1 João 1:5 - Deus Itaumbyry

⁵ Jesus Cristo aguehobyry tindatyby ise xina âyanmo nhegatuly. Koendonro mâkâ Deus, âdaunloenlâ inakai keba, inakai aieni keba warâ, iajinu emyenro, iamu emyenro keba.

1 João 1:5 ပူးပေါင်းရင်းမြစ်များ

João 1:19

Judeu domodo iwymârydo Jerusalém donro, kurâdo eynynâ Deus agâ aguewâni modoram, emary modoram warâ aguelymo myakâwâm: — Joãoram idâwâtaungâ. Sapâiguewâdaunda: “Âmâ-ro? Ânguyka âmâ? Âwâgâlâ amyguely? Messiaslâ âmâ, Deus ingonokyly tynwânwânseinlâ?” kewâtaunda — kelymo.

João 1:4

Deus Xutuen-hoim mawânkâ xirâ anaym tâlâ kyenehonri. Mâkâ wâgâlâ ise Deus eydâ atoam kytâly, kieinwândylygue. Iajinu wâne kytâho kientoem ânwa tâsagonze, myara lâpylâ Deus wâgâ kiuntuhoem anhenehonly.

João 1:9

Jesus xirâ onro anaxi âewyly myakâwâm, Deus kyam xutuen-honze. Mâkâ wâgâ mawânrâ âdara mâkâ xurâem kydawyly xutuly.

João 8:12

Jesus agueondyly Deus ety idaserano modoram: — Iajinu wâne kydadakobâdo tâsagonze, myara lâpylâ ywâgâ âdara Deusram tadaindyly xutuly. Yeinwântaynrim modo Deus agâpa tyetunebamo ise. Igueduomo, idâzemo lelâ aunloenlâ eagâ tâitomoem. Ize ato ara adâidyly xutuzemo. Iamu odaypa ise adakobâdylymo, ânwa tyajineim odakâ adakobâdylymo waunlo ara ise — kely.

João 9:5

Xirâ anaym wawyly ara, âdara Deusram tâdâtâly awyly wâgâ konomedâdâ urâ; âdyam kytâly awyly kientoem iajimanâni emyenro urâ — kely.

1 Coríntios 11:23

Âyanmo kâengatuly ise Kywymâry Jesus ienomedâdobyry, iguehobyry enanâguehoem tâdâtâdyguyho wâgâ. Mârâ kopae, pymâdoam tâzegameoly iraynâ myakâwâm tynynonro modo agâ âwinduadyly. Pão nhanâdyly myakâwâm.

1 Timóteo 6:16

Mâkâ kulelâ iguedânry. Iatygu, tohoreingue mâkâ enâmidybyem awyly. Awylygue ânguy eyam iwaguepa naimpyra awyly. Ânguy âdaunloenlâ Deus netaymba; ânguy nepyra ise-ro warâ. Eyam aguykenre: “Aunloenlâ Deus nâdyren-ho, nâzehogueo; aunloenlâ ise pymâ kaynonroem awyly warâ” kykenre. Arâlâ nidâ.

Tiago 1:17

Idânârâ koendonro modo, iwâkuru modo warâ kienmakely Deus kaynonrodâlâ âewyly; xixi, nunâ, ximukâ warâ tytanrugue kulâ xugunipyry nhuduly. Xixi, nunâ, ximukâ warâ tâjidydâpa tâtugugueze. Âtugugueduo tyamase. Deus olâ nâtugugueba; aunlolâ kagâ awyly, kurâem koendonro modo aiese,

1 João 3:11

Jesus einwândyly magulymo ume unâ mâindatybymo xirâ: “Jesus einwânni modo agâ kydâpynene; koendâ kydâzeto ara, arâ lâpylâ kagonrodo agâ koendâ kydâzene” kely.

Apocalipse 21:23

Xixi peba, nunâ peba warâ keankâ mârâ xidadâdâ, tyamepa târâ awylygue, Deuslâ, Jesus Kordeirulâ warâ tohorugue, idânârâ iajimanâni awylygue.

Apocalipse 22:5

Niguantaymba ise târâ Deus eydâ atodâ. Mârâ xidadâdâ xixi iajinu, lamparina warâ tywynuneba ise. Tyamuneba ise târâ. Pymâ Deus ehozelulâ mawânrâ ise tonlo modo iajimanâni. Jesus agâ aunloenlâ ise pymâem awylymo.