1 João 3:17 - Deus Itaumbyry

¹⁷ Wakykely: “Deus tywyneze urâ, tâinwânse urâ warâ” kykely. Tâlâ kydato modo âdypebaom modo agâ kiempajigâbyra kurâ watay, tânehonze awârâ Deus kinwynebyra kydawyly, kyam aguehobyry aguiempyra kydawyly warâ.

1 João 3:17 ပူးပေါင်းရင်းမြစ်များ

Lucas 3:11

João in-hoguly: — Deus tâinwânse lelâlâ mawylymo enehonwâdaungâ. Itymo owogonromo azagâpe âmaemo watay, ipaonra tokalâ âunduwâtaungâ. Typynigue mataymo, epajigâdaungâ ipanro agâ — kely.

2 Coríntios 8:9

Tutuzelâ âmaemo, Kywymâry Jesus Cristo kywyneni awyly. Târâ kaynâ tunwym agâlâ idânârâ sodoem tawyly umelâ, nhânwânmy. Uguondo âdy pebaon-em imâ tarâ onro anaym, arâ aidyly myakâwâm, toenzepa kywynedylygue. Arâ aitobyry wâgâ idânârâ koendonro modo Deus nhuduly mâenmakelymo.

Hebreus 13:16

Koendonro aiedyly kinmoba kine, kagonro modo kyzemawyadâne warâ. Arâ aguidyly-ro watay, Deusram âdylâ toenzepa kehoem ize ato kiunduly-ro waunlo ara xurâem.

Tiago 2:15

Tâwâlâ wâne Jesus einwânni âdypebaom modoram, “Tâseguâdâzeba itaungâ. Deus âpynirymo, itymo owogonromo warâ xuduze” myguelymo; mâwampyramo, mâentydâbyramo warâ watay olâ ise amyguehomobyry âdyem nipyra. Tâlâ âmaemo tuduzeim, pyni, âtâ tyeseim warâ watay, âunduwâtaungâ.

1 João 4:20

Jesus einwânni modo kinwynebyra kulâ, “Deus tywyneze urâ” kykely-ro watay, konokuni kulâ kurâ, Deus iwyneni mâkeba. Tâenseim mâkeba Deus, Jesus einwânni modo olâ kagâmolâ. Kienkyly modolâ kinwynebyra kurâ-ro watay, nuduwâpyra Deus kientânry kinwynedoem.

1 João 5:1

Idânârâ Jesus Deus Ingonotyby awyly einwânni modo, Deus imeonlâ. Kunwym Deus kinwynedylygue, Jesus einwânni modo tywyneze lâpylâ kurâ, Deus xurâlâ mawânkâ akaemo. Nhunwym tywyneze kurâ watay, imery tywyneze lâpylâ kurâ.