1 Coríntios 11:5 - Deus Itaumbyry

^5-6 Pekodo modo olâ tâdâtâdyguyhodâ angawentâdybyem lelâ nidâ. Deus agâ adâkeday, Deus itaumbyry tiengatuday warâ, tusolâ tywymâry awyly tânehonzemo mawânkâ arâ watay. Pekodo ohogüimby tâjiduaxi idâly, tyangawengue watay, tâdutuoze isolâ mâkâ xutuim awyly. Pekodo isoram lelâba âdynanâoim mawânkâ angawentâdânry. Awylygue tâdâtâdyguyhodâ pekodo modo tyangawengue lelâ awyly. Tyangawenguepa watay, tuso tywypazenehonze, tâwâlâ tâpybazeze warâ. Anipyra-ro watay, nhangaxilugueybyem, uguondo ara nhangahudu satâybyem waunlo aralâ mâkâ âzeholy.

1 Coríntios 11:5 ပူးပေါင်းရင်းမြစ်များ

Lucas 2:36

Ilâpyryem myakâwâm aripi Ana saindyly, Deus itaumbyry agueim, Maria, José warâ iamudo agâ, Deus ety oday atomoram. Fanuel exiry myakâwâm mâkâ, judeu domodo ewy myakâwâm Aser iweompyry. Âwynsaundoem tatay myakâwâm ohogüinly. Sete anu ohogüimbyem awyly ume olâ myakâwâm iso iguely.

Atos 2:17

Warâ myakâwândy Deus aguely: “Xypyry iray ise xirâ agânhedyly. Mârâ ume, Yispiritury idânârâ kurâdoram igonose urâ, âuturimoem. Judeu domodoram, judeu keba modoram alelâ ise kâingonodyly. Âweompyrymo unâry egatuze, uguondo modo, pekodo modo alelâ. Salokuzenomo modo, âwynsaundo modo warâ Yispiritury anhekyly nhetomoem aienehonze urâ. Agaityom modoram, aripidoram warâ ywâgâ auguely ise nhâenkymoem.

Atos 21:9

Quatro lelâ ani exiry âwynsaundo modo. Unâ Jesus wâgâ tâgatuze lâpylâ ani akaemo.

1 Coríntios 11:4

Âmaemo uguondo modo izewenrymolâ Deus agâ amyguedaymo, itaumbyry mâengatudaymo warâ, angawentâdybyemba mawylymo. Awylygue, izewenrymo aralâ aitaungâ. Tâdâtâdyguyhodâ uguondo angawentâdyly-ro watay, Cristo âwankuem nhedyly kulâ.

1 Coríntios 14:34

Âmaemo Jesus eynynonro modo mâtâdyguyduomo, pekodo modo tunâgueba nidâmo, kâzewenry ara idânârâ tâdâtâdyguyho modo oday. Iso akaemo xutuim, kâzewenry aralâ. Aituo pekodo modo âjigue tunâgueba nidâmo, Deus itaumbyry egatuly nekuâdâbyra itomoem.