Atos 2:29 - Deus Itaumbyry

²⁹ Aituo myani Pedro agueondyly: — Ypemugudo, koendâ mâuntuhomoem awârâ Davi inweniby wâgâ agueze urâ. Tywâgâ inkâba myakâwândy aguely. Iweâpa mawânkâ myakâwândy kydamu Davi iguely. Eguepybyry sadyly myakâwândy, tâtagueim esagueyby tuhu imâsedo odaji. Târâ myakâwândy inwânzely. Iwague inkâba mâkâ Davi eguepybyry etadâdobyry tâtagueim tarâ awyly.

Atos 2:29 ပူးပေါင်းရင်းမြစ်များ

Atos 13:36

Aituo myani agueondyly: — Tywâgâpa Davi aguely awyly, tutuze kurâ, arâ aguehobyry wâgâ. Deus tâinwânse, koendâ kydamudo iwymâryem awyly warâ mykâinane. Iguewâm olâmy. Idamudo eguepybyry etadâdobyry odajilâ myakâwândy eguepybyry âzetadâoly. Târâlâ myakâwândy eguepybyry iwânzely.

Atos 2:28

Âdara aunloenlâ kyiguepa kitoem aguidyly wâgâ ienomedâdâ. Toenzepa ise womaru, aunloenlâ agâ wawylygue” kely iweniwânmy Davi — kely Pedro.

Atos 22:5

Kurâdo eynynâ Deus agâ aguewâni modo iwymâry kuru, idânârâ pymâ tonlo modo warâ, Jesus einwânni modo enagazenibyry wawyly, tutuzemo. Kata modo tâmakeze ani urâ, judeu Damasco donro modoram kantoem. Jesus einwânni modo kanwâdyly, kâenagazedyly witoem aguenri ani mârâ kata. Sawâsemo, ekâjibyem xarâ Jerusalémram kâenewylymo witoem ani udâdyse wawyly myarâ. Toenzepa ani kâenagazedyzemo wawyly, Jesus nheinwândylymogue — kely myani Paulo.

Atos 26:26

Aituo myani Paulo agueondyly: — Pymâ Agripa, âkealâ auguely awyly, tutuze âmâ. Koendâ kehoem Jesus wâgâ tutuze âmâ. Âdy totoenze kulâ anientaymba myani mâkâ; tâzenanaym lelâ myani anhedyly.

Hebreus 7:4

Etaungâ Melquisedeque toenzepa tynrenseinhe awyly. Tynrenseim lâpylâ myakâwândy Abraão, iwerâ xayam tâdyren-honzelâ mâkâ-ro warâ; Abraão wâgâlâ mawânrâ “judeu imeombyry” kykehonly. Takadâ kehoem ton-honreim Melquisedeque awyly, xutuwâm olâmy Abraão. Awylygue myakâwândy tuduery modo tiengakudyby isejiguy tienmakeyby ewy dez ieto nhetyly tiunduhoem, Melquisedeque tynrense tawyly tienehon-hoem. Pymâ kuruam mawânrâ dízimo xuduly.