Zɛnɛse 41:52 - Yálá laawoo hɛɓɛ

⁵² Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Yálá laawoo hɛɓɛ (dc)

⁵² Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Bible

⁵² È ǹóŋ veerɛi láa sèe a Ifiraŋ, ǹyɛɛi, “Kpɛ́ni fêi, Ɣâla a ŋ́gɛ ŋa ƃûu ƃó ŋámɛni-soli-kaa lɔii su.”

Zɛnɛse 41:52 ပူးပေါင်းရင်းမြစ်များ

Zɛnɛse 17:6

Gáá pai ə́ huwuhu ɓɛlɛi kpɔ kɛnɛ̨, hį́i tamąą kaa pai hɔlɔɓoi ə́ huwuhu tɔɔɓɛlaa diɛ kulɔ ɉu.

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Zɛnɛse 41:51

Ɉosɛfə ə dɔlɔɔ laa hee a: «Manase.» Ɉosɛfə ə mo gwəi pələ yɛ mą: «Mɔ̨nɔ̨ɠaai ŋą́ą́ mį́i, ɛlɛɛ, həɠəi ŋą́ą́ mo nwɔ́ nuą pɔ, Yálá aa yili nąą kili kpɛɛ ŋą́.»

Zɛnɛse 41:53

Ɉihɛn nɛlɛ kwɛlan mɛ̨ihveelɛi ə kpɛɛ.

Zɛnɛse 48:1

Mɛ̨nįɠaai tii kəlee tɛɛ pulu, diɛ Ɉosɛfə ɓa: «Ə́ nąn gaa ɲɔ̨n gɛi.» Ɉosɛfə ə nɛɛ mą, ə nonnii hveelɛi həɠə, Manase da Ɛfraimə da diɛni di li.

Zɛnɛse 48:14

Kɛlaa, Israɛlə ə ɲee kpəɲąn gee pulu, ə mamįiyee laa Ɛfraimə nwuɔ̨, yai kɛ a nokolo laamun, ə gɛɓɛ yee laa Manase nwuɔ̨, yai kɛ a nu pɔlɔ laamun.

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Zɛnɛse 49:22

Ɉosɛfə kaa yɛ hihɛn nɛlɛɛ mąąpoo; yai tɔɔni ya ton ma. Gbaɠaɠaa diɛ lan ɉįi kpoloon mɛ̨i.

Zɛnɛse 50:23

Ɉosɛfə ə lɛɛ heeni ə non Ɛfraimə lonnii di wɔɔ lonnii hon, ə lɛɛ la ɉu, ə həli la mąnįn mɛlaa heei ɉaaɓa nąą ɓa. Ə mą kɛ non Manase, ə yili nwɔ lon Makirə nwɔ mąnįn bulu mąnįn ɉon.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Lonon mo 26:28

Manase da Ɛfraimə ɓə a Ɉosɛfə huwu.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Zasua 14:4

Ɉosɛfə lonnii di kɛ a nu huwu hveelɛ, Manase da Ɛfraimə; ə lɛɛ, di hvo hɛn da tɛɛ Levi huwuhu nuą pɔ nɔi hu, ə kulɔ lɔ di hee taɠaa pulu, da daaɠaai tii kwɛlɛ yɛɛ kɔwɔɠaa, di wɔ taatɛlɛɛɠaa da di yəi hɛnŋąą mąą mɛ̨nį ɓa.

Zasua 16:4

Ɉosɛfə lonnii, Ɛfraimə da Manase di wɔ lɔi ka tii.

Zasua 17:1

Manase lonnii di wɔ lɔi ka: Ɉosɛfə lon dɔlɔɔ li kɛ. Manase lon dɔlɔɔ ɓaa kɛ a Makirə, Galaadə nąn, ə Galaadə lɔi hɔlɔɓo, da Basan, mąąhɔlɔɓo, ə kɛ a kɔ́kuláá.

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.