1 Coríntios 1:13 - Deus Itaumbyry

¹³ Idânârâ tâinwânni modo emakeim Cristo. Mâseinwâmbyra mawylymogue, Cristolâ mâempajiwâguylymo-ro waunlo ara. Koendonro keba awârâ-ro warâ! Urâ kebama akâwâm imakezemo kruz wâgâ igueim, Cristolâ! “Paulo kâinwânkyly” myguelymo kebama ani, batiza mitaymo. “Jesus Cristo tâinwânse urâ” myguelymo. Awylygue, âjigue mâseinwâmbyra mawylymo imowâdaungâ.

1 Coríntios 1:13 ပူးပေါင်းရင်းမြစ်များ

Mateus 28:19

Awylygue idâwâtaungâ awârâem kurâdope ato ara enomedâzemo, yeinwântomoem. Yeinwâmpygueduomo, batiza ietaungâmo, ynynonroem, Pabai Deus eynynonroem, Deus Ispiritury eynynonroem warâ awylymo xutuhomoem.

Mateus 3:6

João aguely tindatuomo myani toenzepa kurâ domodo aguely eyam: — Deus izepa ato aieni xina. Adâidyly tumoze olâ xina-ro warâ — kelymo. Arâ agueduomo myani paru Jordão ikay Joãoram batiza âieholymo, Deus izepa ato adientomobyry wâgâ tâjityenze tawylymo tienehon-homoem, inakai modo adiendyly imoimbyryem tawylymo tienehon-homoem warâ.

Atos 10:48

Aituo myani judeu keba modoram aguely: — Batiza âiehowâdaungâ, Jesus Cristo tâinwânse mawylymo mâenehon-homoem — kely. Batiza tâiehobygueduo, Pedroram aguelymo myani: — Tarâ xina agâlâ waone ikâ — kelymo. Târâ eagâmolâ wao myani Pedro, iweâpa nipyra olâ myani târâ.

Atos 19:5

Paulo aguely tindapygueduo, batiza âieholymo myani Pymâ Jesus tâinwânse tawylymo tienehon-homoem.

Atos 2:38

Aituo Pedro in-hoguly: — Âjityendaungâ inakanhe kulâ amitomobyry wâgâ. Deus izepa ato aiedyly imowâdaungâ. Jesus einwântaungâ warâ, Deus inakanhe amitomobyry nhygakehoem. Batiza âiehowâdaungâ, Jesus eynynonroem mawylymo mâenehon-homoem. Tyispiritury igonose mâkâ, aunloenlâ agâmo itoem — kely myani.

Romanos 14:9

Jesus Cristo tâigueze, kurâem tâitonze olâ akâwâm, kuturin-em itoem. Iguewâtyby modo, iguedânry modo alelâ iwymâry mâkâ.

1 Coríntios 1:15

Agui batiza kânhedyly-ro watay, “Paulo eynynonro urâ, batiza yetobyry wâgâ” tâkezemo mawânkâ keanra tâise.

1 Coríntios 10:2

Mârâ eunu iay idâlymogue, parutabâ Tapabileim ontagâ âzekuâduomo warâ, Moisés eynynonro awylymo tâzehoze myakâwândy, (Jesus Cristo eynynonro kydawyly kienehon-hoem, batiza kydâiehoho ara.)

2 Coríntios 11:4

Jesus Cristo wâgâ âyanmo tâgatuzelâ ani xina. Xina aguehobyry meinwândâmo, Jesus meinwândâmo, Deus Ispiritury âyanmo nâedâ-ro warâ. Iwerâ olâ iozepa kulâ Jesus wâgâ aguewâni modo aguely mâindakylymo. Tuomare kehoem âmaemo, unâ iozepaom kulâ idase, Satanás eynynonro modo âurudylymo idase. Deus Ispirituryamba mâduruholymo. Toenzepa awârâ iekuâdâdyly.

Gálatas 1:7

“Eagonro tâdâsemagueho” uguely, âdy eagonro tâdâsemagueho lâpeba olâ. Jesus kieinwântuo lelâ kydâsemaguely. Tâlâ olâ xirâ unâ tâdâsemagueho xugukeze kewâni modo. Toenzepa konokuni modo akaladâdylymo.

Efésios 4:5

Tokalelâ Kywymâry. Tokalelâ unâ kieinwânkyly, Deus itaumbyry lelâ. Tokalâ wâgâ lelâ batiza kydâieholy, Jesus einwânnipyryem kydawyly kienehon-hoem lelâ.

Tito 2:14

Tâwâlâ ize tawylyguelâ myakâwâm Jesus âtuly tyiguehoem, inakai amaymba kâmakehoem, inakanhe aguitobyry xygakeze, xurâem kitoem. Koendonro, ize ato lelâ warâ aguiendyse kitoem myakâwâm iguely.