1 Coríntios 9:14 - Deus Itaumbyry

¹⁴ Arâ lâpylâ myakâwâm Kywymâry Jesus aguely: “Unâ koendonro tâdâsemagueho egatuwâni modo ipa ato xuduim aguely idataynrim modolâ” kewânmy.

1 Coríntios 9:14 ပူးပေါင်းရင်းမြစ်များ

Mateus 10:10

Owosarymo kadataundâ. Âgamizarymo, âhurumo etary warâ mâungukehomo kadataundâ. Amatagorumo ânwa oze mâzesebydâdomoem kadataundâ lâpylâ warâ. Tâwaneim mawânkâ âdy ize tato tâmakeze lelâ tâzetoem. Awylygue idânârâ ize matomo ara âdydo imeom âduduoze lelâ.

Lucas 10:7

Mârâ âtâ saguhoem kuru mâzekaunâohomobyry odaylâ itaungâ. Nhegameybymo einwâtaungâ, enywâdaungâ alelâ. Âdylâ nhuduypymo einze tywypazeba itaungâ, Deus xunâry mâengatulymoguelâ, mawânrâ âpynirymo mâempywadylymo. Âtâ modo odaji tâtuguguezezeba itaungâ, âji iwâkuru koendonro waunlo xuize.

Lucas 10:8

— Âdaunlo âjiram aindylymo, tonlo modo koendâ idaenkulymo warâ watay, târâlâ itaungâ, nhuduypymo einwâtaungâ lelâ.

Atos 18:3

Tâjitubygue âtâ xygani myani mâkâ, Paulo emyenro lâpylâ. Târâ tatay, Áquila etydâlâ myani Paulo âxidâdyly, eagâ tâsewanihoem.

1 Coríntios 4:15

Agui lelâlâ wâne Cristo Jesus wâgâ inomedâzemo idâypy awyarâ Corintoam; urâ olâ unwânmo emyenro kuru, urâma ani Jesus kieinwântuo lelâ kydâsemaguely awyly egatuim waunroem kuru. Tâjiunwym tymery xuruni arâ lâpylâ auguely, mâindatuomo, meinwândâmo, Kunwym Deus xurâem mitomoem.

1 Coríntios 9:11

Deus itaumbyry âyanmo xina negatu, mutumo-ro warâ. Arâ awylygue: “Xina ipyniry, xina eoku, âdylâ warâ âunduwâtaungâ” tâkeze tâise xina âyanmo. Arâ aguenriem lelâlâ wâne ani xina, âduaymo tawyly ume, âdaunloenlâ pyni, âtâ, awârâ xina nekabyra olâ ani.

1 Coríntios 9:12

Jesus xunâry âyanmo egatuze idâwâtyby modo ipynirymo, eokumo warâ tuduze ani âmaemo. Koendâlâ ani amidylymo. Iozelâ tâise xina tâzeto nhekadyly âyanmo. Xinama ani waunroem kuru Jesus wâgâ âyanmo egatuim; xina arâ aguepa olâ ise. Xina nhekadyly-ro watay, “Paulo xunâry kindataymba kine, dinheru tienmakehoem kulâ awâkâ aguely” tâkeze keanra tâise âmaemo. Awylygue, âdy xina âyanmo nekabyra awyly, unâ koendonro xina nhegatuly nekuâdâbyra itoem.

1 Coríntios 9:16

Tâwâlâ kadawihoem inkâba unâ tâdâsemagueho kâengatuly. Kâengatuba wito keba xirâ-ro warâ. Kywymâry Jesus “Egatugâ” kehobyry awylygue. Kaikâlâ ise urâ, kâengatuba wituo!

1 Coríntios 9:4

Kywymâry Jesus xurâem tâwaneim wawylygue, pyni, tânywâduneim modo warâ kâenkadyly, âduaymo iewanopyry ebyryem watay, iozelâ tâise arâ awidyly. Arâ awipyra olâ urâ.

2 Coríntios 2:12

Troaderam udâly ani, tonlo modoram unâ koendonro Jesus Cristo wâgâ egatuze. Târâ wawyly ume, mâkâ wâgâ auguehoem adyenehonze ani Deus, pyanta nhenahunguely iegawântoem waunlo ara kehoem. Toenzepa tonlo modo Jesus tâinwânsemo ani.

Gálatas 6:6

Jesus einwândyly wâgâ âsenomedâni modo âdydo imeom koendonro tâlâ tato modo ewy nudumo tonomedâni modoram.

1 Tessalonicenses 1:5

Deuslâ âduakenrimo awyly, xina aguehobyry mâindatomoem aieni awyly warâ, tutuze xina. Unâ iwâkuru tâdâsemagueho Jesus wâgâ aguenri xina negatu. Jesus wâgâ xina aguely kulâ waypa ani. Deus Ispiritury eon-honru xina nenehom lâpylâ. Âkeá lelâlâ ani xina nhegatuly, iozeno awylygue. Agâmo tatay, xina aitobyry tutuzelâ âmaemo. Koendâ mitomoenlâ ani xina arâ aidyly, aguely warâ.