Atos 5:26 - Deus Itaumbyry

²⁶ Mâkâ aguely tindatuo myani akaemo Deus ety iguardary iwymâry, izodadury modo warâ Jesus tunâry egaturin-em induakeyby modo sawâtonze idâlymo. Sawâtonibyryem, nenagazebyramo olâ myani. — Asaemo kienagazedyly-ro watay, kurâ domodo tuhu kuonwa samezemo. Toenzepa kurâdo asaemo nhehoguedyly — kelymo myani tyangahu oday. Awylygue myani âdaniepyra kehoem nhadylymo pymâdo âtâdyguyhobyryam.

Atos 5:26 ပူးပေါင်းရင်းမြစ်များ

Mateus 14:5

Herodes wâne myani João tyâen-hondyze, tyangahu oday xunâzely olâ: — Kâyâen-honly-ro watay, kurâdo iewiâpaze yagâ — kely. Kurâdo enanaji Deus itaumbyry egatuim mawânkâ myani João.

Mateus 21:26

“Uguondo kulâ ani João aitoem agueim, Deus mâkeba” kykeduo, kurâ domodo kagâ iewiâpadaynze. “Deuslâ João Batista igononi” tâkezemo inanry — kelymo.

Mateus 26:5

— Koendâpa ise enra âty ume sawâdyly. Toenzepa ise kurâdo âzetygueni modo. Jesus etadâdobyry egary indadylymo watay, kagâ iewiâpazemo, âjitoguyzemo warâ — kelymo wâne myani.

Mateus 26:58

Myarâ idâdaymo myani âgânâ kehoem Pedro idâly, Caifás ety idaseraji. Tâgawânse, tâkaze warâ myani akaemo guarda domodo agâ, âdara Jesus nhedylymo tientoem.

Lucas 20:19

Moisés inweniby enomedâni modo iwymârydo, kurâdo eynynâ Deus agâ aguewâni modo iwymârydo warâ awârâ unâ Jesus nhegatuly indadylymo myani. Ilâ tindatuo, toenzepa kehoem iewiâpadylymo, tyanlâ Jesus aguely awyly tiuntuduomo. Jesus agâ tyewiâsemo wâne myani, nawânehombamo olâ, “Kianwânehonly iwerâ watay, kurâdo kagâ iewiâpaze” tâkeduomo, âdaunlo kurâ domodolâ mawânkâ Jesus izetonro awylygue.

Lucas 20:6

“Uguondo kulâ ani João aitoem agueim, Deus mâkeba” kykeduo, taunlo modo kagâ iewiâpadaynze. “Deuslâ, João Batista igononi” tâkezemo inanry. Aituo ise tuhugue tamytâze kyâlymo — kelymo.

Lucas 22:2

Kurâdo eynynâ Deus agâ aguewâni modo iwymârydo, Moisés inweniby wâgâ enomedâni modo warâ âjigue âtunâguedylymo myani âdara Jesus xyâly wâgâ. Akaemolâ âdara Jesus tyâen-honly wâgâ agueim, kurâ domodo nhutudyzebamo olâ myani, tagâ iewiâpadylymo tyntadylygue.

Lucas 22:4

Kurâdo eynynâ Deus agâ aguewâni modo iwymârydo agâ, guarda iwymâry modo agâ warâ Judas agueze idâly. Jesus tiengamehoem âseinwândyly eagâmo.

Atos 4:21

Arâ agueduomo myani pymâ domodo eyanmo aguely: — Tarâpa itaungâ. Jesus xunâry ânguyram kâzegatuondaundâ olâ-ro warâ. Iwâgâ amyguezesedylymo-ro watay, toenzepa kehoem inagazenehonzemo enra xina — kelymo. Warâ olâ myani kurâ domodo mârâ âtâ anano modo aguelymo: — Koendonro awâkâ Deus. Ton-honru nudu akaemo azagâram, mâkâ adakobâdânrybyry kua nhetomoem — kelymo. Agueduomo myani pymâ domodo akaemo azagâ tienagazenehon-ho nutuba idylymo. Aituo myani aguelymo: — Kienagazenehonlymo-ro watay, kurâdo kagâ iewiâpadaynzemo — kelymo.

Atos 5:13

Agui isezedyly myani pekodo modo, uguondo modo warâ Jesus einwânni modo. Iwelo einwântaynrim modo akaemo saguhoem einwânnipyry modo agâ tâtâdyguyzemo myani. Idânârâ Jerusalém donro modo koendâ myani iwâgâmo aguely. Jesus einwântânry modo olâ myani tyane eagâmo âtâdyguyze.

Atos 5:22

Aituo myani guarda domodo kadeiaram idâlymo. Myarâ saintybyem olâ myani, Jesus tunâry egaturin-em induakeyby modo nepyramo. Tiempyramo tituo myani odopâdylymo pymâdo âtâdyguyhobyryam. Aituo myani aguelymo:

Atos 5:24

Kurâdo eynynâ Deus agâ aguewâni modo iwymârydo, guarda iwymâry warâ kadeiaram idâwâtyby modo aguely idamâmomy. Tindatuo, âseguâdâmâmomy âdara itomobyry awyly nutuba tawylymogue. Aituo myani âjigue aguelymo: — Âdaraka enra akaemo Jesus xunâry egatuwâni modo aidyly? Âdykâmo wânkâ? — kelymo.

Atos 5:25

Aguelymo ume myani egatuim saindyly. Aguely: — Idataungâ! Akaemo uguondo modo kopaelâgâ mâentadânehoymbymo anrimo târâ, Deus ety idaseray. Jesus wâgâ kurâdo nhenomedâdondylymo — kely.