1 João 5:4 - Deus Itaumbyry

⁴ Idânârâ kurâ Deus imeryem itaymby modo Deus kieinwâmpyra kitoem aienehoim modo aguiempyra kitoem ton-honre kurâ, Jesus tâinwânse kydawylygue.

1 João 5:4 ပူးပေါင်းရင်းမြစ်များ

João 1:13

Tâjimery tyze odaypalâ iazely, nhunwynlâ xuguni warâ. Arâpa olâ Deus tymeryem kyedyly. Eynynonroem kydawylygue tymeryem kyedyly.

João 16:33

Xirâ modo wâgâ auguely aidyly iraynâlâ, âtywambyra mitomoem. Yeinwântâ mawylymogue, koendâ lelâ itaungâ, tâseguâdâzeba. Xirâ anaym mawylymo ara ton-honre ise âmaemoem; âsenagazeze âmaemo. Tâegane olâ itaungâ. Won-honruma ynynâbaom modo iwymâry Diabu eon-honru takazeno kuru — kely Jesus.

João 3:3

Jesus aguely: — Azeompyra kulâ, Deusgue tywymâguneba âmâ. Arâ lelâ mawânrâ Deus xurâem tâjidyly. Xirâ mâuntudyze kuru wato — kely.

1 Coríntios 15:57

Kon-honwanâdâ olâ Deus, izepa ato aguiempyra kitoem, Kywymâry Jesus Cristo kurutobyry ara lelâ aguidyly awylygue. Awylygue mâkâ agâ aguykeba kipyra kine: “Pabai, iwâkuru lelâlâ âmâ! Idânârâ koendâ awyly takaze koendâ mawyly!” kykenre. Aunlolâ Deus kyzehoguene.

1 João 2:29

Tutuze âmaemo, koendonro lelâ Cristo anhetyby awyly. Awylygue xutuwâdaungâ lâpylâ, koendonro amânhetuomo, Deus imeryem mawylymo.

1 João 3:9

Deus xurâ kydawylygue, Deus izepa ato kulâ aguiensezedaymba kurâ, Ispiritury kagâlâ awylygue. Aguehobyry kiankazezedoem nuduwâpyra, Kunwym awylygue.

1 João 4:4

Deus xurâ olâ âmaemo, ymeombyry ara kâenkyly modo. Awylygue iozepa kulâ unâ egatuwâni modoram mâzenokuoba mawylymo. Deus Ispiritury agonromo, ton-honreim kuru, Satanás ispiritury onro anano modo agonro takaze eon-honru.

1 João 5:1

Idânârâ Jesus Deus Ingonotyby awyly einwânni modo, Deus imeonlâ. Kunwym Deus kinwynedylygue, Jesus einwânni modo tywyneze lâpylâ kurâ, Deus xurâlâ mawânkâ akaemo. Nhunwym tywyneze kurâ watay, imery tywyneze lâpylâ kurâ.

1 João 5:18

Kurâ Deus eynynonro modo Deus aguehobyry kiankazezedyly kitaymba kurâ, Deus imery kâentâ mawânkâ. Awylygue Satanás inakai modo kurâem aniempyra awyly.

1 João 5:5

Kurâ Deus imerylâ Jesus awyly einwânni modo lelâ ton-honreim, Deus kieinwâmpyra kitoem aienehoim modo aguiempyra kitoem.

Apocalipse 12:11

Akaemo kagonro modo Diabu neinwântaymbamo, Kordeiru tunu tyapâze turâem iguehobyry tâinwânse tawylymogue, mâkâ xunârybyry, iwâgâ nhegatuybymo warâ iozeno kuru awyly tyeinwândylymogue warâ. “Jesus einwândyly mâinmopa âmaemo-ro watay, âzemo xina” tâkehonduo kulâ, einwândyly nimopamo keankâ. Tyanepamo keankâ igueze.

Apocalipse 15:2

Aituo keankâ paru, vidru emyenro peto agonro kâendyly. Mârâ paru iwaguepa kurâdo sedâ lâpylâ tâpagune; âdykâ mâkâ ânguydo adyry parutabâ ikanobyry einwânnipyry keba, ekudo xygatyby tien-hoguedoem enado âzeguhoam ityby keba, inumerury ezedy xutuhogue marka ietyby keba warâ keankâ akaemo. Deus nhuduypy harpa keankâ indylymo.

