1 Timóteo 5:3 - Deus Itaumbyry

³ Jesus einwânni modo xurukâ, pypâ modo typemugüenry nhemawyadâdomoem, pynigue, âtâ iwogonromogue, âdy ipa atomogue warâ.

1 Timóteo 5:3 ပူးပေါင်းရင်းမြစ်များ

Mateus 23:13

Aituo Jesus aguely, Moisés inweniby wâgâ enomedâni modoram, fariseu domodoram warâ: — Moisés inweniby wâgâ enomedâni modo, fariseu domodo warâ, toenzepa âsenagazeze âmaemo! Koendâ lelâ aini emyenro wâne âmaemo, koendonro aieni keba olâ âmaemo. Deus kaynonro âwymârymoem awyseba âmaemo; kurâ domodo iwymâryem idyseba warâ. Pyanta kadiadugue enahuimbyryem xave soeni emyenro âmaemo, igawâmpyra mitomoem, tâgawândysedo modo mâenkaunânehomba mitomoem lâpylâ warâ.

Lucas 2:37

Iweâpa myakâwâm pypâbyryem awyly. Oitenta e quatro anupe myakâwâm ilâem. Alâ mykâinane idâly Deus ety odaji. Kopae, peto oday alelâ mykâinane Deus wâgâ aguely. Nâwinduapyra tâise mykâinane, Deus agâ adâkehoem.

Lucas 7:12

Xidadâ odaxi tâdâwânto iwaguepa ataymo, Jesus âguedy epyâdoram sani modo nhodylymo. Pypâ imery tokaleom myani mâkâ âguedy. Toenzepa myani kurâdo mârâ xidadâ odano modo igueypy nhapygue idâlymo.

João 1:47

Natanael saindyly tientuo, Jesus aguely tagonro modoram: — Israelita lelâlâ awâkâ saini. Ânguy enokuni mâkeba awâkâ — kely.

Atos 6:1

Mârâpygueduo toenzepa myani kurâdo Jesus einwânni modo. Judeu gregu itanwe aguewâni modo, judeu hebraiku itanwe aguewâni modo aidyly nehoguebyramo myani. Awylygue pyni âdy pebaom modoram xuduly wâgâ aguelymo: — Aunlolâ inanry typyniguenry modo xuatay, pypâ hebraiku itanwe agueim modo lelâ imâem nhuankylymo awyly, pypâ gregu itanwe agueim takaze kehoem — kelymo myani.

Atos 9:39

Aituo myani Pedro inepa kehoem ohondyly, eagâmo tâtâhoem. Saintuo myani tonlo modo nhadyly Dorcas eguepybyry mesa wâgâ atoram. Toenzepa myani târâ pypâbyry modo awyly. Eogunrumo myani. Âguedy koendonropyry awyly Pedroram nhegatulymo, tâty tywogonro nhakâjiby nhenehonlymo warâ.

Atos 9:41

Emary wâgâ Pedro nhawâdyly XYDYK itoem. Ilâpyryem aguely: — Tâwâlâ idânârâ igawântaungâ — kely pypâbyry modoram, idânârâ Jesus einwânni modoram warâ. — Anra igueypy. Kurâem nitondai — kely.

1 Tessalonicenses 2:6

Tohoguedoem inkâba xina Jesus wâgâ aguely, xina mâen-hoguedomoem inkâba, kurâdoram tâzehogueohoem inkâba warâ.

1 Timóteo 5:2

Âze aralâ aripido egâ, nhaundudo aralâ âwynsaundo modo egâ warâ; Deus xurâem tywykeim eagâmo akâiedâ.

Tiago 1:27

Jesus tâinwânse kydawyly kienehondyze Kunwym Deus, todonenry modo, pypâ modo warâ kienmawyadâdylygue, mâkâ izepa ato aguiempyra kydawylygue warâ. Arâ mawânrâ xurâem tywykeba kydawyly.

1 Pedro 2:17

Kurâ domodo âwankuem kâietaundâ. Cristo eynynâ âpemugumo iwynedaungâ. Deus xyrentaungâ. Âwankuem kâietaundâ. Pymâ César âwankuem kâietaundâ warâ.

1 Pedro 3:7

Tâjisodo, tutuze âmaemo, âdara Deus âwydymo mâendysemo awyly. Koendâ kehoem etaungâmo; akaemo takaze awârâ on-honrumo. Tawize kehoem etaungâmo. Agâmolâ ise Jesus einwânni modoram Deus nhuduly koendonro modo nhemakelymo. Koendâ mâempyra âmaemo-ro watay, Deus âdapyramo ise, eagâ amyguedyse matomo.