Atos 26:18 - Deus Itaumbyry

¹⁸ Ywâgâ aguenri ise âmâ. Ywâgâ eyanmo amygueduo, yeinwânsemo. Satanás einwândyly imozemo. Deus ise nheinwânkylymo. Iwerâma iamu oday âzepâimbyem adakobâni ara kulâ akaemo. Yeinwântuomo, Deus inakanhe aitomo xygakeze. Peto oday adakobâni ara ise akaemo nhedyly. Xirâ nhutuhomoem ywâgâ amyguedyse wawyly” kely ani Jesus yam. Warâ ani aidyly, Damascoram udâday — kely Paulo.

Atos 26:18 ပူးပေါင်းရင်းမြစ်များ

Mateus 4:10

Jesus aguely: — Âyrentoem inado âzeguhoam witaymba ise urâ! Deus itaumbyry awo wâgâ iwenibyem: “Kywymâry Deus enado lelâ âzeguhoam itaungâ. Aguehobyry ara lelâ aitaungâ” kely iwenibyem. Idâ, Satanás. Tarâpa ikâ — kely Jesus.

Lucas 1:77

Warâ ise israelita domodoram amyguely: “Deus kâmakeze. Inakanhe aguitobyry Deus xygakeze” myguely ise, ymery.

Lucas 1:79

Deus wâgâ xutuen-honze kyam. Iwerâma iamu odano ara kulâ kurâ-ro. Tâjiguely amaym kulâ kurâ. Kâmakerim olâ ise ânwa iajimanâni ara. Deus agâ koendâ lelâ kyese, tyanepa eagâ kitoem — kely Zacarias tymeryam.

Lucas 2:32

Judeu keba modoram xutuen-honze âdara Deus ize awyly, iajinu wâne kydadakobâdo nhesagonly myara. Mâkâ wâgâ, judeu domodo koendâ aguehonze, kurâ domodo mâinduakeyby — kely myakâwâm Simeão Deusram.

Lucas 24:45

Warâ Deus aguehobyry nhutuen-honly; nhangahumo odaji nhedyly.

Lucas 24:47

“Tâinkâ lelâba ise einwânni modo xunârybyry egatuze idâly. Aguezemo: ‘Inakanhe kulâ amidylymo wâgâ âjityendaungâ. Deus izepa ato aiedyly imowâdaungâ. Arâ ise Deus inakanhe mitomobyry nhygakely, Ingonotyby tâinwânse mawylymogue’ kezemo. Jerusalémdâ ise nhegatulymo adaguly, ilâpyryem ise tâinkâ lelâba-ro warâ” warâ inwenibyem awyly.

Lucas 4:18

“Kywymâry Deus Tyispiritury ingonodyly yam. Mâkâlâ keankâ ugononi, unâ iwâkuru âdy pebanro modoram kâengatuhoem, etadâdaymby modo, tânagazezeim modo warâ kâenmakehoem, epyem itaymby modo nhetondoem warâ.

João 17:17

Amyguehobyry ara lelâ anidâmo; idânârâ amygueho âkealâ mawânrâ.

João 3:19

Iajinu MAH nheto ara xirâ anaym Deus wâgâ koendonro segatu, urâ Deus imery; Deus xurâ keba modo olâ Deus izepa ato adiendylylâ ize atomo, awylygue yizepa awylymo. Iamu duay adakobâni aramo kulâ, iajinu oday adakobâni ara inkâba. Awârâ mawânrâ yeinwântânry modo aunloenlâ âsenagazedomoem egamehonrimo.

João 4:10

Aituo Jesus aguely: — Deus âmâem nhuduly mâuntuly ânguy paru ekani awyly warâ mâuntuly watay, yam paru tâkaze tâise âmâ mâenyhoem. Yam mâenkaduo, âyam tuduze tâise urâ. Mâenyly-ro watay, iweloem tâiehoze tâise âmâ; âigueduo, aunloenlâ Deus agâ mitoem eyam tâtâze tâise âmâ — kely Jesus.

João 4:14

Paru kâunduypy enywânibyry modo olâ ise natuandombyra. Inatagâdo oze aunlolâ paru egasely myara xirâ paru iwâgâ augueho. Deus agâpa nipyra tyenehonzemo mawânrâ kâunduypy. Iguelymo-ro watay, Deusram idâzemo, aunloenlâ eagâ tâitomoem — kely.

