Woolaa 1:2 - Yálá laawoo hɛɓɛ

² A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Yálá laawoo hɛɓɛ (dc)

² A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Bible

² A gbêɣei toôi kpɔ́ a ŋánaa a kpíni kélee ŋ̀ɛ́i-ya kɛ́ yèŋ a ǹɛ̂ɣɛŋ. Ŋɔwɛli kɛ́-maa-ƃelai dɔnɔ kpîŋ fé naa é ŋ̀aa nɛnɛ. Díkelee da gíri, da kɛ́ a gbɔara-ƃela.

Woolaa 1:2 ပူးပေါင်းရင်းမြစ်များ

Zôo 6:15

Gááyɔwɔa daa mówo, yɛ ya yii da kɛ mą: Pawɛɛ, yɛ ya yii hvóló a lɛɛ lɔ dooi, aa ma kpala.

Zôo 7:3

bələ kpɔlɔ ɓə ɲąnįnŋaa tɛɛ la mɛ̨́i, kɛlaa tɔlɔ hvo ɉu. Nwɔ́ kpinįɠaai diɛ tɛɛ lɔ ti mɔ̨nɔ̨ hu.

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Mąątɛ̨nɛ̨ 31:11

Nwɔ́ yɛnɛ̨ɛ̨ ɲąą kaa kpɛɛi liikələn gwəi hu, nwɔ́ kwɛlanŋaai diɛ kpɛɛ ɲįn-ɲąmįi hu; gɛ́ nɛ̨ŋɛ̨n mąą mɛ̨nį ɓa, hvaŋą aa kpɛɛ ɲə́i. Yɛ gɔ́wɠaa mįi ɉú pələ.

Mąątɛ̨nɛ̨ 6:6

Hvo gaai, haamun va kɛa pɛli giliŋąhiɛi yɛ vilɛn yɛ́, gbɛɛ ɓə pai ə́ laa mąąwiɛi ɲąmuątaa?

Mąątɛ̨nɛ̨ 69:21

Lalan aa níí yali gwə́, yili kaa mą́ą́ a ɲɔ̨n gbɔ kpɔɔ, ɲɛ̨́i ə kɛ níí laamun dɔwɔ, ya ka və́ gaa li, ə mą kɛ gbɛlaɓonuą, və́ da hɔlɔɓo li.

Hanwon 19:7

Yeehowolomun gaayɔɠoa da nwɛli kpɛɛ diɛ. Gu hvo mun, kɛ mɛlaa yiiɠaai da di mąą kwɛa mą. Ɓɛlɔwai a kɛ pɔ ə mɛ̨nį too la diɛ, di hva kɛa kɛ laa.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Woolaa 1:19

Ŋą́ nwɔ́ wɛliɠaa təli, diɛ kpɛli daa mówo nwɔ́ haláá laa həli nuą, daa nwɔ́ kalanɉonŋaa diɛ mɔ̨nɔ̨ mįi daa kwəi a pulu, diɛ kɔ̨nɔ̨n gwɛli, ə gɛ, di nɔ̨ɔ̨ ə lɛɛ di hu.

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Osia 2:7

di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Mise 7:5

'Ka hvo laa ka kaayɔwɔ ta la, 'ka hvo ka kili lɛɛ ka ɓɛlamun da ɓa, ə mą kɛ nɛ̨ɛ̨nui laani ə́ kəŋə la ɲɛ̨i ɓa ɓə, ə́ hvaa woo yɛlɛ kɛ.

M̀ɛni-lɛɛi 17:13

Di kwəi kiliŋąhiɛ kaa tanɔ̨n, ya ɓaa: Di di hvaŋą kəlee lɔ ɉuwɔi tii ŋą tiɓo hu.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.