Atos 26:3 - Deus Itaumbyry

³ Judeu domodo ezewenry tutuzelâ âmâ, idânârâ kehoem. Tutuze lâpylâ âmâ, xina izepa ato, xina nâseinwâmbyra ato warâ. Awylygue olâ ydakâ wao. Auguely ara uguely — kely.

Atos 26:3 ပူးပေါင်းရင်းမြစ်များ

Atos 21:21

Moisés inweniby izepa âmâ, waunlo ara olâ enanajimo. “Paulo, judeu domodo âkelo âtâ anakonro modoram aguely: ‘Moisés inweniby imowâdaungâ. Âmerymo ilery ety iopiry kadatâwâdaundâ. Kydamudo ezewenrypyry imowâdaungâ’ nygue Paulo” warâ kely keankâ indakylymo. Kewâdyly kulâ olâ mârâ aguehomobyry.

Atos 24:10

Aituo myani mâkâ pymâ tâmarygue Pauloram “Aguekâ” kely. Aituo myani Paulo aguely adaguly: — Idaenkuly, Pymâ. Tutuze urâ, iweâpa xina judeu domodo iwymâryem mawyly. Awylygue ise koendâ kehoem agânhetyby modo, kâenomedâdobyry modo warâ kâengatuly âyam.

Atos 24:4

Aekuru kuru iwanu tienkuâdâdyzeba gâlâ xina warâ. Xina adâkedyze ato mâindadyse wao olâ xina.

Atos 25:26

— Kywymâryram kata igonose urâ, âdaituo eyam kâingonodyly awyly nhutuhoem. Âdy kâinwenily awyly kâuntuba olâ urâ, âdaitybyem awyly kâuntuba wawylygue. Awylygue xarâ kâenenehonly, aguely mâindatomoem. Pymâ Agripa, amyguely kâindadyse urâ. Sapâiguegâ, in-hoguly idakâ warâ. Arâ keanra ise kata wâgâ kâinwenilype awyly.

Atos 26:2

— Pymâ Agripa, idaenkuly wao. Tynreim âmâ. Tuomare urâ, inanaym auguely awylygue. Âyam kâkaduly ise xirâ, judeu domodo agueho araba awidyly awyly mâuntuhoem.

Atos 26:26

Aituo myani Paulo agueondyly: — Pymâ Agripa, âkealâ auguely awyly, tutuze âmâ. Koendâ kehoem Jesus wâgâ tutuze âmâ. Âdy totoenze kulâ anientaymba myani mâkâ; tâzenanaym lelâ myani anhedyly.

Atos 26:7

Judeu domodo tâinwânse, Deus xypyry etay igueypy kurâem nhetondyly. Awylygue xina judeu modo, Deus xyrendyly xina nimopa awyly. Peto oday, kopae alelâ xina “Aiekâ” kehobyry anhedyly. Deus iguewâtyby modo kurâem ietonze kely kâinwândylygue kulâ judeu domodo ienwentâdyly, Pymâ — kely myani Paulo.

Atos 28:17

Azagâ tokalâ warâ emepygueduo myani Paulo judeu domodo iwymâry modo Romadâ tâtyuneim modo ingâsedaynly, eagâmo adâkehoem. Tyam idâduomo, warâ myani eyanmo aguely: — Nhaum, tydaselâ keanra âmaemo judeu domodo Jerusalémdâ ienwentâdo. Kypemugudo judeu tonlo modo idueryem âdawipyra olâ urâ. Kydamudo aitobyry aralâ awidyly. Arâ awidyly umelâ olâ keankâ tonlo judeu domodo yagâ iewiâkymo. Ietadâdâmo târâ Jerusalémdâ. Pymâ domodo Romadâpa igonotaymby modoram iegamemo warâ.

Atos 6:14

“Jesus Nazaré donro Deus ety sakalagueze; idânârâ Moisés kurutoem inweniby xugukeze warâ Jesus” nygue — kelymo myani.

1 Coríntios 13:2

Tâwâlâ lelâlâ wâne koendâ Deus aguehobyry kâengatuly, âdy mâkeba awârâ, ydataynrim modo kâinwynebyra kulâ auguely watay. Tâwâlâ lelâlâ wâne koendâ kâuntuly saguhoem kyam Deus nhutuen-hondânrybyry, idânârâ wâgâ koendâ kâuntuly warâ, âdy mâkeba awârâ, ydataynrim modo kâinwynebyra kulâ auguely watay. Kâinwândylygue iwy ejidydâpa tâjikehonze lelâlâ wâne urâ, âdy keba olâ awârâ, yagonro modo kâinwynebyra urâ-ro watay.