Atos 15:2 - Deus Itaumbyry

² Arâ aguelymo tindatuo, Paulo, Barnabé warâ aguelymo nehoguebyramo myani. Aituo myani aguelymo: — Ioze inkâba kulâ amyguelymo. Judeu keba modoem adyeseim mâkeba awârâ tâjilery ety iopiry satâly — kelymo. Toenzepa myani âjihogulymo Judéia donro saintyby modo agâ aguehomobyry wâgâ. Aituo myani Antioquia donro modo judeu satâhogue tatâze, tatâzeba warâ tawyly nutuba idylymo. — Uguondo modo ewy Jerusalémram igonose kurâ, awârâ modo koendâ xutuze, myarâ Jesus tunâry egaturin-em induakeyby modo agâ, Jesus einwânni modo iwymâry agâ warâ agueze idâhomoem — kelymo. Agueypyem myani Paulo, Barnabé, eagonro modo lâpylâ warâ Jerusalémram idâwâni modo induakelymo.

Atos 15:2 ပူးပေါင်းရင်းမြစ်များ

Atos 10:23

— Kopaelâgâ ise kytâly. Tarâlâ wao itaungâ — kely myani Pedro. Mârâ kopae târâlâ myani xykylymo. Kopaelâgâem myani Pedro on-hondyly, eagâmo tâtâhoem. Jopedâ Jesus einwânnipyry modo ewy eagâmo tâtâzemo lâpylâ myani.

Atos 11:12

Eagâmo Cornelioram udâhoem nhekaduomo keankâ Deus Ispiritury yam aguely: “Âdamyguepalâ eagâmo idâ” kely. Seis uguondo modo Jope donro Jesus einwânni modo xina agâ nâtâmo lâpylâ Cesareianra. Cornélio ety odaji keankâ xina egawândyly.

Atos 11:30

Idânârâ dinheru idâtyguyimbyryem myani Judeiadâ Jesus einwânni modo iwymâryram ingonodylymo. Barnabé, Saulo warâ myani sani.

Atos 15:25

Âyanmo aguehomobyry tindatuo xina nâtâdyguy, awârâ unâ wâgâ adâkehoem, koendâ tâseinwândoem warâ. Xina nâtunâguedâ âdara amidylymo wâgâ. Azagâ uguondo xina niduake awyarâ idârin-em xinaem agueze. Paulo, Barnabé warâ agâ ise idâlymo. Xina ipemugu lâpylâ asaemo Paulo, Barnabé warâ, xina ara Jesus einwânni lâpylâ awylymogue.

Atos 15:27

Awylygue Judas, Silas warâ xina ingonodyly, xina âtunâguedobyry wâgâ âyanmo aguehomoem. Koendâ kehoem âyanmo egatuzemo xirâ pape wâgâ inweniby modo.

Atos 15:4

Paulo domodo Jerusalémram tainsemo myani. Koendâ lelâ myani âzedaenkuolymo Jesus einwânni modoram, Jesus tunâry egaturin-em induakeyby modoram, pymâ domodoram warâ. Idânârâ Deus eon-honrugue adientybymo ara myani Paulo eyanmo nhegatuly.

Atos 16:4

Ilâpygueduo myani Paulo, Silas warâ Listradâba âxiguelymo. Timóteo tasemo myani tagâ. Tâinkâ lelâba âtâ anakâ takadaylâ myani, Jesus einwânni modo indâtyguylymo tiunrutomoem: — Jerusalémdâ, Jesus tunâry egaturin-em induakeyby modo, pymâ domodo warâ pape inwenibymo agueho ara lelâ aitaungâ — kelymo myani.

Atos 21:18

Kopaelâgâem ani Paulo agâ xina idâly, Tiago agâ agueze; Jesus einwânni modo iwymâry myani mâkâ. Idânârâ Jesus einwânni modo iwymârydo âtâdyguybyem ani târâ.

1 Coríntios 1:1

Urâ Paulo, xirâ kata âyanmo iweninri. Cristo Jesus mawânkâ uduakeim, ugononi warâ, mâkâ xurâem aguenriem; xirâ âwanu mawânrâ Deus agânhedyse ato. Sóstenes, Cristo eynynâ kypemugu, idaenkulymo lâpylâ.

2 Coríntios 11:5

Iozepa inomedânimo aguely kulâ mâindakylymo. Ienanaji, yakabyra olâ akaemo kâuntuly “Unâ egatuly tutuze kehoem egatuim” keho modo.

Gálatas 2:5

Âdaunloenlâ aguehomo ara izepa ani xina. “Idânârâ Jesus einwânni modo judeu domodo ezewenry iweniby modo ara lelâ aidyly, judeu, judeu keba alelâ” xina kewâpyra. Arâ xina aguely watay, Deus aguehobyry tugukeze tâise xina, âmaemo judeu keba modo xina inokudylymo kulâ tâise warâ.

Judas 1:3

Yataen-ho kâinwyneguyly âmaemo. Toenzepa keankâ âdara Deus kâmakely awyly wâgâ âyanmo kâinwenidyze wawyly. Awârâ wâgâpa olâ xirâ kata kâinwenily. Tâlâ mawânrâ Deus tynynonro modo nheinwânkyly nhenomedâdobyry. Awârâ konomedâdobyry modo âdalâ nâdugukeowâbyra. Âurutomoem xirâ kata kâinwenily, Jesus wâgâ ioze lelâ inomedâdomobyry mâinmopa mitomoem, inomedâdomobyry arapa iese kerin-am madagâikeoba mitomoem.