Zôo 10:21 - Yálá laawoo hɛɓɛ

²¹ Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Yálá laawoo hɛɓɛ (dc)

²¹ Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Bible

²¹ ŋá lɛ́ɛ pâi liî ǹɔii su kpiniɛɛ maa pɔlɔ-pɔlɔɔi tí su ḿva ŋɔ́nɔ pà pôlu.

Zôo 10:21 ပူးပေါင်းရင်းမြစ်များ

Samia Veerɛi 12:23

Kɛlaa yiihui ŋɛ̨i kɛa nokolo aa haa, ŋą́ hin nɔ kɛa lə ɓa? Gáá mɔ pai pənəi ŋą́ gɛ a vulú? Hvo kɛa pai pənəi hvo pa bɔ́, ɲą́ą́ mun mə pai li bɔ pələ.»

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Zôo 10:22

Ɓɛi nąą yələwala kaa a ɉu kpinɛ̨ɛ̨, ɓɛi haa a nąą kpinį a yələ kəlee. Nąą yələ ɓɔɔ ə ɓo a kpinį hu tɛɠiɛ.

Zôo 16:22

Mąąhɔlɔɓo, nwɔ́ kɛ yɛnɛ̨ɛ̨ gwɛlan və tamą li, bələi vílɛn ŋąą mɛ̨i, və́ pai búlu pənəi.

Zôo 17:13

Lə ɓə kɛa ŋą́ gílitɔɔ mą, nwɔ́ pɛ́lɛ́i kaa kɛa ŋąmoątaa. Ŋą́ą́ náái kulɔ kpinį hu.

Zôo 3:13

Kɛlɛɛi, yɛ mą gáá kɛa laani, nwə́li pulu laɠiɛ gáma hu. Ŋą́ kɛ kɛ yii, gɛ́ ɲą́ą́nɛ̨ɛ̨n gulɔ nwɔ́ hvįįtɔɔ hu.

Zôo 3:5

Tɛɛhilɛ kpinį ə volói ti mɛ̨i kpulu, Tulɔ kpiliɠilin ə volói ti ɲɛ̨i paa. Volói ti hu ə tɛɠi yɛ ɲąąlee a ɲąnin ɉon.

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Zôo 38:17

Daa ta haa yəi bɛlɛ́ laaləi lɛ yɛ́? Yáá ta haa nwɔ kpinįi yəi bɛlɛ́ laaləi kaa?

Mąątɛ̨nɛ̨ 23:4

Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Mąątɛ̨nɛ̨ 39:13

Yai-Laa! Ə́ wəli tɔɔ nwɔ́lɔ woo da dómą woo ɓa, Ə́ wəli mąąlaa ə́ nwóó mɛ̨n, ɲɛ̨́iyá kələ, hvó ə́ wəli laa kpulu! Mąąhɔlɔɓo, gáá ə́ yəi yɛ nwɛ̨ą, yɛ tɛɛmun lɔ yɛ bələi ną́nni di kɛ la.

Mąątɛ̨nɛ̨ 49:20

Gaa pai lii nąnni pɔɔli, di hvo kɛa pai kɛɛ pɔ̨nɔ̨ kaai.

Mąątɛ̨nɛ̨ 88:13

Ə́ wɔ kpalu mɛ̨nį a pɛli mɔ̨ɔ̨ kɔ́lɔn ɉi kpinį hu? Ə́ wɔ tələnmolaa a pɛli mɔ̨ɔ̨ kɔ́lɔn ɉi lɛ̨ąmąą taa?

Mąątɛ̨nɛ̨ 88:6

Kwa haa nuą ku tɔɔi kaa tanɔ̨n, nuąi daa haa, di ɓo laanin kámą hu, kwa diɛni ɓə, a diɛi tii, di kili hvo mą kɛa ə́ ɲái, hvó gaai, di mąą aa kwɛa Yɛ́.

Ikilisiati 11:8

Gwɛlanŋąąi Yálá aa dɛɛ nu lonnii pɔ, mąąnɛ̨ɛ̨ dɛitɛi kəlee həli pələ, di di kwəinɛ̨ɛ̨; ə mą kɛ, daa kwɛlan damąą kɛ. Kɛlaa, mąąnɛ̨ɛ̨ di di kili lɛɛ ɉu, diɛ kɛ: kpinį nwɔ hvóló tamąąi kɛɛ pɔ̨nɔ̨ɔ̨ ɓa. Mąąhɔlɔɓo, tínąą hva nu kilaa pɔ̨nɔ̨.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Azaya 38:11

Ŋą́ kɛi kɛ diɛ: Və́ kɛa pai Yai-Laa kaai, nu hvulúmąąɠaa di wɔ lɔi hu. Və́ kɛa pai ɲɛ̨́i kwəleen veelɛi tɔɔi yɛnɛ̨ɛ̨ nu kan mą, ɓɛi hɛn gəlee daa tɔɔ lɔ laa tin.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»