Atos 10:45 - Deus Itaumbyry

⁴⁵ Jesus einwânni Pedro agâ âetaymby modo tâsewânizemo myani. Warâ myani aguelymo: — Etaungâ! Deus Ispiritury judeu keba modo onwa nâetai! — kelymo.

Atos 10:45 ပူးပေါင်းရင်းမြစ်များ

Atos 10:23

— Kopaelâgâ ise kytâly. Tarâlâ wao itaungâ — kely myani Pedro. Mârâ kopae târâlâ myani xykylymo. Kopaelâgâem myani Pedro on-hondyly, eagâmo tâtâhoem. Jopedâ Jesus einwânnipyry modo ewy eagâmo tâtâzemo lâpylâ myani.

Atos 11:2

Pedro Jerusalémram odopâduo myani Jesus einwânni modo ewyram âdunâgueoly. — Idânârâ Jesus einwânni modo, judeu domodo ezewenry lelâ neinwândâmo, judeu, judeu keba alelâ. Judeu keba modo tâsemaguedyzemo-ro watay, kara lâpylâ tylery ety iopiry natâen-homo — kelymo. Pedro, Cesaréia donro modo ilery ety iopiry natâen-homba awylygue myani, eagâ iewiâpadylymo.

Atos 11:3

— Koendâ inkâba mykeankâ Cesareiadâ mawyly. Judeu keba ety odaji igawândâ. Eagâmo mâtâdyguy, mâwinduadâ warâmy. Koendâpa awârâ arâ — kelymo myani.

Atos 2:33

Eydâ tatoram olâ Deus nadâ. Pymâ tynrenseinhe mâkâ iwerâ, Tunwym ahoru eynynâ ekadybyem awyly. “Ispíritu igonose urâ” tâkehobyry Jesus nigonotai xinaram iwerâ. Sapezenru ton-honreim ara kehoem âjipyruguely midataimolâ. Peto iatygu ara kehoem xina wâgâ metaimolâ. Âtanwemo xina aguely midataimolâ warâ. Iwerâ Ispíritu Jesus ingonotybylâ awârâ modo aieni.

Atos 2:38

Aituo Pedro in-hoguly: — Âjityendaungâ inakanhe kulâ amitomobyry wâgâ. Deus izepa ato aiedyly imowâdaungâ. Jesus einwântaungâ warâ, Deus inakanhe amitomobyry nhygakehoem. Batiza âiehowâdaungâ, Jesus eynynonroem mawylymo mâenehon-homoem. Tyispiritury igonose mâkâ, aunloenlâ agâmo itoem — kely myani.

Romanos 5:5

Awârâ wâgâ kytynwâdaymba ise kurâ, adâkehobyry adyese lelâlâ mawânkâ Deus. Tyispiriturylâ Deus ingonokyly kagonroem, Deus toenzepa kywynedâ tutuen-honze mâkâ Ispiritury.

Gálatas 2:15

Urâ, ypemugudo warâ judeuem xina awyly, tunwym eynynâ, tyze eynynâ warâ. “Deus induakeyby kydawylygue, iamudoenlâ kâzewenry Deus inwenien-hoymby kiuntuly. Judeu keba modo emyenro keba kurâ, Deus ize ato nutubamo mawânkâ” xina kely kâinane.

Efésios 2:11

Enanâguewâdaungâ, saguhoem Deus xurâempa matomobyry, Jesus Cristo mâinwândylymo iraynâ. Judeu mâkeba âmaemo, awylygue “tatâzenry” kelygue mâjigâseolymo judeu domodoram, “satâyby” kelymo pylâ tyanlâ-ro warâ. Uguondo tâmarygue anhetyby kulâ olâ awârâ.