1 Timóteo 6:6 - Deus Itaumbyry

⁶ Tâlâ kydato wâgâ tuomare lelâlâ kurâ, imâem, imâemba warâ tâlâ kydawyly umelâ. Kuomaru koendonro kuru olâ Deus ize ato aguiendylygue, tutuzema kurâ idânârâ ize kydato Deus xuduze awyly.

1 Timóteo 6:6 ပူးပေါင်းရင်းမြစ်များ

Lucas 12:15

Aituo myani Jesus tonlo modoram aguely: — Auguely idataungâ; tâmaynelâ itaungâ. Idânârâ âdydo imeom sodoem lelâ waypa itaungâ. Toenzepa âdype tadawyly kulâ aunloenlâ kuomazeândaymba, aunloenlâ kitoem aguyetaymba warâ — kely Jesus.

Lucas 3:14

Sodadu domodo ewyram lâpylâ myani adapâigueoly: — Xina-ro? Âdaraka ise xina aidyly, inakanhe adâidyly imoimbyryem tawyly, Deus einwânniem tawyly warâ tienehon-hoem? — kelymo. Aituo myani João in-hoguly: — Ânguy idinheruru kâzemakewâdaundâ, tutoguyze kehoem. Ânguy âdanipyra kulâ âdygue kâzewentâdaundâ. Tuomare lelâ itaungâ ipywadomogue — kely.

Romanos 8:28

Idânârâ tinwyneguyly modo xurâem koendonro modo, inakai modo alelâ koendâ itoenlâ Deus anhenehonly, ize ato anhentomoem ingâsedyby awylygue.

2 Coríntios 4:17

Tarâ onro anaym tawyly ara tâsenagazeze lelâlâ xina; âdy keba olâ awârâ. Deus mawânkâ koendonro âdaunloenlâ adaindânry xuduze. Inakanhe lelâlâ wâne tarâ xina âsenagazedyly. Mârâ koendonro xina nhemakely agâ, âdy keba waunlo ara kulâ olâ ise awârâ xina âsenagazedobyry.

Filipenses 1:21

Yiguepa wawyly ara, won-honru Cristo nhuduypygue idânârâ adyese lelâ urâ. Yiguely-ro watay, emakeze urâ koendonro urâem nhekanâdyby.

1 Timóteo 4:8

Xirâ onro anaym kydawyly ara kodo koendâ itoem, eon-honwadoem warâ kulâ kydohoiwadyly. Ton-honre kehoem Jesus kieinwântoem aguidyly olâ tywyneim kuru. Awârâ tywyneim kuru tarâ onro anaym kydawyly ume, tarâpa kituo alelâ.

1 Timóteo 6:8

Awylygue, typynigue kurâ, tâtyem kurâ kywogonrogue watay, kydadahuliba kine, ipa kydatogue.

Hebreus 13:5

Dinheru ize mawylymo kulâ âutubamo nidâ. Tuomare lelâ itaungâ tâlâ matomogue. Wakewâm mawânkâ Deus: “Ipa matomo xuduze urâ. Nhepyramo witaymba ise urâ. Odokebamo ise urâ warâ” kewândy.