Atos 4:7 - Deus Itaumbyry

⁷ Aituo myani sodadu domodoram aguelymo: — Pedro, João warâ enetaungâ xarâ — kelymo. Aituo myani ese idâlymo, nhadylymo. Saintuomo myani pymâdo tânadoram ingâsedylymo. Tânadoram idâduomo myani nhapâiguelymo: — Ânguy unâry wâgâka keankâ uguondo adakobâdânrybyry kua mânhedylymo? Ânguy eon-honrugueka keankâ koendâ adakobâdoem amânhedylymo? — kelymo.

Atos 4:7 ပူးပေါင်းရင်းမြစ်များ

Mateus 21:23

Jerusalémram saintybyem, Jesus idâly Deus ety odaji. Târâ kurâdo nhenomedâdyly ume, kurâdo eynynâ Deus agâ aguewâni modo iwymârydo, eagonro pymâ modo warâ eyam idâlymo. Aituo nhapâiguelymo: — Ânguyka tarâ Deus etydâ arâ amitoem agueim? — kelymo.

Marcos 11:28

Aituo nhapâiguelymo: — Ânguyka tarâ Deus etydâ arâ amitoem agueim? — kelymo.

João 2:18

Jesus anhetyby tientuo myani, pymâdo aguely: — Âdylâ Deus eon-honrugue amânhedyly tiendyse xina, Deuslâ, Deus keba tarâ amitoem aguenri mawyly tiuntuhoem — kelymo.

João 8:3

Nhenomedâdyly ume, fariseu domodo, Moisés inweniby enomedâni modo iwymârydo warâ Jesusram pekodo nhenewylymo. Eagonro uguondoam âdynanâoly emâmomy. Pekodoam aguelymo: — Tarâ ikâ idânârâ nhetodâ — kelymo.

João 8:9

Jesus arâ agueduo, idânârâ tutuzemo mawânkâ Deus izepa ato aieni lelâ tawylymo. Aituo tokalâ, tokalâ warâ âxiguewâdylymo, agaityom modo waunroem kuru âxigueim. Ânguy peba idyly, Jesus, pekodo alelâ âxiâim.

Atos 4:10

Egatuze urâ, mâuntuhomoem, idânârâ judeu domodo nhutuhoem lâpylâ warâ. Uguondo kua idyly keankâ, Jesus Cristo Nazaré donro eon-honrugue, mâkâ kruz wâgâ mâyâympymo, Deus kurâem nhetondyby eon-honruguelâ.

Atos 4:6

Târâlâ myani Anás. Kurâdo eynynâ Deus agâ aguewâni modo iwymâry kuru myani mâkâ. Ipemugudo tarâlâ lâpylâ myani, Caifás, João, Alexandre, eagonro modo warâ.

Atos 4:8

Deus Ispiritury ton-hondâni awylygue tyanepa kehoem eyanmo Pedro wakely: — Idaenkulymo wao, pymâ domodo.

Atos 5:40

Aituo myani guarda domodoram aguelymo: — Xarâ enetondaungâ akaemo Jesus xunâry egatuwâni modo — kelymo. Aituo myani pymâdo enadoram adahondylymo. Nhapiogüen-honlymo lelâ myani. Tiampiogüen-hombygueduo myani eyanmo aguelymo: — Ânguyran-ne Jesus wâgâ adâkeonzeba itaungâ — kelymo. Agueypyem myani inmoen-honlymo.