Atos 24:23 - Deus Itaumbyry

²³ Arâ adâkebygueduo myani cem sodadu iwymâryram aguely: — Ozodadury modoram aguekâ, Paulo nhetadâdomoem. Ihugâjiho, ewâkâjiho warâ olâ etyen-hongâ, kadeia oday tawyly ume tâwâlâ adakobâdoem. Tâwâlâ eataen-ho modo âdy ize ato nenedâmo — kely myani pymâ Félix.

Atos 24:23 ပူးပေါင်းရင်းမြစ်များ

Atos 23:16

Paulo idykauru olâmy idamâ, toru xyâly kelymo. Aituo myani inepa kehoem idâly sodadu domodo etyram, toru xuruse. Saintybyem myani Pauloram aguely: — Judeu domodo ewy âdyse. Ânwa oday ise âwânwândylymo, âhoem — kely. Idânârâ aguehomobyry ara myani toruram nhegatuly.

Atos 23:35

Aituo myani mâkâ pymâ aguely: — Inwentâguedaynrim modo saintuo, âwâgâ aguelymo idase urâ. Âdamyguely awyly idase lâpylâ urâ-ro warâ — kely. Aituo myani tyzodadury modoram aguely: — Kadeia odaxi ietaungâ, pymâ Herodes etydâ. Etaungâne, nâsemagueba itoem — kely.

Atos 24:26

Félix tynwânwânse myani, Paulo tyam dinheru nhuduly tâtaguehobyry ebyryem. Awylygue myani ingâsezedyly, eagâ tâtunâguedoem. Paulo dinheru nudupa olâ myani.

Atos 25:4

Aituo myani Festo aguely: — Cesareiadâlâ Paulo etagu nidâ. Inepa ise myarâ kodopâdyly.

Atos 27:3

Kopaelâgâem ani xina saindyly Sidom iduantaji. Koendâ ani Júlio, Paulo nhedyly. Pauloram aguely: — Tâwâlâ ise myarâ ataen-ho modoram adakobâze mydâly. Pyni, âdydo imeom warâ nhududuomo, tâwâlâ emakegâ lelâ — kely ani eyam.

Atos 28:16

Romaram xina saindyly ani. Aituo ani Pauloram aguelymo: — Xina kadeia odaxi itadâdaymba ise. Tâwâlâ âtâ mâxidâdoem mâempywaguyly ânwingâ. Sodadulâ ise inuagaeni, mâsemagueba mitoem — kehonly.

Atos 28:31

Idâduomo myani Deus pymâem idyly wâgâ aguely eyanmo. Pymâ Jesus Cristo wâgâ tonomedâzemo lâpylâ myani. Tyanepa myani aguely eyanmo. Unâ koendonro Jesus wâgâ aguenri negatuen-homba nipyra myani akaemo pymâ domodo. Alâ kulâ kâinwenily. Lucas