1 João 1:1 - Deus Itaumbyry

¹ Jesuslâ myakâwândy kaudyly iraynâlâ Deus Kyam Xutuen-hoim. Mâkâ xurâem kydawylygue mawânrâ ise aunloenlâ Deus eydâ atodâ kydawyly. Mâkâ wâgâlâ mawânrâ âyanmo kâinwenily. Onro anaym awyly ume, eagonropyrylâ xina, aguely idanipyry, tânugue enipyry, tâmarygue MÂʼ ienipyry warâ.

1 João 1:1 ပူးပေါင်းရင်းမြစ်များ

Lucas 1:2

Saguhoem Jesus aidyly etaynrimbyry modo agâ âtunâguemâmomy. Egatuhobyry ara pylâ iwâgâ aguelymo, inwenilymo-ro warâ.

Lucas 24:39

Urâlâ urâ! Etaungâ iemary, uhuru warâ. MÂʼ ietaungâ, kadopâemba wawyly mâetomoem, kurâem wawyly mâinwântomoem warâ. Igueypy egadopyry mawânkâ tunrempa, tybyguepa warâ xara ietomo ara — kely myani.

João 19:35

Urâ Jesus kruz wâgâ iguely enipyrylâ xirâ egatuim. Urâ kâentyby lelâlâ xirâ kâengatuly, mâinwântomoem lâpylâ. Âkealâ xirâ kâinwenily. Kâinweniby ara kehoem akâwâm aidyly.

João 20:27

Ilâpyryem Toméram aguely: — Egâ iemary ihoguyhobyry; imary nhonwa iekâ. Iwâry saunâkâ, ieledydâ ihoguyhobyry onwa imary iekâ. Mâinwâmpyra mawyly imogâ. Kurâem itondybyem wawyly einwânkâ — kely.

João 5:26

Âdaunloenlâ Deus agâpa tyetunebamo ise, iguely iraynâ, igueduo alelâ, ton-honre mawânkâ Pabai awârâ adientoem. Ynynonro modo Deus agâpa kânhenehomba witoem aguewâm lâpylâ.

João 8:58

Aituo Jesus aguely: — Abraão iazely iray, tâlâ wakâwâm — kely.

Atos 1:3

Kurâem tâitombygueduo, quarenta emedyly ara tâepanâguezezelâ myani tunâry egatuwâni modoram. Toenzepa adyesenry modo Deus eon-honrugue adyese myani, igueypyemba tawyly tienehon-hoem. Âdara Deus pymâem kuru idyly awyly wâgâ myani eagâmo aguely.

Atos 4:20

Jesus aidyly xina nedâ. Nhenomedâdo xina nidadâ warâ. Awylygue ise iwâgâ adâkely xina nimopa awyly — kelymo.

Hebreus 2:3

Tutuze kurâ, saguhobyry tâzezewenry tâinwânseinhe awyly. Tâinwânsezeim kuru olâ Jesus xunârybyry. Mârâ saguhobyry tâzezewenry einwântânrybyry modo âzenagazeowânmy. Iwerâ Jesus einwântânry modo xurâem lakuru ise ton-honre kuru awyly xypyry etay. Kywymâry Jesus waunroem adâkezelâ tâdâsemaguely wâgâ. Idanipyry modo kyam âkealâ kuru awyly nutuen-homo lâpylâ.

1 João 4:14

Xina Jesus agonropyry modo tutuze xina, einwânni modo emakeze Kunwym Deus tymery ingonodyly awyly. Xina emâ, iwâgâ egatuly xina nimoba-ro warâ.

1 João 5:7

Azagâ tokalâ warâ Jesus Deus imeryem awyly wâgâ agueim.

Apocalipse 1:11

— Idânârâ mâenkyly modo iwenigâ pape wâgâ. Igonokâ sete xidadâ anaxi Jesus einwânni modoram, Éfeso, Esmirna, Pérgamo Tiatira, Sardes, Filadélfia, Laodicéia warâam — kely keankâ yam.

Apocalipse 1:8

— Idânârâ adaguho, âdypygueândo warâ urâ. Letra A adaguho, letra Z pylâ xypyry ilâ emyenro urâ — kely Deus Ton-honreim. Tâlâlâ myakâwândy Deus; tâlâ iwerâ; aunlolâ ise tâlâ awyly warâ.

Apocalipse 19:13

Munrugue tapigunre keankâ mâkâ ety BOH waunlo tâwâgueim. “Deus Xutuen-hoim” mâkâ ezedy.

Apocalipse 2:8

Aituo keankâ Jesus agueondyly: — Xirâ iwenigâ Esmirnadâ ynynonro modoram unâry egaturin-am. “Idânârâ adaguho urâ. Idânârâ adaimpygueduo, ipa witaymba ise urâ. Yiguewâm wâne, kurâem witonmâ olâ. Ytaumbyry xirâ âmaemo Esmirna donro modoram: