1 Pedro 3:11 - Deus Itaumbyry

¹¹ Inakai aiedyly kyjimonre lelâlâ; koendonro aguyjiene. Ânguy agâ kydâtuebabyra kine. Aunlolâ kyewiâseni modo agâ koendâ lelâ kine, iewiâkymo adain-hoem.

1 Pedro 3:11 ပူးပေါင်းရင်းမြစ်များ

Mateus 5:45

Koendonro mawânkâ Deus, tynynonro modo agâ, tynynâbanro modo agâ alelâ. Xixi tohobanâze mawânkâ koendonro modoem, inakai modoem alelâ. Kopâ tyihugueânze lâpylâ tâinwânni modoem, tâinwântânry modoem alelâ. Awylygue koendâ lelâ âmaemo ataen-homo, âduerymo alelâ agâ-ro watay, Deus kaynonro xurâem kuru mawylymolâ mâenehonlymo.

Mateus 5:9

— Tuomareim kuru mâkâ, tâdâtuebadyly, tâdâseguebyly warâ adain-hoem aini. Tymery ara lelâ mawânkâ ise Deus nhedyly.

Mateus 6:13

Satanás izepa mato aienehonze keduo, xina agâlâ ikâ, izepa mato xina aniempyra itoem. [Xina iwymâry âmâ. Ton-honre kehoem âmâ, amânhedyse mato aiese. Tynrenseim âmâ. Aunlolâ ise âmâ, typygueim keba. Arâlâ ise”] — warâ aguewâtaungâ Deusram.

Marcos 14:7

Aunlolâ ise âdy pebaom modope awyly; ize matomobyry aralâ ise âdylâ mâundulymo. Urâ olâ ise âdiempa kulâ agâmo wawyly.

Lucas 1:79

Deus wâgâ xutuen-honze kyam. Iwerâma iamu odano ara kulâ kurâ-ro. Tâjiguely amaym kulâ kurâ. Kâmakerim olâ ise ânwa iajimanâni ara. Deus agâ koendâ lelâ kyese, tyanepa eagâ kitoem — kely Zacarias tymeryam.

Lucas 6:35

— Akaemo ara inkâba itaungâ. Inagazenimo agâ koendâ itaungâ. Koendâ lelâ xurâem aitaungâ, ipywadomo peba awylymo umelâ. Inagazenimo koendâ lelâ mâendylymo watay, ise Deus koendâ nhedylymo, koendonro nhuduly âyanmo warâ. Kurâ koendonro agâ kulelâba Deus koendâ awyly, kurâ inakanhe aini modo agâ lâpylâ, “Kagâ koendonro mâkeba Deus” kewâni modo agâ. Idânârâ agâ koendâ mataymo, Deus eynynonroem mawylymo âdutuoze.

Lucas 6:9

Jesus tonlo modoram aguely: — Âdaraka Moisés inweniby tâzekobyzegueho oday aguienkyly wâgâ aguely? Âdyka adyeseinhe agueho, koendonro aguiendyly, inakai aguiendyly, kely? Ânguylâ tâzekobyzegueho oday kâmaynoem watay, kienmakely, tâwâlâ kingueânehonly? — kely Jesus.

João 17:15

— Pabai, ynynâbaom modo duaypa mâentyhomoem kâenkadaymba urâ. Diaburam nâdynanâoba itomoem xuahurumoem ikâ wao, uguely olâ.

Romanos 12:18

Koendâ lelâ aitaungâ, ânguy agâ tamekygueba, idânârâ agâ koendâ lelâ mitomoem.

Romanos 14:17

Aguehobyry kiankabyra kydawyly, âkelo agâ kyewiâpabyra kydawyly, Deus Ispiritury kagâ awylygue kuomaru warâ, Deus kywymâryem awyly enehonri, kieinly, kienyly warâ mâkeba.

Romanos 14:19

Aituo kagonro agâ koendâ kyenehoim lelâ aguyjiene, kagonro agâ âdapa lelâ kitoem. Kagonrodo Jesus nheinwândyly imâem ieni lelâ aguyjiene.

