Atos 26:9 - Deus Itaumbyry

⁹ Idânârâ tonlo modo indatoem myani Paulo aguely Agriparam: — Saguhoem, urâlâ kâinane Jesus Nazaré donro einwânni modo enagazeni. Idânârâ adyese winane, kâenagazedomoem.

Atos 26:9 ပူးပေါင်းရင်းမြစ်များ

João 15:21

Mâzenagazeolymo ise, ynynonroem mawylymogue. Mâkâ ugononibyry nutubamo mawânkâ.

Atos 21:13

Tohogüenze lâpylâ ani xina, arâ aieholy awyly tiuntuduo. — Âdaituoka arâ ogunrumo? Jerusalémram udâpa witoem unâry xugukehonze myguelymo? Pymâ Jesus “Aiekâ” kehobyry lelâ agânhedyse wato. Jerusalémram idâze lelâ urâ, iekâjihomoem kulâ inkâba, yiguehoem lâpylâ, Jesuslâ arâ izetonro atay — kely ani xinaram.

Atos 22:3

Aituo myani Paulo agueondyly: — Judeu urâ. Tarsodâ yazely, Cilícia eynynâ. Tarâ Jerusalémdâ olâ ienamadyly. Gamaliel ani ienomedâni. Koendâ kehoem ani ienomedâdyly Moisés inweniby wâgâ. Koendâ kehoem ani ienomedâdyly kydamudo ezewenrygue warâ. Deus ize ato ara awidyse ani urâ, amidyse matomo ara.

Atos 22:4

Izepa ani urâ, asaemo “Jesus kieinwântuo lelâ Deus eydâ atoram kytâly” kewâni modo. Jesus einwânni modo senagazedâ. Sawânehomo. Uguondo modo, pekodo modo warâ kadeia odaxi setadâneho, xyâen-homo warâ.

Atos 22:8

— “Ânguyka âmâ, aguenri?” uguely ani. — “Jesus Nazaré donro urâ, toenzepa mâenagazeguylylâ” kely ani.

Atos 24:5

— Ânguydoem kulâ merâ Paulo xina duay awyly. Âdykâ tadakobâdobyry einkâ Jesus wâgâ nhenomedâdyly. Awylygue xina judeu domodo nhewiâpanâdyly. Jesus Nazaré donropyry einwânni modo iwymâry lâpylâ mawânkâ awâkâ.

Atos 3:17

— Ypemugudo, âwymârymo agâ Jesus kruz onwa mankâjien-hondaymo, Jesus, Messiaslâ awyly mâuntuwâbyra keankâ akaemo. “Kruz wâgâ sakâjien-hongâ” myguedaymo, Deus Ingonotyby mâkâ awyly mâuntuba mawylymo xutu.

Atos 3:6

Warâ olâ myani Pedro aguely: — Tydinherugunepa urâ. Dinheru takaze kehoem koendonro olâ ise âyam kâunduly. Jesus Cristo Nazaré donro eon-honrugue âyam auguely: “Aukâ. Adakobâgâ warâ” — kely.

Atos 9:1

Toenzepa myani Saulo iewiâky Pymâ Jesus einwânnipyry modo agâ. Tyânwâdysemo myani idânârâ kehoem. Aituo myani kurâdo eynynâ Deus agâ aguewâni modo iwymâry kururam agueze idâly.

Atos 9:16

Urâlâ ise Sauloram, “Yeinwântânry modoram toenzepa âzenagazeoze maze” kerim — kely.

Romanos 10:2

Deus ize ato adiendyse awylymo, tutuze urâ, nutubamo olâ âdara koendâ aiedyly awyly.

Filipenses 3:6

Saguhoem, Deus ize ato agânhekyly waunlo ara akâwâm ienanaji, Cristo einwânni modo kâenagazeday. Xina ezewenry agueho ara adâise winase. Awylygue kâinane uguondo koendonro ara lelâ kâdutuoly.

1 Timóteo 1:13

Jesus kâinwândyly iraynâ, inakanhe kulâ kâinane Jesus wâgâ auguely. Jesus eynynonro modo tyâwâse kâinane urâ. Toenzepa kâinane eagâmo yewiâky, tâwentâguezemo, tapioguzemo warâ winane; inakanhe iwâgâmo adâkeze warâ. Jesus kâinwâmpyra wawylygue akâwâm âdawidyly awyly kâuntuba wawyly. Deus ize ato aralâ awidyly uguewâdylygue, Jesus xurâ modo kâenagazedyly. Arâlâ olâ Deus ytyendâ, iedâ warâ, saguhoem inakanhe kulâ aitybyem wawyly umelâ.