Atos 15:39 - Deus Itaumbyry

³⁹ Barnabé myani mâkâ salokuzenomo tagâmo idâdyse. Toenzepa myani mâkâ wâgâ Paulo agâ aguely. Ton-honre kehoem myani âseudylymo; nâseinwâmbyramo olâ myani. Awylygue myani âseagonguelymo. Barnabé, João Marcos tagâ tase myani. Ilha Chipream myani idâlymo.

Atos 15:39 ပူးပေါင်းရင်းမြစ်များ

Atos 11:20

Tâlâ pylâ Chipre donro, Cirene donro warâ Jesus einwânni modo Antioquiaram tâtâzemo lâpylâ myani, Jesus wâgâ agueze. Unâ iwâkuru Pymâ Jesus xunâry myani nhegatulymo judeu keba modoram.

Atos 12:12

Koendâ tiuntuduo myani Pedro idâly Maria, João Marcos ise etyram. Toenzepa myani Jesus einwânni modo târâ awyly, Pedro nhetaguehoem Deusram ekaze.

Atos 15:2

Arâ aguelymo tindatuo, Paulo, Barnabé warâ aguelymo nehoguebyramo myani. Aituo myani aguelymo: — Ioze inkâba kulâ amyguelymo. Judeu keba modoem adyeseim mâkeba awârâ tâjilery ety iopiry satâly — kelymo. Toenzepa myani âjihogulymo Judéia donro saintyby modo agâ aguehomobyry wâgâ. Aituo myani Antioquia donro modo judeu satâhogue tatâze, tatâzeba warâ tawyly nutuba idylymo. — Uguondo modo ewy Jerusalémram igonose kurâ, awârâ modo koendâ xutuze, myarâ Jesus tunâry egaturin-em induakeyby modo agâ, Jesus einwânni modo iwymâry agâ warâ agueze idâhomoem — kelymo. Agueypyem myani Paulo, Barnabé, eagonro modo lâpylâ warâ Jerusalémram idâwâni modo induakelymo.

Atos 15:37

— Inoro. João Marcos kagâ idâze lâpylâ — kely myani Barnabé.

Atos 27:4

Ilâpyryem ani xina idâly Sidomdâpa. Târâpa idâypyem ani Chipre inortyry einkâ xina idâly, sapezenru xina yan-yam âewyly awylygue.

Atos 4:36

Tâlâ myani uguondo José keho. (Akaemo Jesus xunâry egatuwâni modo olâ myani “Barnabé” kerim eyam. “Kon-hondâni” keze aguely.) Ilha Chipre anaym iazeypy, Levigue tydamudogueim warâ myani mâkâ.

Atos 6:1

Mârâpygueduo toenzepa myani kurâdo Jesus einwânni modo. Judeu gregu itanwe aguewâni modo, judeu hebraiku itanwe aguewâni modo aidyly nehoguebyramo myani. Awylygue pyni âdy pebaom modoram xuduly wâgâ aguelymo: — Aunlolâ inanry typyniguenry modo xuatay, pypâ hebraiku itanwe agueim modo lelâ imâem nhuankylymo awyly, pypâ gregu itanwe agueim takaze kehoem — kelymo myani.

Colossenses 4:10

Aristarco, tarâ kadeia oday yagonro, iwynu manwâtomoem aguely. Marcos lâpylâ idaenkulymo, Barnabé ipemugu. Âyanmo saindyly-ro watay, koendâ edaenkuwâdaungâ, iwâgâ âurutomobyry ara.

Tiago 3:2

Idânârâ kurâdo Deus izepa ato adyese lelâ. Âdykâ lâgâlâ ânguy Deus izepa ato aniempyra nipyra. Mâkâ âdalâ kulâ aguedânry, Deus ize ato ara isezedyly lakuru. Adâkeho modo, adienkyly modo, tyangahu oday tunâry modo warâ tymanâze mawânkâ.

1 Pedro 5:13

Babilônia donro Jesus einwânni modo, âyanmo tywynu nhawânehonlymo, akaemo, aramo Deus-am iduakewâdyby modo. Marcos lâpylâ âyanmo tywynu nhawânehonly; yataen-ho merâ, ymery ara kâinwyneguyly.