Romanos 5:1

Tâwentâgueduneba Deus kâendyly iwerâ, Kywymâry Jesus Cristo tâinwânse kydawylygue. Saguhoem inakanhe kulâ kydawylygue Deusram kaintaymba akâwâm kurâ. Inakanhe kydawyly xygakeze Cristo kruz wâgâ aitobyry wâgâ olâ, Deus agâ iwaguepa ietybyem kydawyly; âdapa lelâ mâkâ agâ kydawyly.

Romanos 7:19

Inakai agânhedyseba wato adyese urâ; koendonro agânhedyse wato olâ urâ agânhepyra.

Romanos 7:21

Tutuze urâ, arâ yagâ aidyly awyly. Koendonro agânhedyse wâne urâ, inakai aiedyly lelâ olâ kâuntuly.

Romanos 8:6

Ize tato aralâ adâidysedonro modo aunloenlâ ise Deus agâpa âieholymo, igueduomo. Deus Ispirituryam âdutuoim olâ ise nadahulibamo, xurâmoem koendâpa awyly umelâ. Tyigueduo Deus agâ isemo eydâ atodâ.

Gálatas 5:22

Deus Ispiritury konomedâdo olâ Deus kinwynedoem, kydâpynedoem; kuomaroem; kydâseanebyra kitoem, tâwâlâ lelâlâ wâne kâmaynoem kydawyly; idânârâ kienmaen-hoem; idânârâ agâ koendonroem kitoem; kydâzeinwân-hon-hoem, “Aiese urâ” kykehobyry aguientoem;

Gálatas 6:10

Awylygue idânârâ xurâem koendonro aiedyly kinmoba kine, aguitoem nhuduly watay; akaemo Jesus kieinwânto ara einwânni modo xurâem koendonro aguyjiene kuru.

Colossenses 3:15

Cristo wâgâ mawânrâ agonromo agâ âdapa lelâ mawylymo. Agâmolâ mâkâ; mâkâlâ inakanhe amidyse matomo xygakerim. Koendâ lelâ mitomoem, mâpynedomoem, mâseinwândomoem warâ Deus âgâsedylymo. Awylygue koendonroem awyly wâgâ anhekyly wâgâ warâ amyguepa tâiseba itaungâ Deusram.

1 Timóteo 6:18

Koendonro lelâ aietaungâ. Âdypeom âmaemo watay, âdypebaom ipa ato mâunduhomoem âdinherurumo ewy nidâ. Tâwânrempa itaungâ; tâlâ matomo eagonro agâ epajigâdaungâ” kekâ âdypeom modoram, Timóteo.

Hebreus 12:14

Âzeon-hondâdaungâ, ânguy agâ mâtuebabyra, âewiâpabyra warâ mitomoem, Deus ize ato ara lelâ mitomoem, Arâpa-ro watay, ânguy Kywymâry Jesus netaymba ise.

Hebreus 13:16

Koendonro aiedyly kinmoba kine, kagonro modo kyzemawyadâne warâ. Arâ aguidyly-ro watay, Deusram âdylâ toenzepa kehoem ize ato kiunduly-ro waunlo ara xurâem.

Tiago 4:17

Mâkâ Deus aguehobyry adyeseinhe tiuntuly umelâ aietânry, Deus aguehobyry nhakadylylâ mâkâ.

1 Pedro 3:12

Deus ize ato aieni modo mawânkâ aunlolâ koendâ lelâ âzeholymo. Nhekadybymo âjidaholy lelâ warâ; inakai aieni modo olâ nepyra, nhekadybymo nidapyra warâ” warâ iwenibyem awyly Deus itaumbyry awo wâgâ.

3 João 1:11

Yataen-ho Gaio, koendonro modo aito ara lelâ aikâ; inakai modo aito araba aikâ. Koendâ adâidyly imodânry Deus xurâlâ, inakanhe adâidyly imodânry olâ Deus xurâ keba.