1 João 4:15 - Deus Itaumbyry

¹⁵ “Deus imeryma Jesus Cristo” kykely MON warâ-ro watay, kagâlâ Deus, eagâlâ kurâ warâ.

1 João 4:15 ပူးပေါင်းရင်းမြစ်များ

Mateus 10:32

Jesus aguely: — Tâjiduay, “Jesus eynynonro urâ” myguelymo-ro watay, “Ynynonrolâ asaemo” keze lâpylâ urâ Pabai kaynonroam, enado mawylymo ume.

Lucas 12:8

Wakely myani Jesus: — Tâjiduay, “Jesus eynynonro urâ” myguelymo-ro watay, “Ynynonrolâ asaemo” keze lâpylâ urâ. Pabai, anju domodo warâ enado ise auguely: “Ynynonrolâ akaemo” uguely. Xirâ mâuntudyzemo kuru wato.

João 6:56

Wodo sâni, unu enyim warâ watay, aunloenlâ ise yagâ awyly. Eagâlâ ise urâ; yagâlâ ise warâ.

Atos 8:37

[— Jesus tâinwânse lelâlâ âmâ-ro watay, batiza âese lelâ urâ, Jesus eynynonroem mawyly xutuhoem — kely myani Filipe. — Tâinwânse urâ, Deus imery Jesus Cristo awyly. Iweâ lelâlâ ise kâinwândyly — kely myani uguondo.]

Romanos 10:9

“Ywymâry mâkâ Jesus” myguelymo tâjiduay, igueduo kurâem ietonibyryem Deus awyly tâinwânse âmaemo warâ watay, âsemagueze âmaemo.

Filipenses 2:11

Enado ise aguelymo: “Jesus Cristo, idânârâ iwymâry âmâ. Amânhetyby wâgâ, idânârâ adâkezemo Kunwym Deus eon-honru, ehogu wâgâ warâ” kelymo ise âzeguhoam itybyem Jesus enado.

1 João 2:23

Tâzenanaym kehoem: “Jesus Deus imeryem awyly kâinwântaymba urâ” keim, Kunwym Deus xurâem nitaymba. Tâjiduay kehoem: “Tâinwânse urâ Jesus Deus imeryem awyly” keim watay olâ Kunwym Deus xurâlâ mâkâ.

1 João 2:24

Jesus wâgâ unâ iwâkuru einwândyly mangulymo umelâ mâindatybymo wâgâ âpaunzedaungâ, unâ agueho ara lelâ aitaungâ warâ. Arâ amidylymo watay, Jesus ize ato aralâ amidylymo, Nhunwym ize ato aralâ warâ.

1 João 3:23

Xirâ azagâ mawânrâ Deus aguehobyry tutuzeim: “Ymery Jesus Cristo einwântaungâ” kely. “Âpynedaungâ” kely warâ.

1 João 3:24

Aguehobyry aguiendyly watay, Deus agâpa kitaymba kurâ, kagâpa nitaymba lâpylâ ise. Kagâ awyly kiuntuly, Tyispiritury ingonotyby kagâ awylygue.

1 João 4:12

Ânguy âdaunloenlâ Deus netaymba. Cristo eynynâ kypemugudo agâ kydâpynedyly watay olâ Deus kagâlâ. Kagonro modo agâ toenzepa lelâlâ kydâpynedyly watay, Deus kyize ato ara kisezedyly lakuru.

1 João 4:2

“Jesuslâ Messias, Deus Ingonotyby. Karalâ mâkâ kurâem awyly, tunre, tybygue warâ; egadopyry mâkeba” keim tutuze kurâ, Deus Ispirituryam aguehoymby awyly aguehoem.

1 João 5:1

Idânârâ Jesus Deus Ingonotyby awyly einwânni modo, Deus imeonlâ. Kunwym Deus kinwynedylygue, Jesus einwânni modo tywyneze lâpylâ kurâ, Deus xurâlâ mawânkâ akaemo. Nhunwym tywyneze kurâ watay, imery tywyneze lâpylâ kurâ.

1 João 5:5

Kurâ Deus imerylâ Jesus awyly einwânni modo lelâ ton-honreim, Deus kieinwâmpyra kitoem aienehoim modo aguiempyra kitoem.

2 João 1:7

Tâinkâ lelâba iozepa kulâ enomedâze kewâni modope awyly. “Kurâ ara inkâba Jesus Cristo iazely. Tâzegadopyry uguondoem ityby kulâ” kelymo. Arâ aguehomoem aguehoymbyem akaemo Cristo Idueryam. Xypyry etay ise mâkâ uguondo Cristo Iduery âepanâguely. Toenzepa ise mâkâ tâdâsenogudyly kely.