João 8:12

Jesus agueondyly Deus ety idaserano modoram: — Iajinu wâne kydadakobâdo tâsagonze, myara lâpylâ ywâgâ âdara Deusram tadaindyly xutuly. Yeinwântaynrim modo Deus agâpa tyetunebamo ise. Igueduomo, idâzemo lelâ aunloenlâ eagâ tâitomoem. Ize ato ara adâidyly xutuzemo. Iamu odaypa ise adakobâdylymo, ânwa tyajineim odakâ adakobâdylymo waunlo ara ise — kely.

João 9:39

Jesus aguely: — Xirâ anaxi kâewyly, ânguy yeinwânni, yeinwântânry warâ awyly âdutuhomoem. Epy modo wâne tyajine awyly nutuba myara Deus xurâ kebaom modo, nutuba awylymogue. Yeinwântaynrim modo olâ Deus xutuzemo, epybyryem kua ietybymoen-ro waunlo ara — kely.

João 9:5

Xirâ anaym wawyly ara, âdara Deusram tâdâtâly awyly wâgâ konomedâdâ urâ; âdyam kytâly awyly kientoem iajimanâni emyenro urâ — kely.

Atos 10:43

Deus itaumbyry egatuwâni modo Jesus wâgâ aguewânmomy. “Deus Ingonotyby âese. Mâkâlâ ise tâinwânni modo inakanhe aitobyry xygakerim” tâkezemo myani — kely Pedro.

Atos 13:47

Iweâpa Deus aguewânmy: “Judeu keba modoram ytaumbyry egaturin-em âduakelymo. Esagon-ho kytâho nhesagon-ho ara ise ywâgâ mâuntuen-honlymo, yam idâhomoem. Tâinkâ lelâba ise âdara tâdâsemaguely awyly wâgâ amyguelymo” kewândymy Deus. — Awylygue ise judeu keba modoram xina Jesus wâgâ aguely — kely myani Paulo judeu domodoram.

Atos 15:9

Idânârâ âzekiba lelâ kurâ, Deus xurâem, judeu, judeu keba alelâ. Judeu keba modo Jesus nheinwândylymo-ro watay, inakanhe aitomobyry xygakeze mâkâ, inakanhe aguitobyry nhygakehobyry ara.

Atos 2:38

Aituo Pedro in-hoguly: — Âjityendaungâ inakanhe kulâ amitomobyry wâgâ. Deus izepa ato aiedyly imowâdaungâ. Jesus einwântaungâ warâ, Deus inakanhe amitomobyry nhygakehoem. Batiza âiehowâdaungâ, Jesus eynynonroem mawylymo mâenehon-homoem. Tyispiritury igonose mâkâ, aunloenlâ agâmo itoem — kely myani.

Atos 20:21

“Âjityendaungâ inakanhe amitomobyry wâgâ. Jesus izepa ato aiedyly imowâdaungâ. Deus aguely idatondaungâ. Pymâ Jesus einwântaungâ warâ” tâkezeze ani urâ judeu domodoram, judeu keba modoram alelâ.

Atos 20:32

Aituo ani Paulo eyanmo agueondyly: — Koendâ Deus nhedylymo ize wato. Xunârybyry angahumo odaji ietaungâ. Deus aguehobyry angahumo odaji mânhedylymo-ro watay, imâem xutuze âmaemo ize ato ara adâjidyly. “Idânârâ auguehobyry modo aienibyry modo agâ koendâ lelâ ise urâ” tâkeze Deus. Itaumbyry angahumo odaji mânhedylymo-ro watay, koendâ ise agâmo awyly, adâkehobyry ara.

Atos 26:19

Aituo myani Paulo agueondyly: — Pymâ Agripa, warâ ani Jesus aguehobyry ara awidyly, kaynâpa yam âetuo.

Atos 26:23

“Deus Ingonotyby âzenagazeoze, âdyoze warâ; tyigueduo, kurâem itonze” kewânmomy. Awylygue, kyigueduo, kurâem itonze kydawyly, kiuntuly. Kytâho kientoem esagonrim, arâ lâpylâ ise Messias, Deusram kytâhoem, nhutuen-honly judeu domodo, judeu keba modo alelâ — kely myani Paulo.

Atos 3:19

Âjityendaungâ, inakanhe amitomobyry wâgâ. Deus izepa ato aiedyly imowâdaungâ. Jesus einwântaungâ, inakanhe amitomobyry Deus nhygakehoem.

Atos 5:31

Deus Ingonotybylâ mâkâ Jesus pymâem itoem. Deus ahoru eynynâ mâkâ iwerâ, pymâ tynrenseim ejidydâ. Kâmakerim mâkâ. Kurâ Israel iweompyry modo inakanhe kydawyly kinmohoem myani Deus, awârâ modo anhedyly. Kurâ judeu modo Jesus kieinwândyse mâkâ, inakanhe kydawyly tyngakehoem.

