Woolaa 1:11 - Yálá laawoo hɛɓɛ

¹¹ Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Yálá laawoo hɛɓɛ (dc)

¹¹ Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Bible

¹¹ Ŋɔnûai da kɛ̀ díkɔnɔ̃ŋ kɔ̂rii, da kɛ̂ nyîɣɛi. Da díkɔ̃liŋ kpanaŋ-ŋai maa fáleŋ a mii-sãa a gɛɛ dífulu-laai é lɛ́ɛ díyêei. Díkɛ môi dîyɛ̂ɛi, “Yâwɛɛ, íyee sée ḿû, ŋa mɔ̃lɛ̂i.

Woolaa 1:11 ပူးပေါင်းရင်းမြစ်များ

Tɔɔɓɛlaa veelɛ 6:25

Daa mąątínɛ̨n di mo a kɔ́, yili ə gɛ, pulu kɛnɛ̨ kpɔ ə too Samari, yili ə kpɔlu daa nuą la, diɛ hoohvaalən nwunganin dɔ̨nɔ̨ ya a wali kwələ pow mɛ̨ihaaɓa, kɔ̨nɔ̨n gəgən ɉu hveelɛ ə ɓo a wali kwələ lɔɔli.

Zôo 40:4

Lə kɛ hɛn mąą ɲą́ą́, yaai ŋą́ ə́ woo pulu pənə? Ŋą́ą́ ɲéé pɛlɛ ná, və́ kɛa hvaai.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Ɉeremi 38:9

Yɛ mą: «Tɔɔmun! Ną́mu, mɛ̨nį ɲɔ̨nwɔ̨ɔ̨ ka ŋɛ̨i nuą ŋɛ̨i daa gɛ yɛ hvilɛn Yálá kwəi mɛ̨nį hukulɔ mun Ɉeremi ɓa. Daa bili ɲálɔwa hu, gaa pai haai nɔwai tii hu, kɔ̨nɔ̨ da hvo kɛa daa kwəi.»

Ɉeremi 52:6

Ɲąnin nwɔ hvóló mɛ̨inąąn ɲələ, pulu ə kɛ daa kwəi, hɛn nąmįną kɔ̨nɔ̨n və kɛa kɛ di yəi.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 2:12

Lɛapɛlɛɛ diɛ kɛ di leeni diɛ: «Mįnɛ̨ ɓə kwa kɔ̨nɔ̨n nogolo kpɛli hɔlɔɓo laa ku mįi?» Diɛ too gwəli hąąiɠaa ɓa yɛ da nuą mąą nwąną, diɛ lɛɛ di leeni yee kɔ̨nwɔ̨n ɉu diɛ haa.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Woolaa 5:1

Yai-Laa mɛ̨nii aa laa kuɔ, ə́ kiliŋąhiɛ mą; Nwumɛ̨i aa tɛ kuɔ, ə́ gaa.