1 João 3:13 - Deus Itaumbyry

¹³ Cristo eynynâ ypemugudo, Deus xurâ mawylymogue Deus iduery modo âewiâsedylymogue, tâseguâdâzeba itaungâ.

1 João 3:13 ပူးပေါင်းရင်းမြစ်များ

Mateus 10:22

Ynynonroem mawylymogue, toenzepa ise mâjiewiâseolymo. Âmaemo yeinwândyly imodânry modo olâ âsemagueze, aunloenlâ Deus agâ mitomoem.

Mateus 24:9

— Yizepaom modo awâsemo, yeinwândylymogue, asemo pymâ modo enado. Toenzepa inagazenehonzemo, âehonzemo warâ. Ynynonroem mawylymogue, toenzepa ise mâjiewiâseolymo.

Marcos 13:13

Ynynonroem mawylymogue, toenzepa ise mâjiewiâseolymo. Âmaemo yeinwândyly imodânry modo olâ âsemagueze, aunloenlâ Deus agâ mitomoem — kely Jesus.

Lucas 21:17

Ynynonroem mawylymogue, toenzepa ise mâjiewiâseolymo.

Lucas 6:22

— Tuomareim kuru ise âmaemo. Iwerâ kulelâ mâjiewiâseolymo; ânguy izepa ato modo, tywykeduneim modo, tunâgueduneim modo warâ. Urâ Uguondo Kaynâpa Âetyby xurâem mawylymogue ise mâzenagazeolymo.

João 16:2

Âtâ tâdâtâdyguyho odaypa igaseânzemo, akaemo âhomo sainse. Âlymo-ro watay, Deus ize ato aralâ adâidyly waunlo ara ise enanajimo. Iozepa kulâ olâ arâ âpaunzedylymo.

João 16:33

Xirâ modo wâgâ auguely aidyly iraynâlâ, âtywambyra mitomoem. Yeinwântâ mawylymogue, koendâ lelâ itaungâ, tâseguâdâzeba. Xirâ anaym mawylymo ara ton-honre ise âmaemoem; âsenagazeze âmaemo. Tâegane olâ itaungâ. Won-honruma ynynâbaom modo iwymâry Diabu eon-honru takazeno kuru — kely Jesus.

João 17:14

Eyanmo kâengatuhoem amyguehobyry segatu. Tâinwânse asaemo. Ynynâbaom modo adiendyse ato, adiendyse inkâba asaemo, ynynâbaom modo anhekyly, agânhedyseba wato ara lâpylâ. Awylygue, ynynâbaom modo izepa idylymo.

João 3:7

Awylygue tâseguâdâzeba ikâ, “Azeontaungâ” uguelygue.

João 7:7

Yeinwântânry modo âizemo lelâ, urâ olâ yizepamo. Anhekylymo inakai wâgâ auguelygue, yizepa awylymo.

Atos 3:12

Târâ toenzepa kurâdo âtâdyguyly tientuo myani Pedro aguely eyanmo: — Nhaum, koendâ ydataungâ, kydamu Israel iweom. Tâseguâdâzeba itaungâ. Xina arâ kâzesedaundâ. Ton-honrugue inkâba enra xina merâ adakobâdânrybyry kua nhedyly. Xina koendonroem awylygue inkâba merâ adakobâdyly.

Romanos 8:7

Ize tato aralâ adâidysedo modo Deus iduerylâ akaemo. Deus agueho neinwântaymbamo; mâkâ ize ato aiedyly nutubamo lelâlâ.

2 Timóteo 3:12

Idânârâ Deus ize ato ara aini modo âzenagazeoze eynynâbaom modoram, Cristo Jesus nheinwândylymogue.

Tiago 4:4

Deus aguehobyry mâinwâmpyra mawylymogue, ize ato aiedyly mâinmolymo, ize matomo amânhetomoem kulâ. Tutuzelâ âmaemo, Deus ize ato agâ âseinwândânry modo ize matomo watay, Deus idueryem midylymolâ awyly. Augueondyly, Deus izepa ato ara kulâ xirâ onro anaym amidylymo watay, Deus idueryem midylymolâ lâpylâ.

Apocalipse 17:7

Aituo keankâ anju aguely: — Arâ kehoem tâseguâdâzeba ikâ, tâseanezeba ikâ warâ. Mâkâ pekodo wâgâ, ânguydo adyry iwâgâ adakobâdo, sete lelâ tyangahueim, dez lelâ pylâ iwâenkyun-ro waunlo wâgâ tutuzenrybyry âyam agueze urâ.