Apocalipse 19:17 - Deus Itaumbyry

¹⁷ Aituo keankâ anju XYDYK warâ kâendyly xixi wâgâ. Elahoam, tywângueim sâtaynrim modoram ton-honre kehoem adaenkely: — Âetaungâ. Deus âyanmo nhuduypy sâse âtâdyguywâdaungâ.

Apocalipse 19:17 ပူးပေါင်းရင်းမြစ်များ

Apocalipse 14:6

Aituo keankâ anju eagonro sawâgu kâendyly târâ kaynâ, idânârâ kurâdo tâentodâ, tydatodâ warâ. Unâ koendonro âtuguguedânry egatuim mâkâ, Deus kurâem anhetyby. Idânârâ kurâdo xirâ onro anano modoram keankâ nhegatuly.

Apocalipse 19:21

Mârâ espada imâsedo kawaru tapekeim wogonro itayba egaseybygue keankâ akaemo izodadury domodo âdyoly. Elaho domodo, ânguydo imeom tywângueim sâni modo warâ kurâdo igueypy nhunru, kawaru igueypy nhunru warâ nâdâmo. Toenzepa nâdâmo, nioladâmo warâ.

Apocalipse 8:13

Anju quatro ieto tytrombetary indypygueduo ârigâ kâendyly kaynâ sawâgu. Ton-honre kehoem keankâ aguely kâindadyly: — Kaikâ! Kaikâ! Kaikâ âmaemo-kâ! Inakanhe kehoem ise Deus eynynâbaom modo âsenagazedyly! Akaemo três anju domodo tytrombetary indyduo, inakanhe kehoem ise Deus eynynâbaom modo âsenagazedyly — kely.