Romanos 8:17

Deus imery kydawylygue ise, tynynonro modoem nhekanâdyby kienmakely. Cristo agâlâ ise koendonrope kidyly. Xirâ onro anaym kydawyly ara, Deus xurâ keba modo kânagazezemo, Cristo tienagazedobyry ara. Cristo pymâem awyly ume, âdyren-honly ume warâ, pymâem ise, âdyren-honze warâ lâpylâ olâ kurâ mâkâ agâlâ.

1 Coríntios 1:2

Âmaemo Corintodâ Jesus eynynonro modoram xirâ kâingonodyly, Deus eynynonro modoram. Deus induakeyby âmaemo, xurâem mitomoem, Cristo Jesus agâ tokaleom ara mawylymogue. Âmaemo kulelâ inkâba, tâinkâ lelâba, idânârâ Kywymâry Jesus Cristo ehogueni modo Deus induakeybybe lâpylâ, Deus xurâem itomoem. Kurâ kywymâry mawânkâ Jesus, akaemo iwymâry lâpylâ warâ.

1 Coríntios 1:30

Cristo agâ on-hoam lelâ mawylymo, Deus induakeyby mawylymogue. Cristo wâgâma Deus xurâem koendonroem kydawyly, xurâem kydawyly, idânârâ inakanhe aguitobyry xygakely warâ.

2 Coríntios 4:4

Akaemo nutuba awyly, Satanás, Deus eynynâbaom modo iwymâry mawânkâ nutuen-homba ienehoim. Kurâ enuan-huyby âdy netaymba, tâwâlâ lelâlâ wâne tyajine awyly, myara mâkâ nutuba itomoem anhenehonly. “Koendonro, ton-honreim warâ Cristo. Mâkâ lelâ Deus âdaunlo awyly xutuen-hoim” xina keduo, nutuba akaemo.

2 Coríntios 4:6

Kaudyly ume myakâwândy Deus aguely: “Tyajine nidâ iamu oday” kely. Mâkâ Deuslâ kyangahu oday iajimanâni Jesus Cristo kiuntuduo, âdaunlo Deus awyly kiuntuhoem.

2 Coríntios 6:14

Jesus eynynâbaom agâ kulâ tokaleom ara tâiseba itaungâ; tapirâ, kawaru agâ adatado iwykâjiby araba. Jesus einwânni, einwântânry warâ ize ato âzekiba nitaymba. Koendonro, koendâpaom agâ âzekiba nitaymba. Iajinu âzekiba nitaymba iamu agâ. Jesus xurâ, Satanás xurâ warâ âzekiba inkâba.

Gálatas 2:20

Tâwâlâ myakâwâm Cristo âtuly, kruz wâgâ kurâem tyiguehoem. Mâkâ kâinwândylygue, ize wato ara kulâ inkâba awidyly. Eagâlâ igueypyem wawyly-ro waunlo ara, kâinwândyly iraynâ watobyry arapama urâ iwerâ. Yagâlâ iwerâ Cristo. Iwerâ toenzepa Jesus kâinwândyly, toenzepa ywyneni mâkâ. Yigueduo âdaunloenlâ Deus agâpa yenehomba ise.

Gálatas 3:14

Saguhoenlâ Abraãoram adâkeze myakâwândy Deus: “Yeinwântâ mawylygue, koendâ ise agâ wawyly. Âwâgâ ise idânârâ kurâ domodo agâ koendâ wawyly” kewândymy. Awylygue toenzepa lâpylâ Deus agâmo koendâ awyly, Cristo Jesus mâinwântuomo, tâwâlâ lelâlâ wâne judeu keba mawylymo. Jesus iguely myakâwâm, idânârâ inakanhe aguitobyry epywazelâ, judeu domodoem, judeu keba modoem alelâ. Jesus kieinwândylygue, Deus Tyispiritury ingonodyly kagâ itoem, “Igonose urâ” tâkehobyrylâ awylygue.

Gálatas 3:2

Mâenanâguedyzemo urâ; judeu domodo ezewenry iweniby mâinwândylymogueba âyanmo Deus Tyispiritury ingonodyly awyly, unâ iwâkuru Cristo wâgâ mâinwântuomo, xirâ enanâguewâdaungâ.

Efésios 1:11

Idânârâ aidyly Deus ize ato aralâ, saguhoem “Aiese urâ” kehobyry aralâ. Kydâtugudyly iraynâlâmy Deus kuduakewâm, xurâem kitoem. Cristo einwânniem kydawyly tiuntuduo myakâwândy kuduakely.

