Woolaa 1:10 - Yálá laawoo hɛɓɛ

¹⁰ Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Yálá laawoo hɛɓɛ (dc)

¹⁰ Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Bible

¹⁰ Ŋɔkpɔara-ƃelai dí ŋɔlaai kɛ kwaa-ŋai ma su kàra. È díkàa dí kɛ́ lɔ̀ ŋɔkwaa ma waai ma, ƃɛ́i Ɣâla Yâwɛɛ fé fáa ní kɛ̀ ma zɛ̃tai-ƃelai dí lɔ́ kɛ̀ naai.

Woolaa 1:10 ပူးပေါင်းရင်းမြစ်များ

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Nehemi 13:1

Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Azaya 63:18

Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Ɉeremi 15:13

Hɛn kpɔ gaa ə́ yəi, da ə́ yəi hɛn gɔwɠaa, ŋį́ gəlee lɛɛ laa, diɛ too di hu, nɛ̨ŋɛ̨nŋaa ə́ ɉəɠə, vɛla ka tii, yili a həli tii ə́ wɔ lɔi nąą kəlee ɓa.

Ɉeremi 20:5

Daai hɛnŋaa kəlee, da nwɔ kóló dɔlɔ kəlee, ɉɛn kpɔ daai a mąą mɛ̨nį nwąnąą, da Ɉuda tɔɔɓɛlaa di wɔ hɛn gɔw kəlee, gáá gəlee tɛɛi di yowoɠaa pɔ. Di kaa pai tooi ɉu, diɛ di yɛɠɛ, diɛ li a diɛ Babilonə.

Ɉeremi 27:19

Maahɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka: Yɛ hvilɛn na bɛlɛ́ hɔlɔɔnŋaa diɛ, da gboloyá tea da ɉɛn tii mįnɛ̨ kəhi hvilɛn ŋąą mɛ̨i, da ɉɛn ɲąŋą takpɛliɠaai Ɉerusalɛmə daai.

Ɉeremi 27:21

Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka; yɛ hvilɛn na ɉɛn ɲąŋąɠaai kpɔ da lɛɛ Yálá hee pɛlɛ́ mu, da dɔɔ pɛlɛ́ mu da Ɉerusalɛmə daai diɛ.

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Ɉeremi 51:51

Kwaa nwumɛ̨ ku lalan bələ ɓa, nwumɛ̨ aa ku ɲɛ̨i paa. Nwɛ̨ąą daa lɔ Yai-Laa nwɔ pɛlɛ́i mu, gɛɛnąą mąąhəɠɛɛ ɓa.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Woolaa 1:7

Ɉerusalɛmə aa giliŋąhiɛ, nwɔ mɔ̨nɔ̨ mįi hvólóɠaa hu, tɔlɔɔ tɔlɔɔ yələ, mąąwiɛ ə kɛ mą! Ɓɛlɔwai di yowoɠaa di kɛi ɉu nuą paa la, nu ta hvo kɛi hɔlɔɓo hvo kpɔnmąą tɛɛ di pɔ, diɛ yɛlɛ mą.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Izikiɛ 7:22

Gáá pai búlu tinɛ̨n ɉii diɛ, diɛ nwɔ́ hɛn gɔwi hukala. Nwuɔ̨ nuą di kaa pai pai laa, diɛ ɉu kala.

Izikiɛ 9:7

Yɛ diɛ: «'Ka Yálá hee pɛlɛ́ mu kala; ɛlɛɛ, 'ka ká wɔ lí ɓo! Di pɛlɛ kɛa nu paa ɓa, daa pɔ.»

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Dutɛrɔnome 23:3

Wɛlilon va lɔ Yai-Laa nwɔ haláá ɲąąkpɔn ɉu, ə mą kɛ, mąnįn bulu mąnįnŋąą daa kɛ pow, di hva lɔ Yai-Laa nwɔ haláá ɲąąkpɔn ɉu.

Dutɛrɔnome 23:4

Amɔn nuą da Moabə nuą di hva lɔ Yai-Laa nwɔ haláá ɲąąkpɔn ɉu kpɔ tɔ̨nɔ̨ kpɛli. Ə mą kɛ di mąnįn bulu mąnįnŋąą bow nąą ɓə.