Atos 7:42 - Deus Itaumbyry

⁴² — Awylygue myakâwândy Deus, saguhoem tientomobyry ara, nepyramo idyly. “Tâwâlâ inakanhe anidâmo, ize tato ara” kely myakâwândy Deus. Awylygue myakâwândy xixi, nunâ, ximukâ, awârâ modo kulâ nhyrenkylymo awyly. Saguhoem Deus itaumbyry egatuwâni modo iwâgâmo inwenihomobyry ara kehoem myakâwândy aidyly. “Israel domodo, urâ mâkeba akâwâm âdamudomo nhyrenkyly, quarenta anos ara mârâ âji âdy peba ato einkâ tadakobâdaymo. Yam inkâba akâwâm ânguydo imeom xyâypy, iaduântyby warâ nhegamelymo.

Atos 7:42 ပူးပေါင်းရင်းမြစ်များ

João 6:45

Saguhoem Deus itaumbyry aguewâni modo ewy warâ akâwândy inwenily: “Idânârâ ise Deusram âzenomedâolymo, âdara einwândyly awyly wâgâ.” Idânârâ Pabai nhenomedâdo idani modo, tyangahu odaji ieni modo warâ yeinwânsemo.

Atos 13:40

Saguhoem Deus wâgâ aguewâni modo, “Deus Ingonokyly eynynâbaom modo âsenagazeze” tâkezemo myakâwândy. Eynynâ itaungâ, mâsenagazebyra mitomoem. Warâ myakâwândy Deus aguehobyry Habacuque inwenily:

Atos 7:36

Moiséslâ myakâwândy kydamudo sani Egitodâba. Adyesenry modo aiemâmy Deus eon-honrugue, Deus tagâlâ awyly tienehon-hoem. Egitodâ tataylâ myakâwândy nhenehonly Deus eon-honru tagâ awyly. Parutabâ Tapabileim kelygue tâzekeim takadomoem iotagâ wayam, wayam tienehonday, Deus eon-honru enehonwâm lâpylâmy. Kydamudo quarenta anos âji âdy peba ato einkâ adakobâday myakâwândy Deus ton-honru nhenehonly Moisésram.

Hebreus 3:9

Deus aguely: ‘Quarenta anu akâwâm akaemo eseze wawyly, toenzepa kâinane xurâmoem koendonro modo agânhedyly. Arâlâ olâ akâwâm udueryem idylymo. “Kyzene olegue Deus inakanhe aguidyly nhemaenly, kânagazenehombalâ” kelymo.