Atos 15:9 - Deus Itaumbyry

⁹ Idânârâ âzekiba lelâ kurâ, Deus xurâem, judeu, judeu keba alelâ. Judeu keba modo Jesus nheinwândylymo-ro watay, inakanhe aitomobyry xygakeze mâkâ, inakanhe aguitobyry nhygakehobyry ara.

Atos 15:9 ပူးပေါင်းရင်းမြစ်များ

Atos 10:15

Aituo myani Deus agueondyly: — “Sâkâ” uguely-ro watay, “Kâmpyra ise urâ” tâkezeba ikâ — kely.

Atos 10:28

Aituo myani eyanmo aguely: — Urâ, asaemo yagonrodo warâ, judeu xina, tutuzelâ âmaemo. Âmaemoma judeu keba. Xina judeu domodo ezewenry eynynâ, agâmo adataen-hoem xina nipyra, etymo odaji xina nâwâmpyra warâ. Xirâ tutuze âmaemo. Deus olâ, xina anhekyly iozepa awyly wâgâ anygue. Idamudo wâgâ kulâ ânguy izepa wipyra witoem nutuen-ho warâ.

Atos 10:34

Judeu keba modoram myani Pedro aguely: — Iweâma tutuze urâ, Deus xurâem âzekiba kydawyly, judeu, judeu keba alelâ.

Atos 11:12

Eagâmo Cornelioram udâhoem nhekaduomo keankâ Deus Ispiritury yam aguely: “Âdamyguepalâ eagâmo idâ” kely. Seis uguondo modo Jope donro Jesus einwânni modo xina agâ nâtâmo lâpylâ Cesareianra. Cornélio ety odaji keankâ xina egawândyly.

Atos 14:1

Antioquiadâ adâitomobyry ara lâpylâ myani Iconiodâ aidylymo. Paulo, Barnabé warâ myarâ saintybyem âtâ judeu domodo âtâdyguyhoam tâtâzemo myani. Jesus wâgâ unâ nhegatulymo myani. Aguelymo tindatuo, toenzepa judeu domodo, judeu keba modo alelâ Jesus tâinwânsemo myani.

Atos 14:27

Saintybyem myani Jesus einwânni modo agâ âtâdyguylymo, idânârâ Deus anhetyby tiengatuhomoem. — Deus xina neon-honwanâdâ, xunârybyry xina nhegatuhoem. Judeu keba modo Jesus nheinwântomoem anieneho — kelymo myani.

Romanos 3:9

Tâlâ keanra wakeim: “Judeu domodoma judeu keba modo takaze koendonro Deus xurâem?” keim. Aypa olâ! Idânârâ Deus aguehobyry sakanibyryem lelâ kurâ. Aguientoem Deus aguehobyry takaze lelâ kurâ Idânârâ, judeu, judeu keba alelâ.

Romanos 9:24

Deus kygâsedyly myakâwândy xurâem kitoem, judeu, judeu keba alelâ.

1 Coríntios 1:2

Âmaemo Corintodâ Jesus eynynonro modoram xirâ kâingonodyly, Deus eynynonro modoram. Deus induakeyby âmaemo, xurâem mitomoem, Cristo Jesus agâ tokaleom ara mawylymogue. Âmaemo kulelâ inkâba, tâinkâ lelâba, idânârâ Kywymâry Jesus Cristo ehogueni modo Deus induakeybybe lâpylâ, Deus xurâem itomoem. Kurâ kywymâry mawânkâ Jesus, akaemo iwymâry lâpylâ warâ.

1 Coríntios 7:18

Deus tynynonroem âgâsedylymo iraynâ judeu domodo ezewenke satâybyem âmaemo-ro watay, atâhomobyry soense tâkezeba itaungâ. Deus âgâsedylymo iraynâ judeu domodo ezewenry ara madatâoba âmaemo-ro watay, madatâolymo tâiseba itaungâ.

Gálatas 3:28

Tâwâlâ judeu, judeu keba; tâwâlânro, tâpywazenry; uguondo, pekodo warâ mawylymo, Deus xurâem olâ âzekiba lelâ âmaemo.

Gálatas 5:6

Cristo Jesus xurâem lelâlâ kurâ watay, âdyem nitaymba judeu domodo ara kydadatâoly, kydadatâoba warâ kydawyly. Deus xurâem koendonro, Jesus kieinwândylygue, kagonro modo agâ kydâpynedyly.

Colossenses 3:11

Awylygue Deus xurâem judeu, judeu keba warâ kydawyly, judeu domodo satâhogue satâybyem, tatâzeba warâ kydawyly, xidadâ odano, idu odano, pymâ, tâwaneim warâ kydawyly âdyem nitaymba awyly. Cristo koendonro kuru awylygue, idânârâ takaze tynrenseim awyly, tynynonro modo agâlâ warâ.

1 Pedro 1:22

Unâ âkealonro tâinwânse mawylymogue, inakanhe amitomobyry xygakely, igokeyby ara âmaemo. Awylygue ton-honre lelâlâ Cristo eynynâ âpemugumo mâinwynedylymo. Toenzepa iwynedaungâmo lakuru; amyguelymo kulâ waypa nidâ.