Osia 8:13 - Yálá laawoo hɛɓɛ

¹³ Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Yálá laawoo hɛɓɛ (dc)

¹³ Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Bible

¹³ Dí wɛ́li ní a sâla kuláa. Da sua kûla a sâla dí mii. Kɛ́lɛ, Ńyãa Yâwɛɛ ḿve wɛ́li ní la. Ǹyaŋ ḿve pâi dísɔnyɔ̂ŋ su-mɛni lɛɛ̂i. Ŋa pâi díkula maa kɛ̂i. Ŋa pâi dítɛɛ̂i pôlu Ize lɔii su.

Osia 8:13 ပူးပေါင်းရင်းမြစ်များ

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Ɉeremi 14:10

Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Izikiɛ 29:16

Hva kɛa kɛ a hɛn da di kilitɔɔ mą; yili ɓə kɛi gɛ Israɛlə nwɔ pɛlɛ́i yɛ ɲɛ̨i tinɛ̨n bɔ pələ, yɛ nɛ̨ŋɛ̨n ɉəɠə la ti; bələ ɓə da gili kɔ́lɔn na diɛ kɛ Yai-Laa ɓaa a ɲą́ą́.»

Osia 11:5

Di hvo pai pənəi di hvo li Eziptə lɔi hu, Asiri ɓə pai kɛi a di wɔ tɔɔmun, mąąhɔlɔɓo, di hvo gɛ li di hvo pənə di hvo pa bɔ́.

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Osia 4:9

Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Osia 5:6

Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Osia 7:16

Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Osia 9:6

Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Lukə 12:2

Yiiɠaa lɔpee nooŋąai, gəlee mɛ̨i kaa pai həɠəi. Low mɛ̨nįɠaa kaa pai kulɔi pono ŋą, nu kəlee di gɔlɔn.

Korɛntə dɔlɔɔ 11:20

Kɛlaa, 'ka ká ɲąąkpɔn, gu Ną́mu nwɔ kɔ̨nɔ̨n hvə ka hee mįi mɛ̨nį ɓa.

Korɛntə dɔlɔɔ 11:29

Mąąhɔlɔɓo, nui a nɛɠɛ ŋɛ̨i mįi, yɛ gbələ a gbələ kɔwɔ, a tɛɠɛɓo ɉu laa gu Nąmu ɓa, gaa naa mįi, yɛ gbələ, a gbɔwɔ nwun na pili mɛ̨nį.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.