Zakari 9:6 - Yálá laawoo hɛɓɛ

⁶ Wɛlin-nonnįį ɓə pai kɛi heeni Asdɔdə, gáá pai Filisti nuą di wɔ kpɔwɔ ɲąą kɛnɛ̨i mąą yɛɛi.

Yálá laawoo hɛɓɛ (dc)

⁶ Wɛlin-nonnįį ɓə pai kɛi heeni Asdɔdə, gáá pai Filisti nuą di wɔ kpɔwɔ ɲąą kɛnɛ̨i mąą yɛɛi.

Bible

⁶ Yâwɛɛ è mò ǹyɛɛi, “Sîi támaa da pâi seêi Asɔdɔ. Ǹyaŋ ŋa pâi Felesia-ŋai díyoŋka-teei kperâi.

Zakari 9:6 ပူးပေါင်းရင်းမြစ်များ

Ikilisiati 6:2

ya ɓaa: Nu ta ka tii Yálá aa hvaa mą, aa hɛn gɔw da yeelahvólóon dɛɛ bɔ, ɛlɛɛ, mąąwia. Nui tii, hɛn kpɔ gaa bɔ, aa gəlee hɔlɔɓo, Kɛlaa, Yálá hva nɛɛ laa hvo nwɔ hɛnŋąą tii ɲąąnɛ̨ɛ̨ kulɔ; nu takpɛli ɓə a ɲąąnɛ̨ɛ̨ kulɔ. Yili kaa a kpɛli-kpɛli mɛ̨nį da mɔ̨nɔ̨ ɲąąnwąnąą mįiɛ.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 28:1

Kpalo ɓɛlaai Ɛfraimə lɔɔ honŋąą di wɔ kpɔwɔ ŋąąkɛnɛ̨ ɓɔlɔi ɓa, nwulu powaɠaai daa yohva, diɛi kɛ a Ɛfraimə mąąyili hɛn ɲɛ̨i tɔɔɠaa, diɛi ɲa ɓoloon nɛlɛɛ hui, kaai lɔɔ yee aa tɛɛ kaai.

Ɉeremi 47:1

Yai-Laa wooi həli Yálá kwəi mɛ̨nį hukulɔ mun Ɉeremi ɓa, yɛ hvilɛn na Filisti nuą diɛ, nąąlɔwai, Eziptə tɔɔmun hvo ni kɛ Gaza lɔi hon ni a kɔ́.

Amɔsə 1:8

Gáá pai Asdɔdə nuą kəlee nwun na pilii, da Askelɔn tɔɔmun. Ŋą́ hiɛ Ɛkrɔn nuą mɛ̨i. Yai-Laa yɛ diɛ: Filisti nuą gbəli woloi a lɛɛ, di nwun na a pili.

Sofoni 2:10

Mɛ̨nįi di kaa pai ɉɔlɔɓoi, a di wɔ humɛ̨ni kɛnɛ̨ hvɛla, yaa li. Hvó gaai, di Yai-Laa, Mɛ̨nį Kəlee ŋą Hééɓomun nwɔ nu huwui lalan, ɛlɛɛ, diɛ kɛnɛ̨ ɉu.

Sofoni 2:4

Gaza kaa pai lɛɛi a lɔi pun, Askelɔn hu kaa pai kalai, Asdɔdə nuą kaa həɠəi di heei a hvóló ŋą ɉə-ɉə, ɛlɛɛ, diɛ pa Ɛkrɔn nuą pɔ taai.

Zakari 9:5

Askelɔn a pa nąą kaai, ɉu kaa pai pui mą a ɲɔw, Gaza hu yɛ kɛ ə yali a mɔ̨nɔ̨, ɛlɛɛ Ɛkrɔn tɔɔ bulu hvo kɛa pai kɛi mą. Tɔɔmun va kɛa kɛ Gaza, nu hva kɛa kɛ Askelɔn.

Zakari 9:7

Ɲąmąi tii na, gáá pai gulɔi na, ɛlɛɛ, kɔ̨nɔ̨n tɔ́n gaa mą, gɛ́ gulɔ ɲin nɔwai; Yaa kpɛlimąn, a kɛ yɛ nuąi daa kulɔ mɛ̨nįi, nąąlɔwai, a ɉeei hɔlɔɓo Ɉuda nu huwuɠaa lɔwai, ə lɛɛ a ku wɔ Yálái nwɔɔ, ɛlɛɛ, Ɛkrɔn kaa pai kɛi yɛ Ɉebusə nuą.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»