1 Pedro 5:13 - Deus Itaumbyry

¹³ Babilônia donro Jesus einwânni modo, âyanmo tywynu nhawânehonlymo, akaemo, aramo Deus-am iduakewâdyby modo. Marcos lâpylâ âyanmo tywynu nhawânehonly; yataen-ho merâ, ymery ara kâinwyneguyly.

1 Pedro 5:13 ပူးပေါင်းရင်းမြစ်များ

Atos 12:12

Koendâ tiuntuduo myani Pedro idâly Maria, João Marcos ise etyram. Toenzepa myani Jesus einwânni modo târâ awyly, Pedro nhetaguehoem Deusram ekaze.

Atos 12:25

Barnabé, Saulo warâ, Jerusalémdâ Jesus einwânni modo iwymâryam dinheru tuduzemo myani, tonlo modo âdy pebanro modo xurâem nhuduhoem. Dinheru xuduimpyryem myani Antioquiaram odopâdylymo. João Marcos tagâ tasemo myani.

Atos 15:37

— Inoro. João Marcos kagâ idâze lâpylâ — kely myani Barnabé.

Atos 15:39

Barnabé myani mâkâ salokuzenomo tagâmo idâdyse. Toenzepa myani mâkâ wâgâ Paulo agâ aguely. Ton-honre kehoem myani âseudylymo; nâseinwâmbyramo olâ myani. Awylygue myani âseagonguelymo. Barnabé, João Marcos tagâ tase myani. Ilha Chipream myani idâlymo.

Colossenses 4:10

Aristarco, tarâ kadeia oday yagonro, iwynu manwâtomoem aguely. Marcos lâpylâ idaenkulymo, Barnabé ipemugu. Âyanmo saindyly-ro watay, koendâ edaenkuwâdaungâ, iwâgâ âurutomobyry ara.

Filemom 1:24

Marcos, Aristarco, Demas, Lucas warâ iwynu sawâtaungâ lâpylâ. Yataen-ho lâpylâ asaemo, Jesus wâgâ aguelymogue.

2 João 1:1

Âyam xirâ kata kâinwenily, âmâ pekodo Deus induakeyby, âmeombyryam warâ. Jesus einwânni modo iwymâry urâ. Toenzepa âwynedylymo. Urâ kulelâba olâ âwynenimo; idânârâ Kunwym Deus itaumbyry iozeno einwânni modo âwynedâmo lâpylâ.

2 João 1:13

Âwidy Deus induakeyby imeombyry idaenkulymo lâpylâ. Xirâ kulâ âyanmo augueho.

Apocalipse 17:5

Âze iwenibybe keankâ inwendy wâgâ; âdakely awyly ânguy nutuba olâ keankâ. “Babilônia ton-honreim urâ. MON waunlo urâ; idânârâ pekodo modo yara lâpylâ ize wawyly. Tâlâ wawylygue mawânrâ onro anaym kywypado modope awyly” kely.

Apocalipse 18:2

Ton-honre keankâ adaenkely: — Babilônia xidadâ imâsedo tadainhoze! Idânârâ iodano modo tadainhoze! Kadopâ modo lelâ atonlo iwerâ; elaho modo, tywânguneim sâni eagonro modo alelâ.