Atos 15:14 - Deus Itaumbyry

¹⁴ Simão Pedro aguehobyry midataimolâ. “Inepa kehoem Deus koendonro tawyly nhenehonly judeu keba modoram” keanry. “Tienkylyem Deus tuduakeze myani akaemo judeu keba modo ewy” keanry.

Atos 15:14 ပူးပေါင်းရင်းမြစ်များ

Lucas 1:68

— Koendonro mawyly wâgâ xina aguely, pymâ Deus! Xina israelita domodo xurâem koendonro âmâ. Kâmaynodâpa xina etyze mâedâ. Âynynonro modo memake.

Lucas 1:78

Toenzepa awâkâ Deus kywynedyly. Aunlolâ kagâ koendâ awyly. Kâmakerim igonose. Deusdâpalâ ise Kâmakerim âewyly. Kyajimanânibe awylygue wâne kytâho kiendyly myara ise mâkâ wâgâ Deusram tâdâtâly kiuntuly.

Lucas 2:25

Mârâ ume uguondo Simeão tâtyem myakâwâm Jerusalémdâ. Judeu domodo ezewenry eynynonro mykâinane. Deus ize ato ara lelâ mykâinane aidyly. Alâ mykâinane typemugudo emakerim Deus ingonodyly nhenuendyly. Eagâlâ mykâinane Deus Ispiritury.

Romanos 1:5

Deus yagâ koendâ tawyly nhenehonly, mâkâ iemakely warâ, âdy agânhetyby wâgâ inkâba, yagâ koendâ tâidyse tawylygue. Cristo wâgâ ani Deus ugonodyly judeu keba modoram xurâem agueze. Idânârâ âtâ anakonro modo tytaumbyry indadyly, tâinwândyly, adâkehobyry anhedylymo warâ mâkâ ize awyly.

Romanos 11:36

Mâkâlâ mawânkâ idânârâ xuguni. Mâkâ aguehobyryenlâ mawânrâ idânârâ tâlâ awyly. Mâkâ peba-ro watay, iwerâ tâlânro modo ipa tâise. Idânârâ tâlâ awyly, mâkâ ize ato aietoem. “Deus, koendonro âmâ. Ânguy imyenro lâpeba” kykezezene mâkânra. Arâlâ nidâ.

2 Pedro 1:1

Urâ Simão Pedro, Jesus Cristo emary, tywâgâ aguenriem induakeyby, xirâ Jesus Cristo einwânni modoram iweninri, xina nheinwântobyry ara einwânniram. KyDeusry mawânkâ mâkâ, kâmakerim warâ. Mâkâ kieinwântoem aieni. Awârâ anhedyly, koendonro, iozeno warâ tawylygue.