Efésios 1:14

Âdylâ kianâdyly-ro watay âdiempa tâpywaze wao kurâ, idânârâ epywaze kydawyly xutuhoem, myarâ lâpylâ akâwâm Deus Tyispiritury ingonodyly, xypyry etay “Xuduze urâ” kehobyry emakerin-em kydawyly kiuntuhoem. Awylygue koendâ kiuntuly, xypyry etay âzemakeoze kydawyly idânârâ inakai modo amaymba, xurâ kydawylygue. “Toenzepa ton-honreim, koendonro warâ âmâ” kykenre Deusram.

Efésios 1:18

Awârâ mâenehonly koendâ eyanmo xutuen-hongâ, koendonro xurâmoem xuduze mawyly nhutuhomoem. Âmâlâ iduakerinmo; awylygue ise xurâmoem koendonro mâenkanâdyby nhemakelymo. Eydâ matodâ toenzepa âdydo imeom koendonro modo, âynynonro modoram mâunduly ekanâdybybe awyly nhutuhomoem aienehongâ.

Efésios 1:7

Kruz wâgâ mawânkâ myakâwâm Cristo iguely, tunu tyapâze, inakanhe aguitobyry xygakeze. Cristo kieinwândyly-ro watay, tâzemakeoze kurâ. Awylygue akâwâm Deus inakanhe aguitobyry nhygakely. Tywykenry ara mâkâ kâendyly iwerâ, âdygue kâwentâdaymba. Warâ akâwâm toenzepa kagâ koendâ tawyly Deus nhenehonly!

Efésios 2:8

Deus kâmakely, Cristo Jesus kieinwântuo. Mâkâ kâmakely, koendâ aguitobyry wâgâ inkâba, kagâ koendâ tawylyguelâ. Koendonro aguienkyly lâpeba Deus kâmakehoem. Arâpa-ro watay, kywâgâlâ tâise koendâ aguykely. “Deusram kâzemakeoly, koendonro wawylygue” tâkeze tâise kurâ. Tâbyguepalâ Deus kâmakely; kyam nhudulylâ mârâ.

Efésios 4:18

Deus âdaunlo awyly, aguehobyry warâ nutuwâbyramo; nhangahumo oday tyame. Eganumo; Deus agueho tindadysebamo warâ. Awylygue nutuba awylymo, Deus tygâsedyly Jesus tyeinwântoem, tâsemaguehomoem.

Efésios 5:11

Âdaunloenlâ Deus eynynâbaom modo anhekyly akâiedaundâ, aguehomo ara adâkezeba itaungâ warâ. Iamu oday ânwa ozepa kulâ idânri emyenro akaemo. Anipyra itomoem, aguepa itomoem warâ xurutaungâmo, Deus agueho araba tawyly nhutuhomoem.

Efésios 5:14

Awylygue, Cristo tâinwânse kurâ-ro watay, iajinu oday adakobâni ara kurâ, iamu duay adakobâni araba. Warâ aguehonly: “Âmâ xykyby emyenro, âwaguegâ! Igueypy emyenro, aukâ! Deus itaumbyry mâuntuhoem mâindatoem warâ aienehonze Cristo, iajinu soentyby nhenehon-ho ara” kehonly.

Efésios 5:8

Saguhoem iamu oday adakobâni ara myakâwâm âmaemo, Deus mâuntuba mawylymogue. Iwerâ olâ Kywymâry Jesus âyanmo nutuen-ho, iajimanâdybyem âmaemo iamu duanopyryem. Awylygue koendonro lelâ aietaungâ, Deus xurâem mawylymo mâenehon-homoem.

Efésios 6:12

Kurâ domodo agâpa mawânrâ kydâseguebyly, Satanás agâ, tâensenry inakai modo eon-honru agâ warâ. Iamyra domodo, kadopâ modo iwymârydo agâ warâ kydâseguebyly, âji inakaidâ, kyaneni, tyameim odano iwymârydo agâ. “Âji inakai, kyaneni, tyameim” uguely, idânârâ inakai Deus izepa ato târâlâ âewyly awylygue. Kadopâ modo tâjidydâba âeni modo agâ xirâ kydâseguebyly.

2 Timóteo 2:26

Iozeno lelâ tyeinwântoem, iozepaom einwândyly inmolymo watay, âsemaguezemo Diabu emaymba. Iweâpa mawânkâ Diaburam âdutuozeze awylymo, ize ato anhetomoem. Ânguydo inra odaxi ihugueyby ara akaemo Diabu emaym awyly.

