Atos 19:34 - Deus Itaumbyry

³⁴ Judeu mâkâ awyly tiuntuduo myani on-hoam lelâ adaenkelymo ton-honre kehoem: — Tynreim awâkâ deusa Diana kieinwânkyly! Idânârâ kurâ taunlo Éfeso donro modo tâinwânse kurâ! — kelymo. Azagâ horas myani arâ adaenkezeze awylymo.

Atos 19:34 ပူးပေါင်းရင်းမြစ်များ

Mateus 6:7

— Deus agâ amyguedaymo, amyguehomobyrylâ adâkezezeba itaungâ. Deus einwântânry modo ara inkâba aitaungâ. Deus tydadyly waunlo ara, enanajimo, imeâgâemba kehoem adâkelymogue.

Atos 16:20

Ilâpyryem ani pymâ Roma donro modoram nhaleholymo. Warâ ani eyanmo aguelymo: — Judeu asaemo azagâ. Kâty anary inakanhe ienehonze kely asaemo.

Atos 19:24

Uguondo Demétrio kehobe myani târâ. Tydeusary Diana ety ekudo imeimbyry metalgueto xygani myani mâkâ. Mârâ vende tientuo, toenzepa myani dinheru nhemakely, emawyadâni modo lâpylâ warâ.

Atos 19:26

Âdaidyly awyly tutuze âmaemo, Paulo Jesus wâgâ agueduo. Aguely tydaselâ âmaemo. “Deus kuru mâkeba awâkâ uguondo modo kulâ nhygatyby; tohoguezeim mâkeba tâise awârâ metalgueto, segueto warâ” tâkeze inanry Paulo. Taunlo modo ewy aguidope aguely neinwândâ. Aituo deusa Diana einwândyly inmolymo. Xirâ âtâ anano modo lelâba keankâ kurâdo, Ásia eynynonro modo warâ, Paulo aguely idataynrim modo. Kiyngatyby modo einwândyly inmolymo keankâ.

Atos 19:28

Demétrio aguely tindatuo myani kurâdo iewiâpadaynly. Adaenkewâdylymo: — Tynreim awâkâ deusa Diana kieinwânkyly! Idânârâ kurâ taunlo Éfeso donro modo tâinwânse kurâ! — kelymo.

Atos 19:33

Judeu tonlo modo ewy tyangahu oday aguelymo: — Kânagazeze asaemo kurâdo, judeu kydawylygue, Paulo ara — kelymo. Aituo myani uguondo Alexandre kehoram aguelymo: — Kurâdo agâ aguekâ. “Inakanhe xina anitaymba âmaemoem” kekâ eyanmo — kelymo. Aituo myani Alexandre kurâdo âdakepa itoem tâmarygue aidyly, “Xina judeu domodo âda nitaymba âmaemoem” tâkehoem.

Atos 19:35

Aituo myani mârâ âtâ anary iwymâry emary, koendâ kehoem kurâdo MYK alelâ itomoem aguely. Aituo eyanmo aguely: — Nhaum, ydataungâ! Idânârâ tutuze kurâ, tarâ kyjidadârydâ âtâ imâsedo, iwâkuru warâpe awyly, kiynrenkyly kydeusary Diana kientyguedo. Anra lâpylâ mârâ tuhu kau odaypa ihugueyby, Diana ekudo emyenro. Âtâ, tuhu warâ eni kurâ.

Romanos 2:22

“Eagâ mohogüin-homobyry lelâ xynanâdaungâ” tâkeze âmaemo. Âmaemolâ eagâ mohogüin-homobyry keba kulâ xynanâni. “Deus lelâ xina nhehogueguyly; ekudyby modo etyguedyly tumoze xina” tâkeze âmaemo. Agueypyenlâ xygahudâdyby modo ehoguedo âtâ odaji igawândylymo, xurâem satyby modo mâenmagazedylymo. Awârâ arâ amidylymo, xygatyby modo ehoguedyly mâinmopa mawylymo tânehonze.

Apocalipse 13:4

Aituo keankâ aguelymo: — Tynrenseim, ton-honreim warâ awâkâ dragão. Awâkâlâ keankâ mâkâ ânguydo adyry parutabâ ikanobyryam “Âmâ, urâ warâ ise kurâdo iwymâryem kydawyly” keim — kelymo. Aituo keankâ agueondylymo: Tynrenseim, ton-honreim warâ lâpylâ mâkâ ânguydo adyry parutabâ ikanobyry. Ânguy ton-honruneba mâkâ ara kehoem! Ânguy eagâ tâdâseguebyly nemaenwâbyra ise! — kelymo.