1 Coríntios 13:12 - Deus Itaumbyry

¹² Ispelhu tywykeim oday, koendâ kydâzetaymba kurâ; tâzese wâne kurâ, koendâ kuruba olâ, koendâpa awylygue, myara lâpylâ, Deus wâgâ koendâ kehoem kuru kiuntuba kydawyly iwerâ. Deus agâ kydoxioduo olâ, koendâ kehoem ese, xutuze warâ kurâ. Iwerâ âdiempa kulâ kiuntuly. Ilâ ume olâ mâkâ koendâ xutuze kurâ, iwerâ kutuho ara.

1 Coríntios 13:12 ပူးပေါင်းရင်းမြစ်များ

Mateus 18:10

Jesus aguely: — Imâemba yeinwânni izepa tâiseba itaungâ. Deus anju domodo tugonose akaemo eniem.

Mateus 5:8

— Tuomareim kuru mâkâ Deus izepa ato aniempyra tâitoem Deus xurâ modo wâgâ lelâ âtynanâni, Deus eydâ atoram idâze mawânkâ.

Romanos 8:18

Inakanhe lelâlâ wâne, tarâ onro anaym kydâsenagazedyly, sakani kulâ olâ awârâ. Târâ Deus eydâ kydawyly ume, kurâem aini olâ ise sakani keba, typygueim keba warâ. Kydâsenagazedaymba ise kurâ târâ.

1 Coríntios 13:11

Iamudoem wawyly ume, iamudo agueho aralâ kâinane auguely; iamudo tyangahu oday xunâgo aralâ kâinane unâgu yangahu oday; iamudo ize atolâ kâinane ize wato warâ. Xutuybyem olâ urâ iwerâ; iamudoemba itybyem. Iamudo ara inkâba awidyly iwerâ.

1 Coríntios 8:3

Mâkâ Deus iwyneni Deus ize ato adyese; tinduakeyby awyly tutuze Deus warâ.

2 Coríntios 3:18

Kurâ Jesus einwânni modoem olâ âdy kâkuâdâni peba mâkâ wâgâ kiuntuhoem. Kopaelâgâembaba kydâdugukeoly, mâkâ ara kisezedoem. Deus Ispiritury kagonro awylygue, Kywymâry Jesus ehogu, eon-honru warâ tânehonze kurâ, ispelhu kâgadopyry nhenehon-ho ara.

2 Coríntios 5:7

Tarâ xirâ onro anaym tawyly ara, xina Jesus netaymba, tâinwânse olâ xina.

Filipenses 3:12

“Deus yize ato ara lelâ urâ iwerâ” uguely mâkeba; “Jesus aitobyry ara lelâ aini urâ” uguely keba warâ. Awidyly olâ ize wato. Tâgaseim tadaintoam taintoem âzeon-hondâdyly nepagubyra tâitoem myara lâpylâ kozohondâdyly aunloenlâ kâinwânsezedoem, eydâ atoam udâly ara. Awârâ myakâwâm Cristo Jesus ize ato, turâem ygâseduo.

Tiago 1:23

Takaday espelhu oday tahule kulâ âzeni ara awâkâ kurâ Deus aguely indadyly kulelâ, agueho ara anipyra waunlo.

1 João 3:2

Iweâma tuomare kurâ, Deus imeryem kydawylygue. Kuomaru kuru olâ ise, eydâ atoram kytâduo. Kiuntuba olâ kurâ, mârâ ume âdara kidyly awyly. Cristo âetonduo olâ xutuze kurâ, eara kitoem aiese mâkâ-ro warâ.

Apocalipse 22:4

Eagâlâ ise kurâ; emydy ese kurâ warâ. Kywendy wâgâ iwenibyem ise mâkâ ezedy, eynynonroem kydawyly xutuhoem.