Atos 6:10 - Deus Itaumbyry

¹⁰ Koendâ lelâ olâ myani in-hoguly, Deus Ispiritury aguehoem xurunipyryem awylygue. Pymâdo enado tâwentâdoem âdalâ kulâ aguely nitaymba myani mâkâ.

Atos 6:10 ပူးပေါင်းရင်းမြစ်များ

Lucas 1:17

Kurâ domodo koendâ iese Kywymâry sainto iray. Deus itaumbyry egaturin-em iesemo warâ. Deus Ispiritury myakâwâm Elias eon-honru tuduze, myara ise âmery agâ awyly, tâjimery modo tunwym agâ koendâ itoem aiese. Deus einwântânrybyry modoram, Deus einwânehonze. Warâ ise Israel donro modo koendâ nhedyly, Kywymâry saindyly iray — kely myakâwâm anju Zacariasram.

Lucas 21:15

Urâlâ ise amyguehomo xudunri mâsemaguehomoem. Amyguelymo tindatuo, âizepaom modo âkealâ amyguelymo xutuzemo. Âdakeontaymbamo ise âyanmo.

João 7:46

Aituo in-hogulymo: — Ânguy mâkâ agueho ara kehoem aguewâpyra — kelymo.

Atos 5:39

Deus eon-honrubemo-ro watay olâ ise âdakiempyramo kurâ, Deus agâ kydâseguebyly awylygue — kely. Gamaliel aguely tindatuo myani idânârâ âseinwândylymo.

Atos 6:11

Aituo myani kurâdo ewy nhepywadylymo, âdalâ kulâ Estêvão wâgâ aguehomoem: — “Mâkâ uguondo, Moisés nhunâguedyly, Deus nhunâguedyly warâ xina nidadâ” myguelymo ise — kelymo myani.

Atos 6:9

Tâlâ olâ myani judeu domodo ewy Estêvão iewiâseni, Jesus wâgâ aguelygue. Mârâ âtâ Etadâdyby Modo Etagueyby Âtâdyguyho kelygue tâzekeim oday âtâdyguywâni modo myani akaemo, Cirene, Alexandria, Cilícia Ásia warâ donropyry modo. Aituo myani tyewiâse kehoem Estêvão nhapâiguelymo.

Atos 7:51

Aituo myani Estêvão eyanmo agueondyly: — Eganumi lelâlâ mataunaze! Deus xurâem ânguydo kulâ âmaemo! Jesus wâgâ mâindadyse inkâba âmaemo. Nhenomedâdobyry mâuntudyze inkâba âmaemo, mâinwândyse inkâba warâ. Deus Ispiritury aguely mâinwantaguedyze inkâba âmaemo, âdamudomo aralâ.

1 Coríntios 2:4

Tonomegue tawyly egaeni modo ara inkâba ani unâ kâengatuly. Ienomery kâenehohoem kulâ imâem kehoem auguely witaymba ani urâ, akaemo aito ara. Ywâgâ koendâ amyguehomoem kulâ ize matomo kulâ mâkeba keankâ augueho. Deus itaumbyry âyanmo kâengatuduo, ywâgâ inkâba ani mâinwândylymo, Deus Ispiriturylâ ton-honrugue, mâinwântomoem aienehoim.