Atos 11:29 - Deus Itaumbyry

²⁹ Ágabo aguely tindatuo myani tonlo Jesus einwânni modo Judéia donro modo nhemawyadâdylymo. — Judéia donro modo Cristo eynynâ kypemugunra dinheru kyjigonone, typyniry nhanâtomoem — kelymo myani. Imâem tydinherugueim modo imâem myani nhudulymo, imâemba tydinherugueim modo myani imâembalâ warâ. Tâlâ tato aralâ myani nhudulymo.

Atos 11:29 ပူးပေါင်းရင်းမြစ်များ

Mateus 25:17

Mâkâ duzentas moedas emakerimbyry, alâpylâ myani âdydo imeom nhanâdyly, tyanâtyby vende nhedyly warâ mârâ dinherugue. Alâpylâ dinheru imâem nhenehonly; quatrocentas moedas nhedyly.

João 2:2

Jesus agâ xina idâwâm lâpylâ, igâsedybyem tawylygue.

Atos 1:15

Iweâpa nipyralâ myani toenzepa kehoem kurâdo Jesus einwânni modo âtâdyguyly, cento e vinte awârâem myani kurâdo. Âtâdyguybyem awylymo ume myani Pedro saudyly, aguely:

Atos 11:1

Jesus tunâry egaturin-em induakeyby modo, Judéia eynynâ Jesus einwânni modo warâ indadylymo myani Cesareiadâ aityby modo egary. “Judeu keba modo Deus itaumbyry tindatuo, Jesus neinwândâmo” kely myani indakylymo.

Atos 11:26

Tiontuo myani eagâlâ odopâdyly Antioquiaram. Tokalâ anu myani târâ awylymo, Jesus einwânni modo agâ. Toenzepa kurâ domodo tonomedâzemo myani Jesus wâgâ. Târâ Antioquiadâ myani Jesus einwânni modo “cristão” kelygue âzezetâolymo. “Cristo eynynonro” keze awârâ âze aguely. Waunroem kuru Jesus einwânni modo arâ âzezetâolylâ myani mârâ.

Atos 13:52

Antioquiadâ Jesus einwânni modo, toenzepa myani iomarumo, eynynonroem tawylymogue. Deus Ispiritury aguehobyry ara lelâ myani aidylymo; eagâmolâ myani-ro warâ.

Atos 14:20

Jesus einwânni modoram tâjidâtyguyoze myani inmohomobyrydâ. Tâensedylymo umelâ myani Paulo saudyly, âtâ anaxi idâondyly. Emetuo myani Barnabé agâ idâlymo âtâ anary Derbe kehoram.

Atos 14:22

Âtâ anary modo anakâ takaday, Jesus einwânni modo tuomazeânzemo, turusemo warâ myani, Jesus neinwâmpyra nipyra itomoem. — Jesus mâinwâmpyra tâiseba itaungâ. Deusgue tywymâgueim âmaemo. Awylygue ise toenzepa kurâdo Jesus izepaom modo, âewiâsedylymo, inagazedylymo warâ. Arâ ise Deus agonro modo aieholy — tâkezemo mykâinane.

Atos 24:17

Paulo agueondyly myani: — Iweâpa âtâ anakâ Jesus wâgâ unâ egatuze idâypyem, Jerusalémram kodopâdâ. Judeu âdy pebaom modoem dinheru kâindâtyguyby enese, Deusram auguehobyry xuduze warâ keankâ udâly.

Atos 4:34

Tâty ioday tato vende iemâmomy. Tonroguneim modo tonroru vende ietaunmâmomy warâ. Ebyrypyry myani Jesus tunâry egaturin-em induakeyby modoram nhudulymo.

Atos 6:1

Mârâpygueduo toenzepa myani kurâdo Jesus einwânni modo. Judeu gregu itanwe aguewâni modo, judeu hebraiku itanwe aguewâni modo aidyly nehoguebyramo myani. Awylygue pyni âdy pebaom modoram xuduly wâgâ aguelymo: — Aunlolâ inanry typyniguenry modo xuatay, pypâ hebraiku itanwe agueim modo lelâ imâem nhuankylymo awyly, pypâ gregu itanwe agueim takaze kehoem — kelymo myani.

Atos 9:19

Ilâpyryem myani âwinduadyly. Tâwinduatuo eon-honwandondyly. Jesus einwânni modo agâlâ myani Damascodâ.

Atos 9:25

Jesus einwânni modo olâ myani âsemaguehoem emawyadâni. Kopae myani cestu imâsedo odaji nhedylymo. Nhytâguyândylymo mârâ âtâ anary ahodâdobyry etago TURUK waunlo oze. Warâ myani Saulo âwiendyly judeu domodo iwymârydo amaymba.

1 Coríntios 13:5

Tâpyneze kurâ-ro watay, kywypado aguykeba, aguiempyra warâ kurâ. Tâpyneze kurâ-ro watay, âkelo wâgâ tâpaunzeze kurâ, kywâgâ kulelâ inkâba kydâpaunzedyly; Tâpyneze kurâ-ro watay, alâ kulâ kyewiâpadyly kitaymba kurâ. Tâpyneze kurâ-ro watay, kurâem inakanhe aitobyry inepa kienanânehonly.

Gálatas 2:10

Xinaram nhekaguylymo ani: “Xirâ âji Jerusalém anano judeu domodo Jesus einwânni modo ewy âdy pebaom modo xurâem âdylâ anhetaungâ, âdy peba kehoem kuruba itomoem” kelymo lelâ. Urâ olâ aunlolâ awârâ agânhedyse wawyly, kâenmawyadâdomoem.