2 Coríntios 12:13 - Deus Itaumbyry

¹³ Âkelo xidadâdâ Jesus einwânni modoem agânhetyby, adyese lâpylâ urâ âmaemoem. Cristo wâgâ kâengatuhobyry iepywadomoem âdaunloenlâ kâenkabyra olâ urâ atârâ Corintodâ. Âyanmo “Iepywadaungâ” uguepa watobyry wâgâ yagâ tyewiâse âmaemo watay, enanânehonwâdaungâ wao.

2 Coríntios 12:13 ပူးပေါင်းရင်းမြစ်များ

Atos 18:3

Tâjitubygue âtâ xygani myani mâkâ, Paulo emyenro lâpylâ. Târâ tatay, Áquila etydâlâ myani Paulo âxidâdyly, eagâ tâsewanihoem.

1 Coríntios 9:12

Jesus xunâry âyanmo egatuze idâwâtyby modo ipynirymo, eokumo warâ tuduze ani âmaemo. Koendâlâ ani amidylymo. Iozelâ tâise xina tâzeto nhekadyly âyanmo. Xinama ani waunroem kuru Jesus wâgâ âyanmo egatuim; xina arâ aguepa olâ ise. Xina nhekadyly-ro watay, “Paulo xunâry kindataymba kine, dinheru tienmakehoem kulâ awâkâ aguely” tâkeze keanra tâise âmaemo. Awylygue, âdy xina âyanmo nekabyra awyly, unâ koendonro xina nhegatuly nekuâdâbyra itoem.

1 Coríntios 9:6

Urâ, Barnabé warâ âdainkâba tâise xina tydani modoram typyniry âduduohoem nhekadyly, tâdâsemaguely wâgâ egatuwâni modo âduahohomo aralâ, âyanmo xina nekabyra olâ.

2 Coríntios 12:14

Azagâ lelâ âyanmo IU ise tâtâze urâ, udâontoem on-hondybyem urâ-ro warâ. Yaintuo, âdinherurumo ewy kâenkadaymba ise urâ. Ywynedylymo, yataen-hoem mawylymo warâ agâmo ize wato, âsejiguymo mâkeba. Tâjiunwym mawânkâ tymery tienamanâdoem xuani, tâjimery keba tunwym xuani. Unwânmoem kâdutuly; ietomoem kâenkadyze inkâba urâ.