Apocalipse 18:9 - Deus Itaumbyry

⁹ Âtâ anary iwymâry modo, Babilônia donro modo agâ Deus izepa ato aienibyry, âdype tâitoem akaemo tonlo modoram âdydo imeom vende ienipyry modo warâ xidadâ petogue adainly esemo. Toenzepa ise âjityendylymo, awârâ tientuomo. Saenlumo, eogunrumo warâ ise petomâ eunu tientuo.

Apocalipse 18:9 ပူးပေါင်းရင်းမြစ်များ

1 Timóteo 5:11

Pypâ sessenta anu âgânâyam tydadigueim modo keba tâenseim nidâ, aripi kebamo mawânkâ; ohogüin-onze kezemo. Tohogüin-onduo, Cristo xurâem adâidyly imozemo.

Apocalipse 14:11

Niântaymba ise mârâ peto iaduânimo. Nâkuba nitaymba ise mârâ eunu. Tâzekobyzeguely peba ise târâ peto oday, kopae warâ akaemo ânguydo adyry, ekudo xygatyby warâ einwânni modoem. Aunlolâ ise akaemo inwendy wâgâ atay, emary wâgâ atay warâ mâkâ ezedypeom modo âsenagazedyly.

Apocalipse 17:2

Tâinkânro modo lelâba pymâ domodoram tâdynanâoze. Vinhu nhuduypygue idânârâ toku ikaji nidâmo, nynanâdâmo warâ — kely.

Apocalipse 18:18

Peto iatygu, eunu warâ tientuomo, adaenkelymo keankâ: — Imâsedo, ton-honreim warâ keankâ mârâ xidadâ! Mârâ emyenro kuru lâpeba! — kelymo.

Apocalipse 18:20

Omazewâdaungâ olâ, mârâ xidadâ odano modo adain-hobyry wâgâ, âmaemo Deus eynynonro modo. Tuomare itaungâ, âmaemo Deus eydâ ato donro modo. Tuomare itaungâ, âmaemo Jesus tywâgâ agueze induakeyby modo. Tuomare itaungâ, âmaemo Deus itaumbyry egatuze igonotaymby modo. Inagazenimobyry enagazeze Deus.

Apocalipse 18:3

Deus neinwântaymba keankâ akaemo Babilônia donro modo. Inakai, kywypado warâ olâ keankâ anhekylymo. Âkelo anano modo inakanhe adâito ara aitomoem adyesemo keankâ, pekodo inakanhe kulâ aini uguondoam vinhu nhuduly, toku ikaji itomoem, eagâ kywâpado kehoem adientoem. Onro anaym pymâ domodo tâesemo keankâ, Babilônia donro modo agâ Deus izepa ato aiese. Âwâlâ tohomaendomoem toenzepa keankâ âdydo imeom nhaunkulymo, kywypado, inakai warâ adientomoem; âkelo anaymba âetyby modo âdydo imeombe tâisemo keankâ, akaemo tianâdyse ato vende tientomobyrygue — kely.

Apocalipse 18:7

Toenzepa âdydo imeompe akaemo Babilônia donro modo. ‘Iweâma ton-honre kurâ’ tâkezemo inanry. ‘Pymâ lelâlâ kurâ. Aunlolâ ise koendâ kydawyly. Âdykâ tytynruneba, tumowâduneba warâ ise kurâ, pypâbyry modo ara’ tâkezemo inanry. Iweâma âdy peba ietaungâmo. Enagazedaungâmo toenzepa kehoem. Toenzepa itywandomoem aietaungâ.

Apocalipse 19:3

Inepa lâpylâ keankâ agueondylymo: — Aleluia! Koendonro lelâlâ âmâ, Deus! Mârâ xidadâ nadainhaki. Niântaymba ise mârâ peto xidadâ sainrimpyry — kelymo.

Apocalipse 2:22

Tâzewânu inakaigue enagazeze urâ toenzepa kehoem. Alâpylâ ise uguondo modo eagâ ityby kâenagazedyly. Nâjityembyra, adâidyly nimopamo warâ watay, toenzepa kehoem ise kâenagazedylymo.