Atos 24:11 - Deus Itaumbyry

¹¹ Idânârâ xirâ aguehomo, doze emedyly ara târâ Jerusalémdâ wawyly ume kulâ keankâ aidyly. Deus agâ agueze, ehogueze warâ keankâ Jerusalémram udâly. Tâwâlâ mapâiguely Deus ety odanopyry modo, âkealâ auguely awyly mâuntuhoem.

Atos 24:11 ပူးပေါင်းရင်းမြစ်များ

Atos 21:18

Kopaelâgâem ani Paulo agâ xina idâly, Tiago agâ agueze; Jesus einwânni modo iwymâry myani mâkâ. Idânârâ Jesus einwânni modo iwymârydo âtâdyguybyem ani târâ.

Atos 22:30

Roma donro komandanty tiuntudyze myani âdaituo judeu domodo Paulo nhewentâguedylymo awyly. Aituo myani kopaelâgâem aguely: — Idânârâ judeu domodo xutuwâni kuru, kurâdo eynynâ Deus agâ aguewâni modo iwymârydo warâ âtâdyguylymo ize wato — kely. Idânârâ pymâ domodo âtâdyguyduo myani komandanty tyzodadury modoram aguely: — Paulo etaguewâdaungâ. Xarâ pymâ domodo âtâdyguyhobyryam enetaungâ — kely. Aguehobyry ara myani aidylymo. Judeu domodo xutuwâni kuru enadoram Paulo nhadylymo.

Atos 23:11

Kopae myani Pymâ Jesus, Paulo agâ agueze âepanâguely. — Tyanepa ikâ. Tarâ Jerusalémdâ ywâgâ amyguehobyry ara lâpylâ ise Romadâ ywâgâ amyguely — kely myani Jesus.

Atos 23:23

Aituo myani komandanty, azagâ sodadu domodo iwymâry ingâsedyly; mâkâ cem, mâkâ cem warâ sodadu domodo xutuim myani akaemo. Saintuomo myani eyanmo aguely: — On-hondaungâ ozodadurymo agâ Cesareiaram mydâhomoem. Kopae, nove horas, ise tarâpa igaselymo. Duzentos sodadu tuhuru wogonro modo, setenta kawaru wogonro modo, duzentos sodadu koendâ pyrâu samewâni modo warâ lâpylâ sataungâ.

Atos 24:1

Cinco emedyly ipygueduo myani kurâdo eynynâ Deus agâ aguewâni modo iwymâry kuru, Ananias, Cesareiaram saindyly, judeu iwymâry modo ewy agâ. Uguondo “Tértulo” keho, romano modo ezewenry xuturim, eagâ tâtâze lâpylâ myani. Saintybyem myani pymâ Felixram, Paulo aitobyry egatuze idâlymo. Mâkâ pymâ Paulo ingâsedyly.

Atos 24:17

Paulo agueondyly myani: — Iweâpa âtâ anakâ Jesus wâgâ unâ egatuze idâypyem, Jerusalémram kodopâdâ. Judeu âdy pebaom modoem dinheru kâindâtyguyby enese, Deusram auguehobyry xuduze warâ keankâ udâly.