Atos 4:21 - Deus Itaumbyry

²¹ Arâ agueduomo myani pymâ domodo eyanmo aguely: — Tarâpa itaungâ. Jesus xunâry ânguyram kâzegatuondaundâ olâ-ro warâ. Iwâgâ amyguezesedylymo-ro watay, toenzepa kehoem inagazenehonzemo enra xina — kelymo. Warâ olâ myani kurâ domodo mârâ âtâ anano modo aguelymo: — Koendonro awâkâ Deus. Ton-honru nudu akaemo azagâram, mâkâ adakobâdânrybyry kua nhetomoem — kelymo. Agueduomo myani pymâ domodo akaemo azagâ tienagazenehon-ho nutuba idylymo. Aituo myani aguelymo: — Kienagazenehonlymo-ro watay, kurâdo kagâ iewiâpadaynzemo — kelymo.

Atos 4:21 ပူးပေါင်းရင်းမြစ်များ

Mateus 15:31

Tytarenrybyry modo koendâ kehoem âjitainlymo. Tywyke iazeypy koendâ idylymo. Adakobâdânrybyry modo koendâ adakobâdylymo idyly. Epybyry modo koendâ nhedylymo warâ. Awârâ tientuo tonlo modo toenzepa kehoem âsewânilymo. Aituo israelita domodo iDeusry nhehoguedylymo: — Koendonro, ton-honreim warâ âmâ, Deus — kelymo.

Mateus 21:46

Awylygue Jesus tientadânehondyze idylymo, tyâen-hon-hoem. Âjigue aguelymo: — Iweâ lelâlâ kianwânehonly watay, kurâdo kagâ iewiâpaze Xurâmoem, koendonro lelâlâ awâkâ Jesus, Deus eynynâ aguenri awâkâ — kelymo. Awylygue Jesus âdara niepyra awylymo ilâenlâ.

Mateus 26:5

— Koendâpa ise enra âty ume sawâdyly. Toenzepa ise kurâdo âzetygueni modo. Jesus etadâdobyry egary indadylymo watay, kagâ iewiâpazemo, âjitoguyzemo warâ — kelymo wâne myani.

Mateus 9:33

Jesus mâkâ iodano kadopâ egasehoem agueduo, uguondo koendâ âjitainly adaguly. Idânârâ kurâ domodo âsewânilymo. Aituo aguelymo: — Âdykâ Israeldâ uguondo kadopâbeom kua ieni xina netaymba, Jesus anheto ara! — kelymo.

Mateus 9:8

Mâkâ aidyly tientuo kurâ domodo âsewânilymo, âseanedylymo warâ. Aituo myani aguelymo: — Koendonro, ton-honreim warâ Deus, awâkâ uguondo tâwânuneim modo kua nhetoem eon-honru nhuduhobyry wâgâ! — kelymo.

Lucas 13:17

Awârâ tindatuo myani Jesus izepanro modo âpybazedylymo. Izetonro modo olâ iomaru lelâ Jesus Deus eon-honrugue aidyly tientuo.

Lucas 20:19

Moisés inweniby enomedâni modo iwymârydo, kurâdo eynynâ Deus agâ aguewâni modo iwymârydo warâ awârâ unâ Jesus nhegatuly indadylymo myani. Ilâ tindatuo, toenzepa kehoem iewiâpadylymo, tyanlâ Jesus aguely awyly tiuntuduomo. Jesus agâ tyewiâsemo wâne myani, nawânehombamo olâ, “Kianwânehonly iwerâ watay, kurâdo kagâ iewiâpaze” tâkeduomo, âdaunlo kurâ domodolâ mawânkâ Jesus izetonro awylygue.

Lucas 20:6

“Uguondo kulâ ani João aitoem agueim, Deus mâkeba” kykeduo, taunlo modo kagâ iewiâpadaynze. “Deuslâ, João Batista igononi” tâkezemo inanry. Aituo ise tuhugue tamytâze kyâlymo — kelymo.

Lucas 22:2

Kurâdo eynynâ Deus agâ aguewâni modo iwymârydo, Moisés inweniby wâgâ enomedâni modo warâ âjigue âtunâguedylymo myani âdara Jesus xyâly wâgâ. Akaemolâ âdara Jesus tyâen-honly wâgâ agueim, kurâ domodo nhutudyzebamo olâ myani, tagâ iewiâpadylymo tyntadylygue.

Lucas 5:26

Toenzepa kehoem Idânârâ âsewânilymo, âseanedylymo warâ. Deusram aguelymo: — Koendonro, ton-honreim lelâlâ warâ âmâ, Deus! Koendonro modo aieni. Âdykâ koendonro awârâ emyenro kientaymba kurâ, iwerâ olâ kyzetai! — kelymo.

Atos 4:17

Kyjigâsedon-nemo wao, “Mâkâ uguondo kua ityby wâgâ, Jesus wâgâ warâ ânguyram adâkezeba itaungâ” kykehoem. “Jesus wâgâ amyguezesedylymo-ro watay, toenzepa kehoem inagazenehonzemo xina” kykely ise eyanmo — kelymo myani.

Atos 4:22

Quarenta anos takaze myani mâkâ uguondo Deus eon-honrugue kua ityby.

Atos 5:13

Agui isezedyly myani pekodo modo, uguondo modo warâ Jesus einwânni modo. Iwelo einwântaynrim modo akaemo saguhoem einwânnipyry modo agâ tâtâdyguyzemo myani. Idânârâ Jerusalém donro modo koendâ myani iwâgâmo aguely. Jesus einwântânry modo olâ myani tyane eagâmo âtâdyguyze.

Atos 5:26

Mâkâ aguely tindatuo myani akaemo Deus ety iguardary iwymâry, izodadury modo warâ Jesus tunâry egaturin-em induakeyby modo sawâtonze idâlymo. Sawâtonibyryem, nenagazebyramo olâ myani. — Asaemo kienagazedyly-ro watay, kurâ domodo tuhu kuonwa samezemo. Toenzepa kurâdo asaemo nhehoguedyly — kelymo myani tyangahu oday. Awylygue myani âdaniepyra kehoem nhadylymo pymâdo âtâdyguyhobyryam.

Atos 5:40

Aituo myani guarda domodoram aguelymo: — Xarâ enetondaungâ akaemo Jesus xunâry egatuwâni modo — kelymo. Aituo myani pymâdo enadoram adahondylymo. Nhapiogüen-honlymo lelâ myani. Tiampiogüen-hombygueduo myani eyanmo aguelymo: — Ânguyran-ne Jesus wâgâ adâkeonzeba itaungâ — kelymo. Agueypyem myani inmoen-honlymo.