Atos 27:24 - Deus Itaumbyry

²⁴ Warâ enra aguely: “Paulo, tyanepa ikâ. Iwerâ kehoem âiguewâpyra ise âmâ. Pymâ kuru Roma donro enadoram idâze wao âmâ. Koendonro awâkâ Deus. Awylygue ise nhetâlâ awyly. Âmâ, agâ idâwâni modo warâ nhesemo lelâ” keanry yam.

Atos 27:24 ပူးပေါင်းရင်းမြစ်များ

Mateus 10:18

Yeinwândylymogue, idânârâ pymâ domodoram adahoze âmaemo. “Tumunreim âmaemo” keze akaemo pymâdo, inagazedomoem. Pymâ domodo enado mataymo tâwâlâ ise unâ iwâkuru mâengatulymo âdara imakehomobyry wâgâ judeu domodo iwymâryam, judeu keba modo iwymâryam warâ.

Mateus 10:28

— Ârinmo kâdytadaundâ; igadopyrymo âdaunloenlâ adaindânry tyân-hoem ton-honremba mawânkâ. Tâwâlâ lelâlâ wâne inagazedylymo. Ton-honremba olâ Satanás eydâ tatoram ogonosemo. Deus anhekyly xytadaungâ. Awâkâ kulelâ mawânkâ âigueduomo, Satanás eydâ atoram ogonosemo ton-honreim.

João 11:9

Aituo Jesus xinaram aguely: — Odopâdonze urâ. Kopaelâgâembaba xixi iatygu doze horas ara lelâ. Peto oday adakobâni modo nâjihodaigâdaymba, xixi wâgâ. Kopae adakobâni modo olâ tâjihodaigâze, iamu oday tâtâho nepyra tawylygue — kely.

Atos 19:21

Ilâpygueduo myani Paulo tyangahu oday xunâzely: — Macedônia einkâ, Acaia einkâ warâ ise yakadyly, Jesus einwânni modo tâense. Tonlopyryem ise Jerusalémram udâly. Ilema ise Romaram udâly-ro warâ — kely.

Atos 23:11

Kopae myani Pymâ Jesus, Paulo agâ agueze âepanâguely. — Tyanepa ikâ. Tarâ Jerusalémdâ ywâgâ amyguehobyry ara lâpylâ ise Romadâ ywâgâ amyguely — kely myani Jesus.

Atos 25:11

Âdalâ inakanhe awitobyrybe yiguehoem kehoen-ro watay, yâen-hongâ. Judeu domodo kewâdyly kulâ watay olâ, ienagazenehomba nidâmo, kywymâry Roma donro agueho ara. Awylygue ise kywymâry Roma donro César-ram kâenkadyly. Ugonokâ pylâ mâkânra. Tâzekelâ urâ târâ. Mâkâ lelâlâ ise aguenri, inakanhe, inakanhemba warâ awitobyry wâgâ — kely myani Paulo.

Atos 27:31

Pepi imâsedo odayba âwiense kelymo awyly tutuze olâ myani Paulo. Aituo ani Roma donro sodadu domodo iwymâryram aguely: — Xirâ pepi oday tâwanuneim modo âwiense kelymo. Ânguy nâwiempyra nidâ. Âwiendylymo-ro watay, âdara mâsemaguewâbyra ise âmaemo — kely.

Atos 27:37

Agui ani xina mârâ pepi imâsedo oday awyly, duzentos setenta e seis kurâdo lelâ.

Atos 27:42

Sodadu domodo ani akaemo etadâdyby modo idânârâ xyâwâse kelymo, tywâre sagunu onwa nâsemagueba itomoem.

Atos 27:44

Ilâpyryem ani aguely tywârenry modoram: — Paikaji adamewâdaungâ. Tábua wâgâ, pepi epiry adakalagueyby wâgâ warâ adawâtaungâ, sagunu onwa mydâhomoem — kely ani eyanmo. Warâ ani xina idânârâ saindyly sagunu onwa; ânguy niguepa ani pepi atuduo.

Atos 9:15

Aituo myani Pymâ Jesus aguely eyam: — Idâ eydâ atoram. Ynynonroem mâkâ iwerâ, iemaryem kâinduakeyby wâgâ aguehoem. Judeu keba modoram, iwymârymoram, judeu modoram lâpylâ warâ agueze mâkâ ywâgâ.

Filemom 1:22

Itydâ waone iejidy âungukâ, udâduo kâxidâdo. Tutuze urâ, Deusram ywâgâ amyguepa mipyra mawylymo: “Pabai Deus, Paulo xarâ nâetondâ” myguelymo inanry eyam. Inepa kewânkâ Deus amyguehomobyry aiese, agâmo witoem.

Tiago 5:16

Deus izepa ato amânhedylymo-ro watay, agonromo agâ âkaduwâdaungâ. Deusram ekadaungâ, inakanhe amitomobyry nhygakehoem, kua âetomoem lâpylâ warâ. Deus ize ato lelâ aieni nhekadyby ton-honre lelâlâ, Deus ize ato aienehonze.

Apocalipse 1:17

Kâentuo, iekomadâ; ipebaji kehoem yihuguely igueypy ara. Aituo tâmary aho eynynonrogue MÂʼ yedyly. Aguely: — Tyanepa ikâ. Idânârâ adaguho urâ. Idânârâ adaimpygueduo, ipa witaymba ise urâ.