Apocalipse 2:11

“Awylygue auguely, mâuntudyze mataymo, idataungâ Deus Ispiritury aguely idânârâ yeinwânni modoram. “Âmaemo xypyry etaji kehoem yeinwândyly imodânry modo, Deus agâpa ini keba ise âmaemo. Âigueduomo, aunloenlâ ise eagâ mawylymo. Tânagazedonduneba ise âmaemo” — kely keankâ Jesus Esmirnadâ tynynonro modoram.

Apocalipse 2:17

“Awylygue auguely mâuntudyze mataymo, idataungâ Deus Ispiritury aguely idânârâ yeinwânni modoram. “Âmaemo xypyry etaji kehoem yeinwândyly imodânry modo, Deus nhekanâdyby maná kehogue âwasemo urâ. Tuhu tapekeim xuduze lâpylâ urâ yeinwânni modoram. Ezedymo iwelo iweniby ise tuhu wogonro. Ânguy âkelo ezedy nutuwâbyra ise; sodo lelâ ise xutuim” — kely keankâ Jesus Pergamodâ tynynonro modoram.

Apocalipse 2:26

“Âmaemo xypyry etaji kehoem yeinwândyly imodânry modo, auguehobyry ara lelâ aitaynrim modo, pymâem yagâ âesemo urâ. Pabai Deus mawânkâ saguhoem kuru yam adâkeze: ‘Idânârâ onro anano modo iwymâryem ise âmâ. Yizepaom modo sainze âmâ, âmugâ xukagâdyly wâne-ro myara’ kewândy. Pabai pymâem witoem aguehobyry ara, arâ lâpylâ ise pymâem mitomoem auguely.

Apocalipse 2:7

“Awylygue auguely mâuntudyze mataymo, idataungâ Deus Ispiritury aguely idânârâ yeinwânni modoram. “Âmaemo xypyry etaji kehoem yeinwândyly imodânry modo, Deus enadoram alehozemo urâ, âji iwâkuruam, âigueompyra mitomoem. Nady ewily kyigueânehondânrybe târâ. ‘Tâwâlâ xirâ nady ewily einwâtaungâ’ keze urâ âyanmo” — kely keankâ Jesus Efesodâ tynynonro modoram.

Apocalipse 3:12

“Âmaemo xypyry etaji kehoem yeinwândyly imodânry modo, aunlolâ Deus eydâ atodâ mitomoem aiese urâ. Âtâ enu koendâ kehoem epadâdyby wâne alâ kulâ nihugueba, myara lâpylâ ise Deus eydâ atodâ âdaunloenlâ igaseba mawylymo. Azagâ âze âwâgâmo iwenize urâ, yDeusry ezedy, iezedy iwelo warâ. ‘Jerusalém iwelo donro merâ, Deus ety anary donro kaynonrodâpa âetyby’ kely iwenize lâpylâ urâ warâ.

Apocalipse 3:21

“Âmaemo xypyry etaji kehoem yeinwândyly imodânry modo, idânârâ kurâdo iwymâryem wituo, yagâ pymâem ise âmaemo. Âdaunloenlâ Satanás kâinwâmpyra watobyry ara lâpylâ mâinwâmpyra mawylymo. Iwerâ Pabai Deus agâ pymâem wawyly. Aituo ise âmaemo yeinwânni modo yagâ pymâem midylymo lâpylâ.

Apocalipse 3:5

“Âmaemo xypyry etaji kehoem yeinwândyly imodânry modo, inakanhe amitomobyry xygakeze urâ. Tapekeingue âzetydâdyby modo ara ise âmaemo. Mârâ pape Aunloenlâ Deus Agâ Ini Modo Ezedy sawo wâgâ iwenibyem izedymo. Mârâ wâgâpa izedymo kâyngakeba ise urâ-ro warâ. Pabai enado, anju domodo enado warâ agueze urâ: ‘Ynynonro modo asaemo’ keze urâ.