — Azagâ tokalâ warâ uguondo âwinri nâetai.

Atos 11:12

Eagâmo Cornelioram udâhoem nhekaduomo keankâ Deus Ispiritury yam aguely: “Âdamyguepalâ eagâmo idâ” kely. Seis uguondo modo Jope donro Jesus einwânni modo xina agâ nâtâmo lâpylâ Cesareianra. Cornélio ety odaji keankâ xina egawândyly.

Atos 21:11

Xinaram saindyly; Paulo iwanxiery nhawâdyly. Tuhuru, tâwâry warâ nhekâjily mârâgue. Aguely: — Paulo, xirâ arâ âyam auguely ise, Deus Ispiritury kâuntuhoem aguehobyry aralâ. Judeu Jerusalém donro modo awâse, âhugâjize, iwâkâjize warâ. Kâzekâjiagui wâne myara ise mâzekâjioly âmâ xirâ panxi-em sodo. Ilâpyryem ise judeu keba modo emaxi âudulymo. Warâ ise amâieholy — kely ani.

Atos 28:25

Aituo idânârâ idâlymo, âjigue tâtunâgueze. Egasedaymo myani Paulo eyanmo aguely: — Kydamudoam Deus Ispiritury aguehobyry Isaías inweniby enanâguewâdaungâ:

Atos 8:26

Mârâpygueduo myani anju âepanâguely. Aguely Filiperam: — On-hongâ, Filipe. Sul einkâ idâ, ânwa Jerusalém, Gaza warâ ontano oze — kely. (Kurâdo aekuru sakado keba myani mârâ ânwa.)

Atos 8:28

Tygarosary oday ekadybyem myani ago kehoem Deus itaumbyry intainly. Deus itaumbyry egatuimbyry Isaías inweniby myani intainly.

Atos 8:30

Deus Ispiritury agueduo myani Filipe egatudyly mârâ karosa iose. Iopaji saintybyem myani mâkâ uguondo Isaías inweniby intainly indadyly. Aituo myani nhapâiguely: — Tutuze âmâ awârâ mâintainly? Ânguy wâgâ aguely tutuze âmâ? — kely.

Atos 8:39

Paikayba âjikaguedaymo myani Deus Ispiritury, Filipe nhadyly. Netombyra lelâ myani mâkâ uguondo Etiópia donro. Idâwâm lelâ olâmy. Toenzepa myani iomaru, Jesus tyeinwântuo.

1 Coríntios 12:11

Deus Ispiritury lelâ arâ konomedâni. Âkeloem, âkeloem warâ konomery nhuduly, ize ato aralâ aguientoem.

1 Timóteo 4:1

Tutuzeinhelâ Deus Ispiritury aguely: “Xypyryam saindyly tutuze Jesus wâgâ unâ iozeno einwândyly imoim modope ise. Kadopâ modo konokuni nhenomedâdo kulâ ise nheinwânkylymo” kely.

Hebreus 3:7

Deus Ispiritury aguehobyry enanâguewâdaungâ, Deus itaumbyry awo wâgâ iwenibyem mawânrâ. “Iwerâ âyanmo Deus agueho mâindatuomo,