Hebreus 10:10

Deus ize ato mawânkâ myakâwâm Jesus Cristo anhekyly. Tokalelâ kruz wâgâ tyiguehoem âtuwâm âdaunloenlâ nigueompyra tâitoem. Aituo, Deus xurâem, tywykeba kurâ Jesus einwânni modo. Âdy inakai kâwentâdo lâpeba kurâ.

Hebreus 10:14

Tokalelâ myakâwâm mâkâ iguely, inakanhe aguitobyry xygakehoem, tywykeba kitoem warâ. Tyigueduo, Deus eynynonro modo aunloenlâ tâwentâguezein-emba ienehonwâm.

Hebreus 11:6

Deus kieinwâmpyra kulâ nuduwâpyra iomazeândoem. Deus agâ aguykedyze kurâ-ro watay, tâlâ mâkâ awyly kyzeinwâne lelâlâ, tyam saini modoram koendonro xuduze awyly kyzeinwâne lâpylâ warâ.

Hebreus 9:15

Deus tynynonro modo agâ iwelo tâdâseinwândo anhedyly myakâwâm Cristo anhetyby wâgâ. Cristo iguely myakâwâm saguho tâzezewenry einwânnipyry modo inakanhe itobyry xygakeze lâpylâ, Deus tynynonroem ingâseguyly modo “Koendonro adaindânry xuduze urâ” kehobyry nhemakehomoem.

Tiago 2:5

Idataungâ, Cristo eynynâ ypemugudo kâinwyneguyly modo. Xirâ onro anaym âdy pebaom modo Deus induakely, toenzepa tâinwântoem. Tâlâ ise akaemo târâ Deus pymâem atodâ, Deus “Ywyneni modoam xuduze urâ” kehobyry.

1 Pedro 1:4

Deus tynynonro modoram “Xuduze urâ” kehobyry kienmakely kinwânwândyly. Âdaunloenlâ adainrim keba, inakanhe ini keba warâ ise kienmakely târâ kâjidydâ.

1 Pedro 2:25

Kaneru ânwa oze xuzatyby ara ani âmaemo. Kaneru eni emyenro pylâ Jesus Cristo-ro. Xurâempa ani âmaemo saguhoem, iwerâ olâ xurâem midâmo; nhetâmo mâkâ aunlolâ.

1 Pedro 2:9

Âmaemo Jesus einwânni modo olâ Deus âduakelymo, xurâem mitomoem. Kurâ domodo eynynâ Pymâ Deus agâ agueim âmaemo. Deus ize ato ara lelâ aini modo âmaemo. Deus tâlâ ato âmaemo. Deus ton-honrugue anhetyby egaturin-em iduakeyby âmaemo. Kopae iamu duay adakobâni ara ani âmaemo saguhoem. Deus ingâsedybylâ âmaemo, idânârâ iwâgâ mâuntuhomoem. Awylygue iwerâ, ânwa koendâ kehoem tyajineim oze adakobâni ara âmaemo.

1 João 1:9

Deusram, “Inakanhe aini kulâ urâ; tâjityenze olâ urâ awitobyry wâgâ” kykeduo olâ, inakanhe aguitobyry tygakeze. Aituo ise âdy mâkâ kâwentâguedo peba-ro warâ, mâkâem tywykeba ise kurâ. Adâkehobyry aiese lelâlâ mâkâ-ro warâ, koendonro lelâlâ mawânkâ Deus.

1 João 2:12

Iamimeom, âyanmo xirâ kata kâingonodyly, Cristo mâinwântuomo lelâ Deus inakanhe amitomobyry nhygakely.

1 João 3:8

Deus izepa ato aiesezeni olâ Diabu xurâ; idânârâ nhugudyly iraynâlâ myakâwândy Diabu, Deus izepa ato aieseze awyly. Deus imery onro anaxi âemâ, Diabu anhetyby sainze.

1 João 5:19

Deus xurâem kydawyly tâdutuzelâ kurâ. Tutuze lâpylâ olâ kurâ, mâkâ eynynâbaom modo Satanás emaym awyly.

Judas 1:1

Urâ Judas, xirâ kata iweninri, Jesus Cristo emary, Tiago iukono. Âmaemo Deus tynynonroem induakeyby modoram xirâ kata kâinwenily. Tywyneim âmaemo Kunwym Deus xurâem, Jesus Cristolâ nhenimo warâ.

Apocalipse 21:27

Âdy Deus izepa ato lâpeba ise târâ, âdy inakai lâpeba warâ. Ânguy kywypazenehoim lâpeba ise târâ, konokuni lâpeba warâ. Aunloenlâ Deus Agâ Ini Modo Ezedy Awo wâgâ tâzekuneim modo lelâ ise mârâ xidadâ odano modo; xirâ mawânrâ Kordeiru iwapery wogonro.