Atos 21:32 - Deus Itaumbyry

³² Awârâ unâ tindatuo myani sodadu domodo ingâsedyly, iwymârymo warâ. Inepa kehoem myani eagâmo idâly kurâdo eydâ atoram. Saindylymo myani kurâdo Paulo nhapioguly ume. Sodadu domodo tywymâry agâ tientuomo, inepa kehoem napioguba idylymo myani.

Atos 21:32 ပူးပေါင်းရင်းမြစ်များ

João 18:12

Ilâpygueduo, sodadu domodo iwymâry, sodadu domodo warâ Jesus nhawâdylymo, nhemakâjilymo. Deus ety iguardary domodo eagâmo adâisemo lâpylâ ani.

Atos 18:17

Târâpa tâgaselymo ume, âtâ judeu domodo âtâdyguyho iwymâry Sóstenes tawâsemo myani. Pymâ Gálio enanaynlâ myani nhapiogulymo. Awârâgue kulâ nâtynanâbyra olâ myani Gálio.

Atos 22:19

— “Utunri, saguhoem âdaunlopyry wawyly, tutuzelâ akaemo. Âtâ tâdâtâdyguyho odakâ âinwânnipyry modo xuize, sawâse, sapioguze warâ kadakobâdobyry, tutuzelâ akaemo.

Atos 23:27

“Âyam merâ uguondo tâwentâguezeim kâingonodyly, Paulo keho. Tarâ judeu domodoram nadawâho. Nhâlymo agâ keankâ. Romadâ tâzeke awyly kâuntuduo keankâ yzodaduryam kâenmakehonly.

Atos 24:6

Deus ety âwankuem niedâ awâkâ. Judeu keba kulâ myarâ nadâ. Awylygue keankâ xina nhetadânehonly. Xina ezewenry xuturim modo enado lâwâne keankâ tienwentâdyze xina awyly, romano domodo nynanâbyralâ.

Atos 5:40

Aituo myani guarda domodoram aguelymo: — Xarâ enetondaungâ akaemo Jesus xunâry egatuwâni modo — kelymo. Aituo myani pymâdo enadoram adahondylymo. Nhapiogüen-honlymo lelâ myani. Tiampiogüen-hombygueduo myani eyanmo aguelymo: — Ânguyran-ne Jesus wâgâ adâkeonzeba itaungâ — kelymo. Agueypyem myani inmoen-honlymo.