Atos 10:38 - Deus Itaumbyry

³⁸ Deus Ingonotybylâ ani mâkâ Jesus Nazaré donro. Tyispiriturylâ eyam ingonokyly, Jesus eon-honru nhuduhoem. Koendâ ani Jesus aidyly, tadakobâdo modo einkâ. Kadopâgue taseim modo kua tyese ani. Idânârâ awârâ modo tutuze âmaemo.

Atos 10:38 ပူးပေါင်းရင်းမြစ်များ

Mateus 12:15

Tyâly kelymo tiuntuduo ani Jesus târâpa âxiguely. Toenzepa ani kurâ domodo nhapygue idâlymo. Akaemo duano tâwânuneim modo idânârâ kua nhetaynly.

Mateus 12:28

Deus eon-honruguelâ kadopâ modo kânhânkyly. Won-honru tiundulygue, tutuen-honze mâkâ, tarâ pymâem wawyly — kely Jesus.

Mateus 9:19

Aituo Jesus eagâ idâly. Xina Jesus eynynonro modo tâtâze lâpylâ ani eagâ.

Mateus 9:35

Idânârâ âtâ anakâ ani Jesus adakobâdyly. Âtâ tâdâtâdyguyho odakâ kurâ domodo nhenomedâdyly. Unâ iwâkuru nhegatuly, âdara Deus idânârâ kurâ domodo iwymâryem idyly wâgâ. Âdaunlo tâzewânugue tâwâneim modo kua tyese lelâ ani.

Marcos 6:6

Toenzepa myani âpaunzedyly, agui târâ Nazarédâ tâinwântânry modo awylygue. Ilâpyryem myani Jesus kurâdo nhenomedâdyly âtâ anary imeombyry anakâ.

Lucas 3:22

Papaem myani Deus Ispiritury xytâguyly nhonwa. Aituo myani kau odaypa Deus itanru indadyly lâpylâ. — Ymery âmâ, toenzepa kâinwyneguyly; toenzepa womazeâni âmâ — kely Deus.

Lucas 4:18

“Kywymâry Deus Tyispiritury ingonodyly yam. Mâkâlâ keankâ ugononi, unâ iwâkuru âdy pebanro modoram kâengatuhoem, etadâdaymby modo, tânagazezeim modo warâ kâenmakehoem, epyem itaymby modo nhetondoem warâ.

Lucas 9:42

Jesusram salokuzenomo saindyly ume myani onro onwa adameoly kadopâram. Adapânily, ekomadyly warâ. Ton-honre kehoem Jesus kadopâram aguely: — Igasegâ iweâ lelâlâ merâ salokuzenomo odaypa, kadopâ! Todopâzeba ikâ-ro warâ! — kely. Aguely tindatuo kadopâ egasely, idâly. Salokuzenomo kua idyly. Kua tiempygueduo nhunwynram nhuduly.

Lucas 9:56

Aituo myani eagonro âtâ anaxi xykyze idâlymo.

João 10:32

Aituo Jesus eyanmo aguely: — Inumo angataylâ keankâ koendonro modo agânhedyly, Pabai “Aiekâ” kehobyry ara. Âdaunlo agânhekyly wâgâka tuhugue yâdyse mawylymo? — kely.

João 16:32

Inepa ise wodokelymo. Adapâeguywâze âmaemo, itymoam, itymoam ise âmaemo. Urâ kulelâ ise yânlymo. Urâ kulelâba olâ ise urâ, Pabai yagâlâ awylygue.

João 3:2

Kopae idâly Jesus agâ agueze. — Tutuze xina, konomedâni mawyly, Deus ingonotyby. Agâpa Deus watay, adyesenry kehoem amânhetaymba tâise âmâ — kely.

João 3:34

Deus aguedyse ato, mâkâ Deus ingonotyby agueho, Deus Ispiritury eagâpa nitaymba.

João 6:27

Pyni inepa adainrim, inakanhe ini warâ wâgâ inkâba âpaunzedaungâ. Tâlâ ise pyni emyenro âmaemoem, âdaunloenlâ inakanhe itânry. Emakewâni modo aunloenlâ Deus agâpa tyetuneba ise. Igueduo, aunloenlâ eagâ tâitoem eyam idâzemo. Âzeon-hondâdaungâ, xirâ augueho tâlâ mitomoem. Urâ, Uguondo Kaynâpa Âetyby kelygue tâzekeim, xuduze urâ âyanmo, yeinwândylymo-ro watay. Awârâ agânhetoem kâewyly awyly nutuen-ho Pabai Deus — kely Jesus.

Atos 10:37

— Jesus wâgâ unâ tydaselâ âmaemo, idânârâ israelita domodo ety anarydâ aguehoymby. Jesus nhenomedâdyly iraynâ, João Batista aguely myani: “Inakanhe amidylymo imowâdaungâ. Batiza âiehowâdaungâ, Deus einwânnipyryem mawylymo mâenehon-homoem. Inepa ise ânguy Messias awyly mâuntulymo” kely. Galiléia eynynâ ani Jesus wâgâ egatuly adaguly.

Atos 2:22

Aituo myani Pedro agueondyly tonlo modoram: — Nhaum, Israel donro modo, idataungâ xirâ auguely. Jesus Nazaré donro wâgâ xirâ auguely. Tyiguely iraynâ, agâmo tatay, inanaynmolâ keankâ âdaunlo uguondo kulâ anhetânry modo anhedyly. Kyzedâlâ koendonro modo, adyesenry modo warâ kientoem anhedyly. Deuslâ keankâ mârâ koendonro modo, adyesenry modo warâ Jesusram aienehonrim, tingonotyby kuru awyly tienehon-hoem.

Hebreus 1:9

Kurâ domodo koendâ anhekyly tohogueze âmâ; akaemo inakanhe kulâ anhekyly olâ mâen-hoguebyra âmâ. Awylygue aunloenlâ pymâem mitoem ajiedâ. ÂDeusry urâ. Mohomaendoem ajiedâ, ataen-hodo duay tynrenseim kehoem âwanu amânhedylygue ewanumo takaze iwanu imâsedoem awylygue âduakely’ kewândymy” warâ iwenibyem awyly.

1 Pedro 5:8

Inanaynmolâ itaungâ, ohondybyem lelâ warâ. Awârâenlâ mawânkâ kuduery Diabu tumunreim. Leão wâne tygâse kehoem todu nhuinly tyântoem myara mawânkâ kânâmidyly. Jesus kieinwâmpyra kyedyse mawânkâ.

1 João 2:20

Onwanmo olâ Deus Tyispiritury tugonose, Deus Induakeyby mawylymo xutuhoem, Deus emary modo nhangahu onwa azeiti iapâdyly, Deusram âjiduakeoybymo awyly xutuhoem myara. Awylygue konomedâdo iozeno mâuntulymo, Deus nhutuen-hoymby.

1 João 3:8

Deus izepa ato aiesezeni olâ Diabu xurâ; idânârâ nhugudyly iraynâlâ myakâwândy Diabu, Deus izepa ato aieseze awyly. Deus imery onro anaxi âemâ, Diabu anhetyby sainze.