Zɛnɛse 13:16 - Yálá laawoo hɛɓɛ

¹⁶ Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Yálá laawoo hɛɓɛ (dc)

¹⁶ Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Bible

¹⁶ Ŋa pâi ísuui tâmai yɛ̂ɛ ŋãyai gáa ǹɔii mai a gɛɛ à kɛ̀ núu à pɔ̂ri ŋãyai lônoi ǹɔii ma, gɛ̀ ní da pâi ísuui lônoi.

Zɛnɛse 13:16 ပူးပေါင်းရင်းမြစ်များ

Lonon mo 23:10

Gbɛɛ ɓə a pɛli Ɉakɔbə nwɔ muluun gbalai nonon ɉii? Da Israɛlə nwɔ nu kpului tii líi lɔ daną danąi? Yálá ə gɛ ŋį́ haa a dələnmo nuąi ŋɛ̨i haa pələ. Nwɔ́ yɛnɛ̨ɛ̨ laa kulɔi ə kɛ yɛ di wɛi.»

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Zɛnɛse 32:12

Nɛ̨ɛ̨i Yɛ́, nwún mąąɓo níɛ Esau yəi, mąąhɔlɔɓo, gáá ɲɔwi mą, hvo pa ku paa, ɲą́ą́, nɛ̨́ą da nɛapɛlɛɛ.

Tɔɔɓɛlaa dɔlɔɔ 3:8

Ə́ wɔ luwɔi ka ə́ wɔɔ nu kpulu kɛnɛ̨i nwun na, diɛi wɔlɔ ə́ di həɠə ɉu, diɛi di kpulu hu kɛnɛ̨, nu hva pɛli di lonoi.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Kɔlɔnikɔ Maa-ŋuŋ 27:23

Nuąi di kaa kwɛlan ə kɛ pow hveelɛ, da yiiɠaai kɛ di wɛi toɔ mu, Davidə hvó yiliɠaa lonon. Mąąhɔlɔɓo, Yai-Laa aa ta kɛ diɛi: Gaa pai Israɛlə nu huwu tamąi yɛ yələi pɛmɛ̨lɛ̨n-gɔwɠaa.

Kɔlɔnikɔ Maa-ŋuŋ 21:5

Ɉoabə ə pa ə nu kwɛni hvaaɓo Davidə ɓa. Israɛlə pɛlɛɛ gee ɓa, di kɛ a nu million dɔ̨nɔ̨ nu waa nwundɔ̨nɔ̨, diɛ pɛli ɓɔ́wa yalai daai, ɛlɛɛ, Ɉuda nu waa nwun nąąn, nu waa pow mɛ̨ihveelɛ, diɛi da pɛli ɓɔ́wa yalai daai.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Nwun mąąɓo 6:3

Ɓɛlɔwai Israɛlə nuą da di wɔ tíiɠaai hin na, Madian nuą da Amalɛkə nuą, da nuąi ɲɛ̨i kɛi həɠə voló kulɔi pələ, diɛ pa toonwunma ɓa, di kɛi too Israɛlə nuą mɛ̨i,

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Lɛɛ gbɔwɔ ɓa 1:7

Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá nɔi ŋɛ̨i kəlee tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Zɛnɛse 21:13

Yii ɓaa ə́ wɔ luwɔ nɛ̨ɛ̨nui tii lon nwɛi, ɉuwuhu kaa pai ɓɛlɛi, mąąhɔlɔɓo, ə́ lon ni.»

Zɛnɛse 18:18

Abrahamə kaa pai kɛi a nu kpulu huwalawalaa tamąą di nąn, Abrahamə pɔ pələ ɓə gáá pai lúwɔ́ tooi la lɔi mɛ̨i hį́iɠaa kəlee diɛ.

Zɛnɛse 17:20

Yii hvilɛn na Ismaɛlə ɓa, yii ŋɛ̨i ə́ vɛli mą́ą́ mąą mɛ̨nį hu, ŋą́ą́ mɛ̨n. Gáá pai lúwɔ́ tooi mą, ŋį́ ɉuwuhu ɓɛlɛ kpɔ kɛnɛ̨. Tɔɔɓɛlaa pow kɔ́w hveelɛ kaa pai kulɔ Ismaɛlə huwuhu, yaa kpɛli, gaa pai kɛi a nu kpulu tamąą di nąn.

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Zɛnɛse 17:6

Gáá pai ə́ huwuhu ɓɛlɛi kpɔ kɛnɛ̨, hį́i tamąą kaa pai hɔlɔɓoi ə́ huwuhu tɔɔɓɛlaa diɛ kulɔ ɉu.

Hebreu 11:12

Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.

Zɛnɛse 16:10

Yai-Laa kaa pai ə́ huwuhu tamai. Nu hva pɛli nonoi.

Zɛnɛse 17:2

Gáá nwoo kwɛlɛi yɛ́, gáá ə́ huwuhu ɓɛlɛi.»

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Kɔlɔnikɔ Veerɛi 1:9

Yii hui ŋɛ̨i Yai-Laa, mɛ̨nįi ta ə́ mo ną́n Davidə ɓa, bɔ mɛ̨nį kɛ kɛa. Hvó gaai, Yɛ́ ɓə yáá ɉéé a tɔɔmun nɔi kɛnɛ̨i ŋɛ̨i mɛ̨i, ɉu nuą tamąą yɛ muluun.

Zɛnɛse 32:13

Ną́n nwɔ Yálá! Kɛlɛ́i Yɛ́ ɓə kɛ mą́ą́: ‹Gáá pai ɲɛ̨́i lɛlɛɛ heei yɛ́; ŋį́ ə́ huwu tamą yɛ gboloyá kwɛlɛ ɲɛ̨ąkɔw, yai nu hva pɛli nonon ɉii.›»

Zôo 5:25

Ə kaa pai ə́ huwu kaai ɉu yɛ kɛnɛ̨, ɛlɛɛ, ə́ mąą yɛ poo yɛ kala ɓɔn a pɛlɛ lɔi ɓa.