2 Coríntios 5:4 - Deus Itaumbyry

⁴ Tarâ onro anaym kodo tâlâ kydato aunloenlâ nitaymba ise. Tarâ tynaze kurâ, kodo ton-honremba awylygue, tâwâmase, tyduase warâ mawânrâ. Inepa kyiguedyse kydawylygue inkâba kynadyly. Deus kodo iwelo kyam nhuduly inepa tâlâ kidyly olâ ize kydato. Aituoma ise kodo iduatyby ipa idylylâ; iwelo adaindânry maise kodo.

2 Coríntios 5:4 ပူးပေါင်းရင်းမြစ်များ

Romanos 8:23

Awârâ modo kulelâba ise iweloem tyeseim. Kurâ idânârâ koendonro “Xuduze urâ” kehobyry emakeze kydawyly kiuntuhoem Deus Tyispiritury ingonotobyry modo tynwânwânse lâpylâ kurâ. Toenzepa iweloem kydâieholy kinwânwândyly mârâ kodo âdaunloenlâ iguedânrygue. Kuodaylâ kydâpyneândyly, inepa kehoem aidyse.

1 Coríntios 15:51

Koendâne âyanmo kâengatuly idataungâ, xirâ saguhoem tutuzenrybyry. Idânârâ inkâba ise kyiguely, Jesus odopâdyly iray. Xypyryem itybyem awyly xutuho trombeta âjidyly-ro watay, kânu PÂGÂIM MOK idyly ara kulâ ise idânârâ kydâdugukeoly inepa kehoem. Trombeta âjidyly-ro watay, Jesus einwânni modo iguewâtyby kurâem itonzemo, todo âdaunloenlâ adaindânrygue, kodo iweloem aiehowâze lâpylâ.

2 Coríntios 5:2

Âdatay tynaze kurâ. Toenzepa Cristo odopâdyly kienuendyly. Târâ eydâ atodâ inepa kodo iwelope kidyse kydawyly.

2 Coríntios 5:3

Tynwânwânse kurâ xirâ; târâ eydâ iweloem maise kodo. Kâgadopyry lelâba ise; kodope lâpylâ ise. Kydadaimpa ise kurâ-ro warâ.

2 Pedro 1:13

Iewanulâ xirâ, yiguepa wawyly ara mâenanâguehomoem âyanmo aguely.